Dhaniyeli 2:41 - Bhibhiliya Nya Guage

⁴¹ Gasi iso u si wonidego migondroni ni dzinyalani gwaye, limbe liphuvbo gu nga bani nari simbi gumbe libumba, gu na bani nari mufumo nya gu kabaniswe khu vbakari, ambari khu kharato, wu na bani wuri ni tshivbanyana yidugwana nya nga simbi, ambari u wu wonidego na wu patedzedwe ni libumba.

Dhaniyeli 2:41 Iomraidhean Croise

Dhaniyeli 2:40

Gasi mufumo nya wu na, wu na bani wuri ni tshivba, na wu tiyide nga simbi. Kholu kha nga simbi yi phwatiselago ni gu tshigira silo satshavbo, kharato nuwo kha nga simbi yi phwatiselago silo satshavbo, uwo nuwo wu na tshigira ni gu phwatisela.

Dhaniyeli 2:42

Kha nga olu dzinyala limbe liphuvbo gu nga bani na guri ga simbi limbe nya libumba, uwo nuwo mufumo wowo, gimbe gipandre gi na tiya, gimbe gipandre wu na vbevbuga.

Dhaniyeli 7:24

Likhumi dzikheho, gu ganedwa gupwani khu mufumo wule wa moyo, gu na duga Likhumi vafumeli, khu hwane gwawe, gu na duga wumbe mufumo wu na gu hambanago neyi nya guhegule, uwo wu na thesa vafumeli vararu.

Dhaniyeli 7:7

Khu guhegisa, nyi di simama gu khedza nyi wona siwoniso nya wutshigu, nyi di wona girengo nya wu na, na giri ni tshivba nya guthise, na giri ni magwaha mana nya makhongolo nya gikete; igyo gya gu vbadzulela gu tshala khu sipandre, isoso si tshalago gi gandredzela khu migondro. Igyo gi di hambanide ni simbe sirengo si nga wonegago khu hwane gwaye na giri ni likhumi dzikheho.

Gutuledwa 12:3

Khavbo avbo, gi di tumbuluga gimbe giwonegiso ndzadzini: Mwamilambo nya khongolo ngudzu, nya gungangamele nga nilo,

Gutuledwa 13:1

Khavbo avbo, nyi di ema khu funguni nyi wona gambe girengo na gi tumbuluga khu linene. Girengo gyogyo gi diri ni livbandre na mivili mihungo ni likhumi dzikheho, kheho ni kheho yi di ambade gihugu nya wufumu. Mihungoni gwaye gu di lovidwe malina nya guvale Nungungulu.

Gutuledwa 17:12

Likhumi dzikheho u nga dzi wona khu likhumi vafumeli vale va si gu hakhiswigo gidhumo nya wufumu, aholu, ndrani nya gikhatinyana va na kabana wufumu ni girengo.