Dhaniyeli 12:1 - Bhibhiliya Nya Guage

¹ Khu gikhati gyogyo, a na dugelela Migeli Ngilozi yi emelago vathu vago, gu na manega gikhati nya gusaniseke, nya gu gima gi si gu manegi gukhugela guhegulani nya mifumo. Aholu khu gikhati gyogyo, uye a na vbanyisa vathu vago, vatshavbo vale va na gu manegago na va lovidwe libhukuni nya womi.

Dhaniyeli 12:1 Iomraidhean Croise

Dzindzimo 56:8

Uwe u gutide gusaniseka gwangu; u hengeledzede marongo yangu gyomboni; ina khwa si lova libhukuni gwago, gani?

Dzindzimo 69:28

Va fute libhukuni gwago nya womi u nga va pati tengoni ga va nya gululama.

Isaya 4:3

Vale va na tshalago gigomoni ga Siyoni, va simama gu khala Jerusalema, va na ranwa sihathwa sa Nungungulu; kholu malina yawe ma na bani ma lovidwe ga avo va vbanyago Jerusalema.

Isaya 9:7

Gasi wufumu waye nya gurule wu engedzelane kala gupindruga, vbagikhalotunu nya wufumu wa Dhavhidhe ni mufumo waye, a wu tiyisa ni gu wu seketela khu nongameto ni gululama, gukhugela olu kala gupindruga. Khathalelo waPfhumu Nungungulu nya Tshivba Yatshavbo wu na gira isoso.

Jeremiya 30:10

Khu guralo, u nga thavi uwe githumi gyangu, Jakobe, gambe u nga vbeli tshivba uwe Israyeli; kholu nyi na mi vbulugisa mayigoni ga hwindzo, nyi na mi wuyisa gumogo ni melego wanu khu tigoni nya wugumbi; Jakobe a na wuya ata khala na tangade ni gurula; gambe kha na manega muthu nya gu mu thusedzele.

Jeremiya 30:7

Yowe! Litshigu lile li thiside ngudzu, li mwalo limbe nya gufanane nalo! Gu na bani nari gikhati nya gutshaniseke ga Jakobe; ambari khu kharalo, uye a na vbuluga ga ilo.

Ezekiyeli 13:9

Gyandza gyangu gi na wugela vaprofeti va girago siwoniso nya wukanganyisi ni nyatumbatumbane nya malipha. Avo kha va na lumba huwo nya vathu vangu, kha va na lovedwa libhukuni nya vathu va Israyeli, gambe kha va na bela tigoni ga Israyeli. Khu guralo, enu mu na dzitini gukhenu Eni kheni Mune Pfhumu Nungungulu.

Ezekiyeli 34:24

Eni Pfhumu Nungungulu nyi na khala Nungungulu wawe, gasi githumi gyangu Dhavhidhe a na khala muthangeli vbakari gwawe. Eni Pfhumu Nungungulu nyi ganede kharato.

Ezekiyeli 5:9

Nyi na gu gira esi nya gu gima nyi si si giri, gambe kha nyi na si gira, khu kotani nya guvivbe gwago gwatshavbo.

Dhaniyeli 10:13

Aholu ndruna nya mufumo wa Perisiya, yi dita dwana ni eni gipimo nya magumavili na limwedo matshigu; aholu Migeli, moyo nya dzingilozi nya guhegule, a dita nyi phasa, eni nyi di simama vbale ni vafumeli va Perisiya.

Dhaniyeli 10:21

aholu, nyi na phela khu gu gu embela esi si lovidwego Libhukuni nya Lisine. Mwalo a na gu nyi phasedzelago gu dwana litunga lolo, vbavbandze basi ga Migeli, muemeli wanu.

Dhaniyeli 11:45

A naya tsitsa mitshatsha yaye nya wufumu vbakari nya linene ni gigomo nya gukatege. Aholu mahegiso gwaye gu nata, nyamba mana muthu nya gu mu lamulele gu mu lamulela.

Dhaniyeli 7:10

Wu di duga tsongo nya nilo khu mbeli gwaye, a thumedwa khu mazanazana nya vathu; mbeli gwaye gu diri ni makhulukhulu nya vathu. Phathani gu di phedwa gu lamudwa mahungu, gu tudwa mabhuku.

Dhaniyeli 9:12

U tadziside magana u ganedego vbakari gwathu, ni ga vathangeli vathu, u hi resede tshanisa nya yikhongolo. Mafuni gwatshavbo, gu si gu giregi nya nga esi si nga giregago Jerusalema.

Joyele 2:2

Litshigu nya gidema ni gutshaniseka; litshigu nya mapfhi ni gidema nya guphume. Gufanana ni wuronga wu wenengedzago sigomoni, vathu nya vangi ni tshivba va ngu hidzimela, avo nya gu gukhugela gikhati gya gale gima kha va nga manega, ambari khu hwane gwawe kha va na nga manega ga situgulwana ni situgulwana kala gupindruga.

Malakiya 3:16

Va di ganela khu gyawe kharati vale va thavago Pfhumu Nungungulu. Aholu Pfhumu Nungungulu a di riya ndzeve a yingisa. Mbeli gwaye gu lovidwe libhuku nya sialakanyiso, sa vale va thavago Pfhumu Nungungulu, va tumbago lina laye.

Matewu 24:21

kholu matshigu yoyo yi na manega tshanisa nya yikhongolo nya gu gima yi si gu manegi, gukhugela Nungungulu na vangide litigo kala matshigu ya muhuno. Gima kha yi na manega gambe.

Marko 13:19

Kholu, khu matshigu yoyo, yi na manega tshanisa nya yikhongolo nya gu gima yi si gu manegi gukhugela avbo Nungungulu a nga vanga litigo, kala matshigu ya muhuno, gambe gima kha yi na manega gambe.

Luka 10:20

Gasi enu, mu nga tsakini basi khu gu yingiswa khu maphuvbo. Aholu tsakani kholu malina yanu ma lovidwe Ndzadzini.”

Varoma 11:15

Olu khu gu pfhuraredwa gwawe, litigo li manidego wuhigo nya gutshanganiswe ni Nungungulu, guwani esi si na dugelelago gikhati va na hakhwago nyaluphye? Ni ava va nga bani va fude va na vbanya.

Varoma 11:26

Gikhati gyogyo, ngamo yatshavbo ya na Israyeli yi na vbanyiswa kha nga yi ganelago Milowo nya Guage, khiyo: “Khu Siyoni a nata muvbanyisi, a nata handzago guvivba ga sanana sa na Israyeli.

Vaefeso 1:21

A mu vegide vbatshani nya mufumo ni wufumu, ni wugulu, ni tshivba ni malina yatshavbo ma thangisidwego, nasiri mafuni momu basi, aholu ni ga litigo li nga gutago.

Vafilipi 4:3

Nyi ngu gu lomba uwe pari yangu nya gutumbege, u va phasedzele. Kholu avo va dwanide gumogo ni eni thumoni nya gutivise Mahungu nya Yadi gumogo ni Klementi, ni vatshavbo nyi nga hengelago navo thumoni, malina yawe ma lovidwego libhukuni nya womi.

Judha 1:9

Ambari ngilozi nya yikhongolo, Migeli, kha ya gira isoso nya guvale, gikhati yi nga ganedzisana ni Sathane khu gu vbweta guti khu mani a na khalago ni girumbi gya Mosi. Migeli gima kha tiya gulamula Sathane khu gu mu vala. Aholu, a di mu embela, khuye: “Pfhumu a na gu kawuke.”

Gutuledwa 1:5

Ni ga Jesu Kristo fakazi nya guthembege, matiwula nya vafi vatshavbo a gu Pfhumu nya vafumeli va mafuni. Uye a hi haladzago a nga hi tshulago sighohoni gwathu khu novba waye;

Gutuledwa 12:7

Khavbo li nga wuga litunga ndzadzini Migeli ni dzingilozi dzaye a di dwana ni mwamilambo, a nuye mwamilambo a di tsarama a dwana gumogo ni dzingilozi dzaye.

Gutuledwa 13:8

Vathu vatshavbo va mafuni va di khozela girengo, vale malina yawe ma nga mba lowa libhukuni nya womi li vegisidwego khu Nvutana yi payidwego gukhugela nya guvangwe litigo.

Gutuledwa 17:14

Ava va na wugela Nvutana va yi dwanisa, aholu va na padwa khu Nvutana, kholu khiyo Pfhumu nya dzipfhumu, Mufumeli nya vafumeli. Gumogo Naye, vale va ranidwego, va khodwago, va khalago Naye, va na pala navo.”

Gutuledwa 20:12

Nyi di wona va nya gufa, vakhongolo ni sanana, va na emide mbeli nya gikhalo nya wufumu. Ma di tudwa mabhuku. Li tudwa gambe libhuku nya womi. Vafi va di lamudwa nga idzo gu nga bani gu lovidwe khidzo mabhukuni, gupima khu mithumo yawe.

Gutuledwa 20:15

Tsivani momo va di rinywa vatshavbo vathu va nga bani va sa lowa malina yawe omu nya libhuku nya womi.

Gutuledwa 3:5

Uye a na palago a na ambala dzingandzu nya guage; eni gima kha nyi na nga futa lina laye mu libhukuni nya womi. Nyi na tivisa lina laye ga Babe wangu ni ga dzingilozi dzaye.

Gutuledwa 7:14

Nyi di mu hakha, kheni: “Pfhumu yangu, uwe khuwe u dzitigo!” Khavbo avbo, a di nyi tshamusela, khuye: “Ava khu vale va tago khu musigaradzoni nya sikhongolo, vale va nga handzago dzingandzu dzawe va dzi agisela novbani nya Nvutana.