Dhaniyeli 2:22 - Bhibhiliya Nya Guage

²² Uye a ngu tugudzisa silo nya guete niso si sihadego; khuye atigo iso si guromo gidemani guwonegela gwa gu khala avbo gwaye.

Dhaniyeli 2:22 Iomraidhean Croise

Genesi 41:16

Josefa a di phindrula ga Faro, khuye: “Khandri eni, aholu Nungungulu khuye a na ningago tshamuselo nya lisine ga Faro.”

Joba 12:22

Khuye a tugulago iso si guromo guetani nya gidema, si wonega safani nya mihani.

Joba 26:6

Kholu lithowo li tulegide mbeli ga Nungungulu, gimwalo gi kodzago gu fenengedza liphala la avo va mbembidego.

Dzindzimo 104:2

U ambade wenengedzo kha nga gifenengelo, u gu ladza ndzadzini gu fanana ni lilwambi.

Dzindzimo 25:14

Pfhumu Nungungulu a gu tulela guti sihalo waye vale va mu thavago, a va tivisa gidzumeledzwano gyaye.

Dzindzimo 36:9

Kholu gibuga nya womi gyomo gwago; khu wenengedzo wago, hi ngu wona guwonegela.

Muhevbudzi 8:1

Khu mani a fananago ni muthu nya guti, a wutigo tshamuselo nya mahungu? Muthu nya guti, khovbeni gwaye gu ngangamela, gu vbindrugedza ni makhalelo yaye.

Isaya 41:22

Resani muta hi bikelani silo si na gu dugelelago, hi embeleni esi si dugeledego gale, gasi hi kodze gu siti ni gu si pima gukhethu si na girega; mwendro gu hi embelani iso si na gu dugelelago.

Isaya 41:26

Gukhugela guhegulani, khu mani a tivisidego esi, gasi hi kodze gu siti; gasi khu mambe matshigu hi kodze gu ganela khethu: “Lisine kamwe a ganelago?” Aholu mwalo a nga si tugula, ambari nya gu hi tivise, ni gupwa magana yanu.

Isaya 42:9

Wonani nya gukhenu siwoniso nya guhegule si giregide, olu nyi ngu mi tivisa silo nya siphya, nyi ngu si tivisa gwanu, na si si gu vbohi.

Isaya 45:7

Eni nyi ngu wumba wenengedzo ni gu gira gidema; nyi ngu tsakisa muthu, nyi bwelo khavbo nyi mu rumela sigaradzo; eni Pfhumu Nungungulu nyi ngu gira silo satshavbo sesi.”

Jeremiya 23:24

Mwa gu alakanya gukhenu womo muthu a dzi kodzago gu sihala nyamba mu wona eni, gani? A ngu ganela Pfhumu Nungungulu, khuye: Ina kha mu dziti nya gukhenu eni nyi womo malangani yatshavbo ndzadzini ni mafuni, gani?

Jeremiya 33:3

Nyi rane, eni nyi na gu ninga phindrulo, nyi na gu tivisa silo si sihadego, esi u si sitigo.

Dhaniyeli 2:11

Iso u si lombago uwe mufumeli si ngu garadza, mwalo ni moyo a na gu emago mbeli ga mufumeli a mu ninga tshamuselo, vbavbandze nya vanungungulu, va gumba khala nyamani nya vathu.

Dhaniyeli 2:19

Khavbo avbo, Dhaniyeli a di tugudziswa sihalo nya ndroro khu gu loriswa ni wutshigu. Dhaniyeli a di rungudza Nungungulu wa ndzadzini.

Dhaniyeli 2:47

Mufumeli a di embela Dhaniyeli, khuye: “Kha nyi kanakani nyi ngu tiyisa gukheni Nungungulu wanu, Nungungulu nya vanungungulu, ni Pfhumu nya vafumeli, khuye a tugulago iso si sihadego, kholu u kodzide gu nyi tshamusela sihalo yoyu.”

Dhaniyeli 5:11

Womo mwama moyo vbakari nya mufumo wago a gu ni liphuvbo la vanungungulu va agidego; matshiguni ya babe wago, gu di manwa avbo gwaye wenengedzo, gupimisa ni wugengeli, nya gufanane ni wugengeli wa vanungungulu. Babe wago, mufumeli Nabhukodhonosori, a mu emiside gu khala muthangeli nya dzinyanga, nya va nya sikwembu, nya Vakalidhiya, ni va nya gulola dzisolo.

Dhaniyeli 5:14

Va ngu nyi embela gupwani liphuvbo la vanungungulu lomo vbakari gwago, gumogo ni wenengedzo ni mapimo, ni guti nya gusamadzise.

Matewu 13:13

Khiso isoso si nyi girago gu eni nyi ganela navo khu sipimaniso, kholu va ngu ronoga nyamba wona gilo; ni gu yingisa nyamba pwisisa.

Johane 1:9

Lito li diri wenengedzo nya lisine, wu ngatago mafuni gasi guta wenengedza muthu watshavbo.

Johane 21:17

A di mu wudzisa nya wuraru, khuye: “Simoni, mwamana wa Jona, ina kamwe u ngu nyi gola uwe?” Pedro a di garadzega, kholu a nga mu wudzisa nya wuraru, khuye: “U ngu nyi gola, gani?” A di mu hakha, khuye: “Pfhumu! U nguti satshavbo; u ngu dziti gwadi khuwe nyi ngu gu gola.” Jesu a di mu embela, khuye: “Havisa dzinvuta dzangu.

Johane 8:12

Jesu a di va embela gambe, khuye: “Eni kheni wenengedzo nya litigo. Uye a nyi landrelago kha na gimbila gidemani, aholu a na bani ari ni guwonegela nya guvbanye.”

1 Vakorinto 4:5

Khavbo avbo, mu nga tutumeli gu lamula gi si gu vbohi gikhati. Virelani Pfhumu a wuye. Uye khuye a nata wenengedzago esi si sihadego gidemani, ni gu funungula esi si sihadego myonyoni nya vathu. Khavbo avbo, muthu ni muthu a na ningwa khu Nungungulu wuzundzo wu mu fanelago.

Vaefeso 3:5

Ga mimelana yi vbindridego mwalo ni moyo a tuledwego guti sihalo yoyu, aholu, ga matshigu ya muhuno, Nungungulu, khu Liphuvbo laye nya Guage, a wu tiviside ga vapostoli vaye nya guage ni ga vaprofeti.

Dhewuteronome 29:28

Silo si sihadego sa gu lumba Pfhumu Nungungulu wathu, aholu iso nya guwonege sa gu lumba ethu gikhati gyatshavbo gumogo ni sanana sathu, gasi hi kodza gu landrisa magana yatshavbo nya Nayo yoyu.

1 Thimoti 6:16

Khuye basi a sifigo. Uye khade gungangamelani gu si vbohedwigo khu muthu. Mwalo a mu wonidego, gambe mwalo a dzi kodzago gu mu wona. Ga uye, wudhumo ni tshivba kala gupindruga! Amen.

Vahebheru 4:13

Gimwalo ni gimwegyo gi sihadego mahoni ga Nungungulu. Sivangwa satshavbo somo tendrelani mahoni ga Nungungulu. Ethu hatshavbo hi na ema mbeli gwaye, a hi lamula.

Jakobe 1:17

Satshavbo nya sadi hi hakhidego ni giningwa nya gululame sa guta khu ndzadzini. Satshavbo sa guta khu ga Babe, Muvangi nya satshavbo si wenengedzago ndzadzini. Uye kha vbindrugedzi, gambe gi mwalo gwaye gi yeyedzago gu vbindrugedza.

1 Johane 1:5

Mahungu hi ma pwidego ga Jesu Kristo, ayo hi ma tivisago gwanu nenu, khaya: Nungungulu Wenengedzo, ga Uye gu mwalo gidema.