Dhaniyeli 2:21 - Bhibhiliya Nya Guage

²¹ Uye a ngu vbindrugedza dzinango ni gikhati, uye a ngu dusa vafumeli ni gu tiyisa vafumeli, uye a ngu ninga guti va nya gugengela ni wugengeli ga va nya mapimo.

Dhaniyeli 2:21 Iomraidhean Croise

1 Dzipfhumu 10:24

Vathu vatshavbo va mafuni, va di vbweta gu wonana ni Solomoni, ni gupwa wugengeli owu Nungungulu a nga bani a wu vegide monyoni gwaye.

1 Dzipfhumu 3:28

Avbo vatshavbo va na Israyeli va nga pwago mahungu nya malamulelo yaya a nga lamulago khayo mufumeli; vatshavbo va di ninga githawo nya gikhongolo ngudzu ga mufumeli, kholu va di wona gukhavo gulamulani gwaye tade khu guti gwa Nungungulu.

1 Dzipfhumu 4:29

Nungungulu a di ninga Solomoni guti ni mapimo nya gusamadzise ngudzu ni wugengeli nya guete ngudzu nya nga fungu wa phwani.

1 Dzikoronika 22:12

Pfhumu Nungungulu a na gu ninge guti ni mapimo, gasi a gu vega gu fumela va na Israyeli, u kodza gu landrisa Nayo wa Pfhumu Nungungulu wago.

1 Dzikoronika 29:30

gomo umo gufuma gwaye gwatshavbo, ni wundrena waye, ni iso si nga dugelelago gikhatini gwaye, ga va na Israyeli ni ga mifumo yatshavbo ya mayigoni mule.

Joba 12:18

A ngu phalalegisa tshivba nya vafumeli, a va hunga giwunu khu makhetshe.

Ekisodha 31:3

Nyi mu tadzide khu Liphuvbo la Nungungulu, ni wugengeli ni guti ni mapimo nya gukodze mafumbu yatshavbo nya wumeseri,

Ekisodha 31:6

Nyi mu ningide Awoliyabhi, mwamana wa Ayisamaki, nya lihundzu la Dhani gu khala muphasedzeli waye. Nyi tadzide khu guti myonyo ya vameseri, gasi va kodze gu thuma satshavbo esi nyi gu leletedego a gu esi:

Dhaniyeli 1:17

Nungungulu a di ninga madzaha yaya nya mana, guti ni gu pimisa ni wugengeli nya milowo yatshavbo. Gu diga nya isoso, Dhaniyeli a di mana mapimo nya gutshamusele mafumbu yatshavbo nya siwoniso ni dzindroro.

Dhaniyeli 10:1

Khu mwaga nya wuraru nya gufume ga Kiro, mufumeli wa Perisiya, Dhaniyeli, a ranwago gambe gupwani khu Bhalitazari, a di ningwa giwoniso. Mahungu nya giwoniso gegi, ma diri ya lisine, ma di ganela khu libango nya nyimbi nya yikhongolo ngudzu. A di mati gwadi magana yakone ni gu mana tshamuselo nya giwoniso.

Dhaniyeli 11:6

Aholu khu hwane nya myaga, va na bwelo va pwanana, nyamahegyane wa mufumeli wa Marandzi a nata dzegana ni mufumeli wa Wuronga, gasi va kodze gu gira gidzumeledzwano. Aholu kha na tiyisa tshivba nya libogo laye, ni livelego laye kha li na nga vbanya matshigu nya gulaphe. Kholu khu matshigu yoyo, uye a na ningedwa gasi a songwa, ni vatshavbo va nyumbani gumogo ni babe waye, ni vatshavbo va nga mu seketelago khu gikhati gyogyo.

Dhaniyeli 2:20

Dhaniyeli a di ganela, khuye: Li na rungudzwe lina la Nungungulu kala gupindruga; kholu tshivba ni guti sa gu lumba uye.

Dhaniyeli 2:23

Eni nyi ngu gu bonga ni gu gu rungudza, uwe Nungungulu wa vababe vangu; khuwe u nyi ningidego guti ni tshivba, olu u nyi yeyedzide iso hi gu lombidego, kholu u hi tugudziside mahungu yaya ya mufumeli.

Dhaniyeli 2:9

Ni gukheni mwa gumba kodza gu nyi ninga tshamuselo mwatshavbo tsayiso wanu moyo basi! Kholu mu lugide makungo nya malipha gasi guta nyi kanganyisa khayo kala gikhati gi vbindra. Gasi olu, nyi embeleni ndroro gasi nyi kodze gu wona gukheni mu ngu kodza gu nyi ningani tshamuselo.”

Dhaniyeli 4:14

Gulamula gogu, gu di tiviswa khu dzingilozi, nayo wu leletedwa khu va nya guaga. Gasi avo va vbanyago va dziti gukhavo uye a Khusegidego ngudzu a ngu fuma mifumo yatshavbo nya vathu ni gu ninga ni wevbini a mu golago ambari nari wa gu solega guvbindra vatshavbo, a ngu mu emisa vbakari gwawe.

Dhaniyeli 4:17

Simbo u nga wu wonago, wu dandra wu mana tshivba, wu lapha kala damboni, wu nga wonwago tigoni gwatshavbo,

Dhaniyeli 4:22

Uwe u na lundrwa vbakari nya vathu, uya vbanya vbakari nya sirengo sa khabini, u hodza mwasi nga dzimombe, u wedwa khu hunguva ya ndzadzini. Gu na vbindra livbandre na sivili sikhati, kala u dziti nya gukhuwe uye a Khusegidego ngudzu, a ngu fuma vbakari nya mifumo nya vathu, ni gu dzega wufumu a ninga uye a mu golago.

Dhaniyeli 4:32

Vatshavbo va vbanyago mafuni, khandri gilo mbeli gwaye. Uye a gu thuma iso a si golago, khu mabutho nya dzingilozi dza ndzadzini ni vathu va vbanyago mafuni. Mwalo a ndreyisago gyandza gyaye mwendro gu mu embela, khuye: “Ginani u girago?”

Dhaniyeli 7:25

Mufumo wowu, wu nata ganela malito nya guwugele oyu a Khusegidego ngudzu, wu tshanisa sihathwa saye, wu na zama gu vbindrugedza milayo ni matshigu; sihathwa saye si na ningedwa mandzani gwaye khu gikhati nya guningane myaga miraru ni gipandre.

Luka 21:15

kholu eni mune nyi na mi ningani magana nya guti, ayo valala va na gumba dzi kodzago gu ma bomba.

Varoma 13:1

Muthu ni muthu gu vbwetega a yingela vathangeli va vegidwego khu nayo, wu mwalo mufumo wu ngamba vegwa khu Nungungulu, kholu wufumu watshavbo wa guta khu ga Nungungulu.

1 Vakorinto 1:30

Aholu hi tshanganisidwe ni Jesu Kristo, a gu uye a khadego guti gwathu. Khu tshivba ya Kristo hi giridwe vathu nya gululame mahoni gwaye, hi giridwe vathu va Nungungulu, hi dzegisidwe wugumbini nya gighoho.

Jakobe 1:17

Satshavbo nya sadi hi hakhidego ni giningwa nya gululame sa guta khu ndzadzini. Satshavbo sa guta khu ga Babe, Muvangi nya satshavbo si wenengedzago ndzadzini. Uye kha vbindrugedzi, gambe gi mwalo gwaye gi yeyedzago gu vbindrugedza.

Jakobe 1:5

A gu bani a romo moyo wanu a keneledwago khu guti, a na gu lombe ga Nungungulu a ningago khu wuhindzi ga vatshavbo nyamba sola, a na ningwa.

Gutuledwa 19:16

Vbatshokatunu nya mwendra wu fenengedzago giwunu gyaye, gu lovidwe pwani: “Pfhumu nya dzipfhumu; Mufumeli nya vafumeli.”