Dhaniyeli 12:8 - Bhibhiliya Nya Guage

⁸ Mahungu yaya, nyi di mapwa aholu kha nya ma pima gilo. Khu guralo, nyi di wudzisa, kheni: “Mune wangu, si na hegisa kharini silo sesi?”

Dhaniyeli 12:8 Iomraidhean Croise

Dhaniyeli 10:14

Olu nyi dzude guta gu tivisa iso si na gu giregago ga vathu vago khu matshigu nya guhegise, kholu giwoniso gya gu ganela khu silo si ngarigo hwindzo ni gu girega.”

Dhaniyeli 12:6

Mweyo nya idzo yi di embela mwama a nga bani na ambade dzingandzu nya seda, na khade vbatshani nya tsongo, khiyo: “Gu nata lini mahegiso nya siliwugiso sesi?”

Dhaniyeli 12:7

Mwama wule a nga bani na ambade dzingandzu nya seda na khade vbatshani nya mati nya tsongo, avbo a nga khusedzago mandza yaye ya nyamudye ni nyambade nyi di mupwa na gu sambanya khu wule a vbanyago kala gupindruga, khuye. “Si na dzega myaga miraru ni gipandre. Avbo va na gu vbedzago gu tshanisa ni gu mbembisa vathu nya guage, silo sesi satshavbo, si na tadzisega.

Dhaniyeli 12:9

Uye a di nyi embela, khuye: “Dhaniyeli, indra, kholu mahungu yaya ma segedwe ni gulemwa kala gikhati nya mahegiso.”

Dhaniyeli 8:13

Khu hwane, nyi dipwa gihathwa gi nga bani gi ganela; gimbe gihathwa gi di embela gile gi nga bani gi ganela, khigyo: “Silo sesi nyi si wonago khu giwoniso, si na simama kala lini si ganelago khu phaso nya litshigu ni litshigu, khu gughoha, si nga pfhungumudzisago nyumba nya miphaso, ni sivangwa si ningedwago si gandredzedwa khu migondro nya kheho, na?”

Luka 18:34

Gani olu, avo kha va nga si pima a gu vbweta gukhuye ginani. Maganelelo yale ma di si beli mapimoni gwawe, khu kharato, kha va nga bani va dziti a gu thula ginani.

Johane 12:16

Guhegulani, vapizane vaye kha va nga wuti tshamuselo nya satshavbo sesi, aholu gikhati Jesu a nga dhumiswago, va di dundruga gukhavo esi si lovidwe na si gu mu lumba, gumogo ni gu wona gukhavo khiso si nga tadzisega gwaye.

Mithumo 1:7

Uye a di va hakha, khuye: “Kha si lumbi enu guti gikhati ni dzinango Babe a dzi vegisidego khu gudzina gwaye.

1 Pedro 1:11

Va zamide gu vbweta guti gikhati muni, matelo muni; Liphuvbo la Kristo li nga bani liri gwawe li va tiviside gikhati gyogyo khu gu va embela sisaniso a nga hadza gu si mana Kristo, ni wudhumo wu nga vbweta gu manega khu hwane nya iso.