Dhaniyeli 2:20 - Bhibhiliya Nya Guage

²⁰ Dhaniyeli a di ganela, khuye: Li na rungudzwe lina la Nungungulu kala gupindruga; kholu tshivba ni guti sa gu lumba uye.

Dhaniyeli 2:20 Iomraidhean Croise

Genesi 14:20

A na dhumiswe Nungungulu a khusegidego ngudzu, a gu ningidego tshivba nya gupale valala vago!” Abrama a di mu ninga gipandre nya likhumi nya silo satshavbo a nga si wuyisago nyaluphye.

1 Dzipfhumu 8:56

“A na rungudzwe Pfhumu Nungungulu, a ningidego wulanga nya guhefemule avbo vathu vaye va na Israyeli, gukhedza khu satshavbo iso a ganedego! Li mwalo lito li thegidego ga situmbiso saye satshavbo nya sadi a ganedego khu ga githumi gyaye Mosi.

1 Dzikoronika 29:20

Khavbo avbo, Dhavhidhe a di embela tshangano watshavbo, khuye: “Olu dhumisani Pfhumu Nungungulu wanu!” Khavbo avbo, tshangano watshavbo wu di dhumisa Pfhumu Nungungulu wa vababe vawe, va noga va thega khu dzikhovbe mbeli ga Pfhumu Nungungulu ni ga mufumeli.

2 Dzikoronika 20:21

A di pwanana ni vathu vaye, a hatha vathu va na gu embelelago mbeli ga Pfhumu Nungungulu va dhumisa wugulu waye nya guage, va thanga mbeli nya masotshwa, khavo: Rungudzani Pfhumu Nungungulu, kholu wuwadi waye wu ngu simama kala gupindruga.

Nehemiya 9:5

Aholu va na Levhi Jesuwa, Kadimiyeli, Bhani, Hasabhineya, Serebhiya, Bhani, Hodhiya, Sebhaniya ni Petaya va di ganela, khavo: “Khugani hi rungudza Pfhumu Nungungulu wathu, khu gupindruga kala gupindruga. Avo va di ganela, khavo: Li na bongwe lina lago li zundzegago, li kategidego ni guvbindra gudhumiswa gwatshavbo.”

Joba 12:13

Nungungulu khuye a gu na ni guti ni tshivba, khuye a layago vathu bwelo khavbo a va ninga mapimo.

Dzindzimo 113:1

Aleluya! Dhumisani Pfhumu Nungungulu! Dhumisani Pfhumu Nungungulu, enu sithumi saye; dhumisani lina la Pfhumu Nungungulu.

Dzindzimo 113:2

Li na rungudzwe lina la Pfhumu Nungungulu, olu ni gikhati gyatshavbo.

Dzindzimo 115:18

Aholu ethu hi vbanyago, hi na dhumisa Pfhumu Nungungulu, gukhugela olu kala gupindruga. Aleluya! A na dhumiswe Pfhumu Nungungulu!

Dzindzimo 147:5

Khongolo khu Nungungulu wathu nya Tshivba Yatshavbo; guti gwaye gu mwalo mivbingano.

Dzindzimo 41:13

A na bongwe Pfhumu Nungungulu wa Israyeli, gukhugela olu kala gupindruga! Amen ni amen!

Dzindzimo 50:23

Wule a nyi ningago phaso nya gubonge, uyoyo a ngu nyi rungudza; wule a dongiselago ndzila yaye, nyi na mu nonedza guvbanyisa ga Nungungulu.

Dzindzimo 62:11

Nungungulu a di ganela gumogo basi, eni nyi mupwa guvili, khuye: “Tshivba ya gu lumba uye,”

Mavingu 8:14

Iso si lumbago eni, khu wusingalagadzi ni guti nya lisine; eni kheni gupimisa, nyi na ni tshivba.

Jeremiya 32:19

Uwe u khongolo khu dzindzila dzago nya gusamadzise, maho yago ma ngu wona gupima nya muthu ni muthu; gasi gu ninga tshatshazelo gukhedza khu mithumo yaye, gumogo ni handro nya mavbanyelo yaye.

Ezekiyeli 28:3

Lisine, uwe u nguti ngudzu guvbindra Dhaniyeli, wu mwalo ni sihalo moyo wu gu hangago.

Matewu 6:13

U nga hi digi hi gu thega mugusengwani, aholu hi vbulugise guvivbani.’ Khwago mufumo ni tshivba ni wudhumo kala gupindruga. Amen.

Judha 1:24

Aholu, wule a gu na ni tshivba nya gu mi vhikele, gasi mu si dhedhereki; ni gu mi vbwelegedza a mi vbohisa na mu tsakide, na mu agide nyambana giwono mbeli nya wudhumo waye;

Gutuledwa 5:12

Va di gu emba khu lito nya gukhugege, khavo: “Nvutana yi nga songwago yi fanede gu ningwa mufumo, wurendra, guti, tshivba, rungudzo, gidhumo ni wuzundzo.”