Dhaniyeli 2:4 - Bhibhiliya Nya Guage

⁴ Vakalidhiya va di embela mufumeli khu Gisiriya khavo: “Uwe Mufumeli vbanya kala gupindruga! Hi embele ndroro yago, ethu sithumi sago, hi na gu ninga tshamuselo waye.”

Dhaniyeli 2:4 Iomraidhean Croise

Genesi 31:47

Laboni a di gu rana khuye Jegari-Sahaduta, gasi Jakobe a di gurana khuye Galedi.

Genesi 41:8

Ni dzimindru, na gu garadzega hefemuloni gwaye, Faro a di ruma gu ranisa dzinyanga dzatshavbo, ni vanyaguti vatshavbo va Egipito a ta va embeledzela dzindroro. Aholu mwalo a nga dzi kodzago gu mu ninga tshamuselo.

1 Dzipfhumu 1:25

Kholu uye muhuno relede aya ningela miphaso a paya dzimombe ni simombyana nya gunone, ni dzinvuta nya gutale. Rambide satshavbo sanana sa mufumeli, ni vathangeli nya masotshwa, ni muphasi nya mhamba Abhiyatari, olu va gu hodza, va sela gumogo naye na va gu ganela, khavo: A na vbanye mufumeli Adhoniya!

1 Dzipfhumu 1:31

Khavbo avbo, Bhate-Sebha a di noga, a thega khu khovbe mafuni, a ninga githawo mufumeli, a ganela, khuye: “A na vbanye mufumeli Dhavhidhe, mune wangu, kala gupindruga.”

2 Dzipfhumu 18:26

Khavbo avbo, Eliyakimi, mwamana wa Hilikiya, ni Sebhina ni Jowa, va di embela Rabisake, khavo: “Hi ngu lomba gukhethu u ganela ga sithumi sago khu lidimi nya giasiriya; kholu ethu hi ngu li yingisa gwadi; u nga ganeli khu Gijudha ga vathu va khadego vbatshani nya ndzari.”

Ezira 4:7

Matshiguni ya Aritasesi, mufumeli wa Perisiya Bhisilamu, Mitiredhati, Tabhiyeli ni vamata vaye va di lovela Aritasesi lidangalila khu malovelo nya giasiriya ni lidimi nya gisiriyaka.

Nehemiya 2:3

nyi mu phindrula, kheni: “Mufumeli, vbanya kala gupindruga! Nyi na kala nyi si swihali khu ginani, na nyi gu wona lidhoropa va ladego umo vavelegi vangu na li khungumudwe, malimba yakone na ma dagarede khu nilo.”

Isaya 36:11

Khavbo avbo, Eliyakimi, Sebina ni Jowa, va di embela Rabhisaki, khavo: “Hi ngu gu lomba gukhethu u ganela ni sithumi sago khu Giharami, kholu khilo lidimi hi li yingisago. U nga ganeli khu Gihebheru, kholu kharato, vathu va fodego dzindzarini va na si yingisa.”

Isaya 44:25

Nyi ngu ganedza vaprofeti nya malipha, nyi handrugisa va nya gulola dzisolo; va nya guti nyi va bweledza hwane, nyi vbindrugedza wugengeli wawe wu khala wupumbu.

Dhaniyeli 1:4

Madzaha nyamba hasa, nya wumburi, va hevbudego, nya gugengele ni guti, na vari ni mapimo, na va vbelede gululama, na va hevbude ni tshivba, gasi guya vegwa nyumbani nya wufumu, va hevbudzwa milowo ni lidimi nya Vakalidhiya.

Dhaniyeli 2:7

Va di engedza va mu hakha, khavo: “Mufumeli, embela ndroro yago sithumi sago, ethu hi na gu ninga tshamuselo yaye.”

Dhaniyeli 3:9

va embela mufumeli Nabhukodhonosori, khavo: “Uwe mufumeli, vbanya kala gupindruga!

Dhaniyeli 4:19

simbo wowo, gu thudwa uwe mufumeli, u dandridego u khala muthu nya tshivba, wugulu wago wu vboha kala damboni, gufuma gwago gu nava kala mahegiso nya litigo.

Dhaniyeli 4:7

Siwoniso nyi nga si wonago na nyi lade dawuni gwangu khesi: Nyi di wona mbeli gwangu simbo nya gulaphe ngudzu nari vbakari nya mafu.

Dhaniyeli 4:9

Mahagane yaye ma di mburide, na wuri ni mihandro nya yingi, vathu vatshavbo va di mana umomo guhodza; sirengo nya likhabi si di zumba mutsani gwaye, ni sinyoni sa damboni si di vbaha umomo sihaga sawe, sivangwa satshavbo nya guvbanye si di hodziswa khuwo.

Dhaniyeli 5:10

Avbo pfhumugadzi yi ngapwago ligwaha la mufumeli ni dzindruna dzaye, yi di bela nyumbani nya buzo yita, khiyo: Uwe mufumeli, vbanya kala gupindruga! U nga thurugi ambari gu thuviga khovbe.

Dhaniyeli 5:8

Khavbo avbo, gu dita vagengeli vatshavbo va mufumeli; aholu avo kha va nga ta kodza gu hevbula milowo yi nga bani yi lovidwe, ambari gu ninga tshamuselo wawaye ga mufumeli.

Dhaniyeli 6:21

Dhaniyeli a di embela mufumeli, khuye: “Uwe mufumeli, vbanya kala gupindruga!

Dhaniyeli 6:6

Khavbo avbo, vamwamangulu ni vathangeli vava, va di pwanana khu gisihaledza va hongola gumogo ga mufumeli, vaya mu embela, khavo: Uwe mufumeli Dhariyo, vbanya kala gupindruga!

Dhaniyeli 6:7

Hatshavbo ethu vawoneleli nya litigo lago ni dzindruna dzatshavbo, vathangeli, dzindruna nya nyimbi ni vamwamangulu, hi pwananide nya gukhethu uwe mufumeli, dusa khwepa nya nayo wu na gu thumago ndrani nya magumararu matshigu, nya gu ni wevbini muthu a na gu girago gilombo ga mumbe nungungulu ni mumbe muthu, vbavbandze gwago uwe mufumeli, a na dzegwe a rinywa phalani nya dzinghala.

Matewu 21:9

Avo va nga bani va thangide mbeli navo va nga bani va guta khu hwane, vatshavbo va di mu kulungela, khavo: “Hosana ga Mwamana wa Dhavhidhe! A na rungudzwe uye a tago linani la Pfhumu! Hosana vbatshani Ndzadzini!”

1 Samuweli 10:24

Khavbo avbo, Samuweli a di embela vathu vatshavbo, khuye: Mu ngu mu wonani uye a hathidwego khu Pfhumu Nungungulu, gani? Kholu ga vathu vatshavbo mwalo a fananago naye. Khavbo avbo, vathu vatshavbo va di kulungela khu gutsaka, khavo: “A na vbanye mufumeli!”