Dhaniyeli 12:6 - Bhibhiliya Nya Guage

⁶ Mweyo nya idzo yi di embela mwama a nga bani na ambade dzingandzu nya seda, na khade vbatshani nya tsongo, khiyo: “Gu nata lini mahegiso nya siliwugiso sesi?”

Dhaniyeli 12:6 Iomraidhean Croise

Dzindzimo 74:9

Olu kha hi woni gambe siliwugiso; gu mwalo gambe vaprofeti, kha hi dziti gukhethu kala lini.

Ezekiyeli 9:2

Nyi di wona livbandre na moyo vama na va guta khu mwanya nya wukhongolo, moyo ni moyo nari ni litshari nya gusonge mandzani. Va diri ni mwama moyo a nga bani a ambade dzingandzu nya seda na khwetedzide libhandrini gwaye gilo nya gulove. Va di bela vaya khala khu phuvbo nya giluvelo nya sugu.

Dhaniyeli 12:5

Khavbo avbo, eni Dhaniyeli, nyi di khusa maho nyi wona, mbeli gwangu gu diri ni dzimbe dzingilozi dzimbili, dzi nga bani dzi emide tsongoni, yimbe khu phuvbo ga eno, yimbe khu phuvbo ga eyi.

Dhaniyeli 12:8

Mahungu yaya, nyi di mapwa aholu kha nya ma pima gilo. Khu guralo, nyi di wudzisa, kheni: “Mune wangu, si na hegisa kharini silo sesi?”

Dhaniyeli 8:13

Khu hwane, nyi dipwa gihathwa gi nga bani gi ganela; gimbe gihathwa gi di embela gile gi nga bani gi ganela, khigyo: “Silo sesi nyi si wonago khu giwoniso, si na simama kala lini si ganelago khu phaso nya litshigu ni litshigu, khu gughoha, si nga pfhungumudzisago nyumba nya miphaso, ni sivangwa si ningedwago si gandredzedwa khu migondro nya kheho, na?”

Dhaniyeli 8:16

Nyi dipwa lito nya muthu na li guta khu dzibambe nya tsongo wa Ulayi, na li huwata, khilo: “Gabriyeli, ninga muthu yoyo tshamuselo nya giwoniso.”

Matewu 24:3

Na khade mugigomoni nya Miolivha, va di hidzimela vapizane vaye, vaya mu wudzisa, nari avo venga, khavo: “Hi embele, lini si na gu dugelelago satshavbo soso? Giwonegiso muni gi na gu tivisago guta gwago ni guhegisa nya litigo?”

Marko 13:4

“Hi embele, lini si na gu dugelelago satshavbo soso? Giyeyedzo muni hi na wonago khigyo gukhethu somo vbafuvbi ni gu tadzisega?”

Vaefeso 3:10

Gasi olu, vafumeli vatshavbo va mafuni ni vafumeli nya dzitshivba dza Ndzadzini, gu vbwetega va tiviswe gueta gwatshavbo nya guti gwa Nungungulu khu libandla la Kristo.

1 Pedro 1:12

Gikhati vaprofeti va ganedego khu Mahungu nya Yadi, aya mu ma pwidego enu olu, Nungungulu tiviside gukhuye thumo wawe wu di si phasi avo, aholu wu di phasa enu. Vagimbidzisi nya Mahungu Yadi nya Ivhangeli va nga ganela khu tshivba nya Liphuvbo nya Guage, li nga rumedwa khu ndzadzini, khavo va mi embedego lisine leli. Silo nya gu, ambari dzingilozi dzi di gu gola nidzo gu siti.

Gutuledwa 15:6

Dzingilozi dzile nya livbandre na dzimbili dzi di duga khu Nyumbani nya guage, na dzi pharide sitsayiso sile nya livbandre na sivili, na dzi ambade dzingandzu nya guage ngudzu, ni mabhandri nya ndralama vbakhanatunu.

Gutuledwa 19:14

Mabutho ya Ndzadzini ma di mu landrela na ma ambade dzingandzu nya wumburi nya guage ngudzu, na ma khilede dzikavalu nya guage ngudzu.

Gutuledwa 6:10

Va di gu huwelela khu tshivba, khavo: “ Pfhumu, uwe khuwe u agidego ni gutumbega! Hi na lirela kala lini gasi u lamule vathu va tigonimu, u hi phodzela olu va nga hi songetelago?”