Dhaniyeli 2:27 - Bhibhiliya Nya Guage

²⁷ Dhaniyeli a di hakha, khuye: “Mwalo ni moyo mugengeli, va nya gulola dzisolo, ni avo vatigo dzinyeledzi mwendro dzinyanga, a dzi kodzago gu ninga tshamuselo nya ndroro ya mufumeli.”

Dhaniyeli 2:27 Iomraidhean Croise

Genesi 40:8

Avo va di hakha, khavo: “Hi di lora, aholu mwalo a dzi kodzago gu hi ninga tshamuselo nya dzindroro.” Josefa a di va embela, khuye: “Ina gutshamusela dzindroro khandri thumo wu lumbago Nungungulu, gani? Nyi ngu mi lomba mu nyi embelani ndroro yakone.”

Genesi 41:8

Ni dzimindru, na gu garadzega hefemuloni gwaye, Faro a di ruma gu ranisa dzinyanga dzatshavbo, ni vanyaguti vatshavbo va Egipito a ta va embeledzela dzindroro. Aholu mwalo a nga dzi kodzago gu mu ninga tshamuselo.

Isaya 19:3

Hefemulo wa Vagipiti wu na titivala ndrani gwawe, nyi na phalalegisa makungo yawe, va na ya wudzisa wusingalagadzi ga sifananiso sawe, ni ga vale va khozelago va nya gufa ni valoli nya dzisolo.

Isaya 44:25

Nyi ngu ganedza vaprofeti nya malipha, nyi handrugisa va nya gulola dzisolo; va nya guti nyi va bweledza hwane, nyi vbindrugedza wugengeli wawe wu khala wupumbu.

Jeremiya 10:7

U Mufumeli nya mayigo, khu mani a si yeligo gu gu ninga githawo? U fanede gu ningwa githawo; kholu vbakari ga va nya guti nya mayigo yatshavbo ni mifumo yawe yatshavbo, mwalo a fananago nago.

Dhaniyeli 1:20

Mahunguni gwatshavbo nya wugengeli ni guti, gu di manega avo na vari mbeli likhumi dzinyondro guvbindra dzinyanga ni valoli nya dzisolo dza tigoni gwaye gwatshavbo.

Dhaniyeli 2:2

Khu guralo, mufumeli a di rumela gu tombaniswa dzinyanga, valoli nya dzisolo, va nya sikwembu ni vagengeli nya Vakalidhiya, vata mbeli ga mufumeli gasi vata mu ninga tshamuselo nya esi a nga lorago,

Dhaniyeli 4:7

Siwoniso nyi nga si wonago na nyi lade dawuni gwangu khesi: Nyi di wona mbeli gwangu simbo nya gulaphe ngudzu nari vbakari nya mafu.