Dhaniyeli 12:7 - Bhibhiliya Nya Guage

⁷ Mwama wule a nga bani na ambade dzingandzu nya seda na khade vbatshani nya mati nya tsongo, avbo a nga khusedzago mandza yaye ya nyamudye ni nyambade nyi di mupwa na gu sambanya khu wule a vbanyago kala gupindruga, khuye. “Si na dzega myaga miraru ni gipandre. Avbo va na gu vbedzago gu tshanisa ni gu mbembisa vathu nya guage, silo sesi satshavbo, si na tadzisega.

Dhaniyeli 12:7 Iomraidhean Croise

Joba 27:2

“Nyi ngu sambanya khu Nungungulu a vbanyago, uye a bombidego gu nyi vhikela, ni uye nya Tshivba Yatshavbo, a thede wuvi hefemulo wangu!

Isaya 62:12

Va na ranwa gupwani Vathu va Agidego, Va tshudzisidwego khu Pfhumu Nungungulu; ni uwe Siyoni, u na ranwa pwani u Lidhoropa u Vbwetwago, Khandri u Giwula.”

Jeremiya 4:2

wa gu sambanya khu lina la Pfhumu Nungungulu a vbanyago, u gimbila khu ndzila ni lisine ni gululama, mayigo yatshavbo ma na kategiswa, gambe ma na zundzega khu kotani yago.

Ezekiyeli 20:5

u va embela, khuwe: Mune Pfhumu Nungungulu a ngu ganela, khuye: Litshigu nyi hathidego Israyeli, nyi sambanyide na nyi khusedzide mandza vbatshani nya situgulwana nya linyangwa la Jakobe, nyi dzi yeyedza gwawe tigoni ga Egipito. Na nyi khusedzide mandza, nyi di va embela, kheni: Eni kheni Pfhumu Nungungulu wanu.

Dhaniyeli 10:5

Nyi di khusa maho nyi khedza vbatshani, nyi di wona mwama nari vbafuvbi gwangu nya guambale dzingandzu nya seda, mugiwununi gwaye na hungide libhandri nya ndralama nya guhutwe ya Ufazi.

Dhaniyeli 11:13

Kholu, mufumeli wa Wuronga a na wuya ni gikwata nya gingi nya masotshwa guvbindra igyo nya guhegule, hwane nya myaga nya gukari, a na wuya nari ni gidzemo nya gingi nya masotshwa ma somidego gwadi, ata va sasela.

Dhaniyeli 12:6

Mweyo nya idzo yi di embela mwama a nga bani na ambade dzingandzu nya seda, na khade vbatshani nya tsongo, khiyo: “Gu nata lini mahegiso nya siliwugiso sesi?”

Dhaniyeli 12:8

Mahungu yaya, nyi di mapwa aholu kha nya ma pima gilo. Khu guralo, nyi di wudzisa, kheni: “Mune wangu, si na hegisa kharini silo sesi?”

Dhaniyeli 4:31

Aholu, khu hwane nya matshigu yoyo, eni Nabhukodhonosori, nyi di khusa maho nyi khedza ndzadzini, mapimo yangu ma di bwelo khavbo ma wuya, nyi bonga Uye a Khusegidego ngudzu, nyi rungudza ni gu dhumisa uye a vbanyago kala gupindruga, uye mufumo waye wu si vbeligo, wu thaphelago ga mimela ni mimelana.

Dhaniyeli 4:34

Gasi olu, eni Nabhukodhonosori, nyi ngu rungudza, nyi khusedza ni gu dhumisa Mufumeli nya dzindzadzi. Kholu mithumo yaye yatshavbo khya lisine, ni dzindzila dzaye dzi lulamide. Uye a na ni tshivba nya guthese vbavbatshi avo va dzi khusedzago.

Dhaniyeli 7:21

Nyi di wona kheho yeyi, na yi gu dwana ni sihathwa yi si pala.

Dhaniyeli 7:25

Mufumo wowu, wu nata ganela malito nya guwugele oyu a Khusegidego ngudzu, wu tshanisa sihathwa saye, wu na zama gu vbindrugedza milayo ni matshigu; sihathwa saye si na ningedwa mandzani gwaye khu gikhati nya guningane myaga miraru ni gipandre.

Dhaniyeli 8:14

Gi di nyi embela, khigyo: “Kala gu vbela magumavili na mararu mazana (2.300) dzimindru ni silambo, khavbo gu na gu agiswago nyumba nya miphaso.”

Dhaniyeli 8:24

Uye a na bani nari ni tshivba, nasiri khu tshivba yaye. A na wusa vhilinganya nya gusamadzise, aholu uye a na dugelela ga satshavbo a gira esi a si golago. A na mbembisa dzimbe dzindrena ni sihathwa sa Nungungulu.

Luka 21:14

Vegedzani gwadi myonyoni gwanu magana yaya: Mu nga dzi garadzini khu guti ginani mu no va hakhago,

Luka 21:24

Nya vangi va na songwa khu matshari, vambe va na vbagedwa va gu yiswa mayigoni kha nga dzikhumbi; Jerusalema gu na gandredzedwa khu va nya mayigo kala gi vbela gikhati gyawe.

Dhewuteronome 26:19

Khu guralo, a na mi kategisa, a mi khusedza vbatshani nya mayigo yatshavbo a ma giridego, mu ma vbindra khu wudhumo ni wuzundzo ni ndruma, gasi mu khala litigo lile nya vathu va agidego mahoni ga Pfhumu Nungungulu wanu, kha nga idzo a ganedego khidzo.

Dhewuteronome 32:36

Kholu, Pfhumu Nungungulu, a na lamulela vathu vaye, ni gupwela gisiro sithumi saye, avbo a na va wonago gukhuye va ngu vbela tshivba, ni gukhuye avbo gwawe mwalo na moyo a na tshalago, gu mwalo khumbi mwendro nya gutshulege.

Dhewuteronome 32:40

Nyi na khusedza mandza yangu nyi khedzisa ndzadzini, nyi ganela, kheni: Eni nyi ngu vbanya kala gupindruga!

Dhewuteronome 7:6

Kholu enu mu vathu va agisedwego Pfhumu Nungungulu wago. Pfhumu Nungungulu wago, a mi hathide gasi mu khala vathu vaye, vbakari nya mafumbu yatshavbo ma guromo mafuni.

1 Pedro 2:9

Aholu, enu mu lifumbu li hathidwego, mu vaphasi va Pfhumu, mu lihundzu li agisedwego Nungungulu, mu vathu mu lumbago uye. Enu mu hathidwe gasi mu huwelela tshivba ya Nungungulu, a mi ranidego mu duga gidemani, muta wenengedzoni gwaye nya gusamadzise.

Gutuledwa 12:14

Aholu, nyamayi a di ningwa mambapi mavili nya lighama nya likhongolo, gasi a kodze gu vbuvba a thavela giwulani avbo a nga bani a dongisedwe gu ya sayiswa avbo gipimo nya myaga miraru ni gipandre nari hwindzo ni hwindzo ni mamba.

Gutuledwa 12:6

Nyamayi a di thavela giwulani, avba Nungungulu a nga bani a mu vegisede wulanga nya gusihalege, gasi a mane gu sayiswa ni gu hodziswa gipimo nya likhumi na mavili mazana ni livbandre na limwedo magumi (1.260) matshigu.

Gutuledwa 13:5

Girengo gi di dzumedziswa gu ganela magana nya gulemele, nya guvale Nungungulu, gipimo nya magumana na mivili migima.

Gutuledwa 4:10

madhota yatshavbo nya magumavili na mana ma gu khidzima mbeli ga wule a khadego vbagikhalotunu nya wufumu, gasi gu khozela wule a vbanyago kala gupindruga, va gu tshula sihugu sawe nya wufumu va si vega mbeli nya gikhalo nya wufumu, na va gukhavo:

Gutuledwa 4:9

Gikhati sirengo sesi si dhumisago ni gu rungudza ni gu bonga wule a khadego vbagikhalotunu nya wufumu, a gu uye a vbanyago kala gupindruga,