Dhaniyeli 12:4 - Bhibhiliya Nya Guage

⁴ Aholu uwe Dhaniyeli sega mahungu yaya u ma lema libhukuni kala gikhati nya mahegiso. Nya vangi va na dzundrulugela eno ni eno, va vbweta guti nya guete.

Dhaniyeli 12:4 Iomraidhean Croise

Isaya 11:9

Malangani yatshavbo ya gigomoni gwangu nya gukatege, kha gu na manega guvivba mwendro gusongana, kholu litigo latshavbo li na tala khu guti gwa Pfhumu Nungungulu, kha nga mati ma tadzago yiphwa.

Isaya 29:11

Siwoniso satshavbo si vbindrugedzide avbo gwanu si fanana ni mahungu ma lovidwego libhukuni li gu lemwa, eli li ningedwago ga uye a kodzago gu hevbula, mu mu embela, khenu: “Hi ngu gu lomba u hi hevbulela esi;” uye a hakha, khuye: “Kha nyi dzi kodzi gu li hevbula, kholu li lemidwe.”

Isaya 30:26

Ngima wu na ngangamela kha nga lidambo, ni gungangamela nya lidambo gu na engedzedwa livbandre na dzimbili dzinyondro, kha nga gungangamela nya livbandre na mavili matshigu, litshigu Pfhumu Nungungulu a na hungelelago dzimbanga dza vathu vaye ni gu vbodzisa silondra nya dziphandza a va pandridego.

Isaya 32:3

Ni maho ya vale va wonago, kha ma na segwa, ni dzindzeve dza vale va vbwetago gupwa, dzi na yingisa.

Isaya 8:16

Vegedza wufakazi wangu, u namega nayo ga vapizane vangu.

Jeremiya 5:1

Dzundrulugelani dzindzilani gwatshavbo ga Jerusalema, mu khedzani mitendrelani mu ta nyi embela mwendro saye mu na mana muthu moyo basi a tsakelago gululama ni gu gira ugo a gu lisine. Khavbo avbo, eni nyi na tsetselela Jerusalema.

Dhaniyeli 10:1

Khu mwaga nya wuraru nya gufume ga Kiro, mufumeli wa Perisiya, Dhaniyeli, a ranwago gambe gupwani khu Bhalitazari, a di ningwa giwoniso. Mahungu nya giwoniso gegi, ma diri ya lisine, ma di ganela khu libango nya nyimbi nya yikhongolo ngudzu. A di mati gwadi magana yakone ni gu mana tshamuselo nya giwoniso.

Dhaniyeli 10:14

Olu nyi dzude guta gu tivisa iso si na gu giregago ga vathu vago khu matshigu nya guhegise, kholu giwoniso gya gu ganela khu silo si ngarigo hwindzo ni gu girega.”

Dhaniyeli 10:21

aholu, nyi na phela khu gu gu embela esi si lovidwego Libhukuni nya Lisine. Mwalo a na gu nyi phasedzelago gu dwana litunga lolo, vbavbandze basi ga Migeli, muemeli wanu.

Dhaniyeli 11:33

Vbakari gwawe, vale vatigo, va na hevbudza nya vangi, aholu khu gikhati nya gukari, va na sasedwa khu matshari ni nilo, va yiswa wugumbitunu, ni gu wandredwa silo sawe.

Dhaniyeli 11:40

Khu mahegiso nya gikhati, mufumeli wa Marandzi a nata dwana naye, aholu mufumeli wa Wuronga a na mu khinga khu dzikareta, vakhileli nya dzikavalu ni dzingalava nya dzingi. A na bela mayigoni a va kukuluta nga ndrambi nya mati.

Dhaniyeli 12:13

“Gasi olu uwe Dhaniyeli, simama ndzilani gwago u timisela kala gikhati nya mahegiso, kholu u na hefemula, khu litshigu nya mahegiso u hakha tshatshazelo yago.”

Dhaniyeli 12:5

Khavbo avbo, eni Dhaniyeli, nyi di khusa maho nyi wona, mbeli gwangu gu diri ni dzimbe dzingilozi dzimbili, dzi nga bani dzi emide tsongoni, yimbe khu phuvbo ga eno, yimbe khu phuvbo ga eyi.

Dhaniyeli 12:9

Uye a di nyi embela, khuye: “Dhaniyeli, indra, kholu mahungu yaya ma segedwe ni gulemwa kala gikhati nya mahegiso.”

Dhaniyeli 8:17

Avbo a nga hidzimela vbafuvbi gwangu, nyi di mu wona, nyi tala khu hwanga nyi thega khu khovbe mafuni. Uye a di nyi embela, khuye: “Gyanana nya muthu, dziti nya gukhuwe giwoniso u gi wonidego, gya gu ganela khu matshigu nya guhegise.”

Dhaniyeli 8:19

A nyi embela, khuye: “Nya gu vbweta gu gu embela iso si na dugelelago khu gikhati nya guhegise, a gu matshigu nya likhulo, kholu ayo ma na tadzisega khu gikhati gi vegisidwego nya mahegiso.”

Dhaniyeli 8:26

Gasi khu mahungu nya giwoniso nya miphaso nya dzimindru ni silambo, u embedwego, khya lisine, gi vegedze monyoni, kholu gi na tadzisega hwane nya myaga nya gutale.

Matewu 24:14

Mahungu nya Yadi yaya nya Mufumo wa Nungungulu ma na huweledwa tigoni gwatshavbo gasi gu ninga wufakazi mayigoni gwatshavbo. Khu hwane nya ugo khavbo gu no tago guhegisa.

Varoma 10:18

Olu nyi ngu wudzisa: Ina avo kha va mapwa mahungu yaya, gani? Khu lisine va ma pwide. Gambe iyo Milowo nya Guage yabune yi ngu ganela, khiyo: “Lito la vativisi li pwade tigoni gwatshavbo, ni magana yawe ma vbohide kala mahegiso nya mafu.”

Gutuledwa 10:4

Ga gikhati gile, nyi di vbweta gu lova, aholu nyi dipwa lito nya gute khu ndzadzini li nyi embela, khilo: “Vegedza sihaloni iso si nga ganedwago khu livbandre na mavili mabara. U nga lovi gilo.”

Gutuledwa 22:10

Yi di nyi embela gambe, khiyo: “U nga lemi magana nya wuprofeti nya libhuku leli, khaguva gikhati gyomo vbafuvbi ni gu vboha.

Gutuledwa 5:1

Khavbo avbo, nyi di wona libhuku mandzani ga nyamudye ga wule a khadego vbagikhalotunu nya wufumu; li di lovidwe khu ndrani ni vbavbandze, li lemwa khu livbandre na sivili sifungo.