Dhaniyeli 12:10 - Bhibhiliya Nya Guage

¹⁰ Va nya gutala va na handzwa va aga ni gu lingwa, aholu va nya guvivbedwa khu myonyo va na gira silo nya guvivbe, mwalo nya avo a na gu si pimago, aholu va nya guti, va na si pima.

Dhaniyeli 12:10 Iomraidhean Croise

Dzindzimo 107:43

Oyu a gengedego a ngu thela kota khu silo sesi, a pimisa gwadi lihaladzo la Pfhumu Nungungulu.

Dzindzimo 51:7

Nyi handze khu sasi, nyi na aga; nyi handze, nyi na aga ngudzu guvbindra hunguva.

Mavingu 1:5

Muthu nya guti a gu mapwa, a gu engedzela mapimo, ni muthu nya guti a na mana milayo nya wuhevbudzi nya wadi,

Isaya 1:18

Deluni, hongoleni hi pimise gumogo khu mahungu yaya; A ngu ganela Pfhumu Nungungulu, khuye: Ambari sighoho sanu na si sivbade kha nga wugala, nyi na si agisa kha nga hunguva; ambari sa gu fanana ni giwunguwungu, nyi na si agisa kha nga mawoya nya nvuta.

Ezekiyeli 36:25

Khu guralo, nyi na mitegedzela mati nya gukatege vbatshani gwanu, mu agani; nyi na mi agisani gunyenyezani gwanu gwatshavbo mu nga dzi nyenyezisa khu sifananiso sanu.

Ezekiyeli 47:11

Aholu milonga ni sikhele saye, mati yakone kha ma na nga lombela; ma na dunga gasi vathu va kodze gu mana munyu umo.

Dhaniyeli 11:33

Vbakari gwawe, vale vatigo, va na hevbudza nya vangi, aholu khu gikhati nya gukari, va na sasedwa khu matshari ni nilo, va yiswa wugumbitunu, ni gu wandredwa silo sawe.

Dhaniyeli 11:35

Aholu vambe va nya guti, va na songwa gasi gu lingwa, ni gu agiswa kala gikhati nya mahegiso, kholu guhegisa gu na vboha khu gikhati gi emisidwego.

Dhaniyeli 12:3

Va nya gugengela, va na ngangamela gu fanana ni damboni, ni avo va ndrindrelago nya vangi guya gululamani, va na fanana ni dzinyeledzi kala gupindruga.

Hoseya 14:9

Khu mani a gu ni guti, nya gukodze gu pima silo sesi? Uye a gu ni mapimo gasi a siti? Kholu dzindzila dza Pfhumu, dzi lulamide, va nya gululama va na gimbila khidzo, aholu sindraga milayo, dzi na va tshunganiswa va thega.

Zakariya 13:9

Gipandre gegi nya wuraru, nyi na gi vbindrisa khu niloni, nyi na va agisa kha nga idzo yi agiswago khidzo parata, nyi na mu linga kha nga idzo yi lingwago khidzo ndralama. A na rana lina langu, Eni nyi na mu hakha; kheni: Ava vathu vangu, avo va na hakha, khavo: Pfhumu khuye Nungungulu wangu.

Malakiya 3:3

A na khala vbavbatshi a lodza ni gu huta parata; a na agisa sanana sa Levhi a va huta gu fanana ni ndralama ni parata. Khavbo avbo, va na resa ga Pfhumu Nungungulu miningelo nya gululame.

Marko 4:11

A di va hakha, khuye: Ga enu, mu ngu tiviswa misihalo nya Mufumo waye, gasi vale va guromo khu vbavbandze, satshavbo silo sesi, va gu embedwa khu sipimaniso,

Luka 24:25

Khavbo avbo, Jesu a di va embela, khuye: “Mapeminu, nya mihungo nya gulemele, mu si vbiredzeligo gu khodwa khu satshavbo si nga ganedwago khu vaprofeti!

Johane 18:37

Pilato a di khuye: “Gasi kamwe u Mufumeli?” Jesu, khuye: “Nya nga ulo u ganelago! Eni nyi Mufumeli! Nyi velegedwe isoso; khiso nyi si tedego mafuni, gasi guta ninga wufakazi nya lisine. Uye a gu wa lisine a ngupwa lito langu.”

Johane 7:17

Uye a vbwetago gu gira gugola gwa Nungungulu a na dzi wudzisa gukhuye gihevbudzo gyangu gya guta khu ga Nungungulu, mwendro nya gu gi khugela.

Johane 8:47

Uye a gu wa Nungungulu a ngupwa magana ya Nungungulu; kha nga olu mu si mapwigo, giyeyedzo nya gupwani kha muri va Nungungulu.”

1 Vakorinto 6:11

Vbakari gwanu vomo va nga bani vari ni mavbanyelo yoyo. Olu mu handzidwe, mu agiswa, mu gu girwa vathu nya gululame linani ga Pfhumu Jesu Kristo, khu tshivba nya Liphuvbo la Nungungulu wathu.

2 Vakorinto 7:1

Na hiri ni situmbiso sesi, sigodwa sangu, hongoleni hi dzi handze guvivba gwatshavbo nya givili ni liphuvbo, hi gira thumo wathu nya guagiswe ni githawo ga Nungungulu.

Tito 2:14

Uye a di dzi ningela wurumba waye kotani gwathu, afela gu hi vbulugisa guvivbani gwatshavbo, a hi gira vathu nya guage va lumbago uye basi, va dzi vegisedego gu gira esi nya sadi.

Vahebheru 12:10

Vavelegi vathu nya giwuthu va di hi tsayisa gikhati nya gidugwanana, gupima khu ugo va nga gu wona nari gwadi, gasi Nungungulu, a gu hi tsayisa khu gufela gukhuye hi phasege, hi mana gu bela guagani gwaye.

1 Pedro 1:22

Olu enu mu agisidwego khu gu yingela lisine; olu mu gu ni lihaladzo nyamba pfhadzedzela ga vandriyanu khu gukhodwa, haladzanani khu gyanu khu myonyo yanu yatshavbo.

1 Pedro 1:7

Silingo soso sa gu vbweta gu wonegisa gukhodwa gwanu nya lisine. Ambari ndralama a gu gilo gi fuvago, yi ngu lingedzedwa khu nilo; kharati nugo gukhodwa gwanu, gu na ni lisima ngudzu guvbindra ndralama, gu ngu yela gu lingwa gasi gu yeyedza gutiya gwanu. Khu kharato, mu na kodza gu hakha wuzundzo, ni wudhumo, ni rungudzo litshigu Jesu Kristo a na gu dzi wonegisago.

1 Johane 5:20

Hi ngu dziti gambe gukhethu Mwamana wa Nungungulu vbohide, a ngu hi ninga mapimo nya guti Nungungulu nya lisine. Ethu hi ngu hengela guvbanya ni Nungungulu nya lisine, ethu hi guromo ga Mwamana waye Jesu Kristo. Oyu khuye Nungungulu nya lisine, khugo guvbanya nya gupindruge.

Gutuledwa 16:11

Va di vala Nungungulu wa Ndzadzini, khu kotani nya gutshaniseke gwawe khu silondra. Aholu kha va dzi kodza gu vbindrugedza va diga mithumo yawe nya guvivbe.

Gutuledwa 19:14

Mabutho ya Ndzadzini ma di mu landrela na ma ambade dzingandzu nya wumburi nya guage ngudzu, na ma khilede dzikavalu nya guage ngudzu.

Gutuledwa 19:8

ambagisedwe dzingandzu nya gumbure dzi handzidwego dzi agiswa gwadi.” Dzingandzu nya wumburi khu mithumo ya ndruda ya va nya gukatega.

Gutuledwa 22:11

Muthu nyambana ndruda a na simame ni mithumo yaye nya guwegele, muthu nya gunyenyeze a na simame ni gu dzi nyenyezisa gwaye, muthu nya gululame a na simame ni mithumo nya gululame gwaye. Ni uye a agidego a na simame gu dzi agisa.

Gutuledwa 3:18

Nyi ngu gu laya gukheni renga gwangu ndralama nya gumburisedwe niloni, gasi u fume; u renga dzingandzu nya guage, gasi u ambale, u siha dzitshoni nya wumbwiri wago; u renga rendre nya maho, gasi u dzi todza u kodze gu wona.

1 Samuweli 24:13

Kha nga ma ganelago mavingu ya vagale, gukhayo: Khu kanani ga va nya guvivbedwa khu monyo gwa gu duga guvivba; khu guralo, gyandza gyangu gima kha gi na gu kuha.