Dhaniyeli 2:30 - Bhibhiliya Nya Guage

³⁰ Gasi avbo gwangu nyi tuledwe sihalo yoyu, nasi khu guti guvbindra vambe va vbanyago mafuni, ahihi; aholu gasi nyi kodza gu pwadzela mufumeli tshamuselo ni guti iso si dugeledego mapimoni gwago.

Dhaniyeli 2:30 Iomraidhean Croise

Genesi 41:16

Josefa a di phindrula ga Faro, khuye: “Khandri eni, aholu Nungungulu khuye a na ningago tshamuselo nya lisine ga Faro.”

Dzindzimo 139:2

U ngu nyi pima gukhuga ni guema, khu hwindzo u ngu yiti mipimiso yangu.

Isaya 45:4

Khu kotani nya lihaladzo nyi gu nalo ni githumi gyangu Jakobe, ni Israyeli, gihathwa gyangu, nyi na gu rana khu lina lago, bwelo khavbo nyi gu ninga lina nya wuzundzo, ambari olu u si nyitigo.

Dhaniyeli 1:17

Nungungulu a di ninga madzaha yaya nya mana, guti ni gu pimisa ni wugengeli nya milowo yatshavbo. Gu diga nya isoso, Dhaniyeli a di mana mapimo nya gutshamusele mafumbu yatshavbo nya siwoniso ni dzindroro.

Dhaniyeli 2:47

Mufumeli a di embela Dhaniyeli, khuye: “Kha nyi kanakani nyi ngu tiyisa gukheni Nungungulu wanu, Nungungulu nya vanungungulu, ni Pfhumu nya vafumeli, khuye a tugulago iso si sihadego, kholu u kodzide gu nyi tshamusela sihalo yoyu.”

Dhaniyeli 2:49

Dhaniyeli a di lomba ga mufumeli gu a emisa Sadraki, Misaki ni Abhedhi-Negho, gu khala dzindruna nya gipandrengulu gya Bhabhiloni, gasi Dhaniyeli a di tshala umo nya huwo ya mufumeli.

Amosi 4:13

Kholu khuye a wumbago sigomo, a girago dziphuvbo, a pwadzela muthu makungo ma guromo monyoni gwaye, a vbindrugedza mihani gu khala gidema, a gimbila khu malangani nya gukhugege ya mafuni; Pfhumu, lina laye, khuye Nungungulu nya Tshivba Yatshavbo!

Matewu 24:22

Nari pwani kha nga rodzisa matshigu yoyo, mwalo a nga vbweta gu vbanyiswa. Aholu, khu kotani nya sihathwa saye, a na ma rodzisa.

Marko 13:20

Nari pwani Pfhumu kha nga rodzisa matshigu yoyo, mwalo a nga vbweta gu vbuluga; aholu, khu kotani nya vale a va hathidego a ma rodziside.

Mithumo 3:12

Na wonide esi, Pedro a di ganela ga vathu, khuye: “Vathu va Israyeli, khu ginani mu liwuga khu gu wona silo sesi; khu ginani mu hi khedzisago nga khwatshi mwendro khu tshivba yathu, mwendro gukhodwa gwathu gu nga hawulugisa mwama yoyu a kodza gu gimbila?

Varoma 8:28

Hi ngu dziti nya gukhethu Nungungulu vegedzede satshavbo gasi gu phasedzela vale va mu golago, avo va ranidwego khu guhaladza gwaye.

2 Vakorinto 4:15

Satshavbo sesi sa gu girega khu kotani gwanu, gasi wuhigo wu engedzelane ga vathu nya vangi, gasi gudandrisa wudhumo wa Nungungulu.