Dhaniyeli 2:29 - Bhibhiliya Nya Guage

²⁹ Avbo u nga bani nu lade vbadawutunu gwago, uwe mufumeli, u tedwe khu gupimisa nya iso si na gu gudugelelago khu matshigu ma nga gutago; kholu uye a tugudzisago misihalo, a gu yeyedzide iso si na gu dugelelago.

Dhaniyeli 2:29 Iomraidhean Croise

Genesi 41:25

Khavbo avbo, Josefa a di ganela ga Faro, khuye: “Ndroro ya Faro mweyo basi. Nungungulu tiviside ga Faro esi a vbwetago gu gira.”

Ezekiyeli 38:10

Mune Pfhumu Nungungulu, a ngu ganela kharati, khuye: Ga litshigu lolo, u na pimisa silo nya gutale monyoni gwago, bwelo khavbo u luga makungo nya guvivbe.

Dhaniyeli 2:22

Uye a ngu tugudzisa silo nya guete niso si sihadego; khuye atigo iso si guromo gidemani guwonegela gwa gu khala avbo gwaye.

Dhaniyeli 2:23

Eni nyi ngu gu bonga ni gu gu rungudza, uwe Nungungulu wa vababe vangu; khuwe u nyi ningidego guti ni tshivba, olu u nyi yeyedzide iso hi gu lombidego, kholu u hi tugudziside mahungu yaya ya mufumeli.

Dhaniyeli 2:28

Aholu womo Nungungulu moyo ndzadzini a tugulago misihalo; uye a pwadzede mufumeli Nabhukodhonosori, iso si na gu mu dugelelago matshiguni yaye nya guhegise. Ndroro yago ni siwoniso sa vbadawutunu gwago khesi:

Dhaniyeli 2:45

“Kha nga u wonidego nya gukhuwe, khu gigomoni gu di wumbuluga giwindri nyamba pidwa khu muthu, gita pfara ni gu phwatisela simbi, sugu, libumba, parata ni ndralama. Nungungulu nya Tshivba Yatshavbo tiviside mufumeli iso si na gu giregago khu matshigu ma natago. Eli khu lisine nya ndroro, tshamuselo yaye yi tiyide khya lisine.”

Dhaniyeli 2:47

Mufumeli a di embela Dhaniyeli, khuye: “Kha nyi kanakani nyi ngu tiyisa gukheni Nungungulu wanu, Nungungulu nya vanungungulu, ni Pfhumu nya vafumeli, khuye a tugulago iso si sihadego, kholu u kodzide gu nyi tshamusela sihalo yoyu.”

Amosi 4:13

Kholu khuye a wumbago sigomo, a girago dziphuvbo, a pwadzela muthu makungo ma guromo monyoni gwaye, a vbindrugedza mihani gu khala gidema, a gimbila khu malangani nya gukhugege ya mafuni; Pfhumu, lina laye, khuye Nungungulu nya Tshivba Yatshavbo!