Dhaniyeli 11:6 - Bhibhiliya Nya Guage

⁶ Aholu khu hwane nya myaga, va na bwelo va pwanana, nyamahegyane wa mufumeli wa Marandzi a nata dzegana ni mufumeli wa Wuronga, gasi va kodze gu gira gidzumeledzwano. Aholu kha na tiyisa tshivba nya libogo laye, ni livelego laye kha li na nga vbanya matshigu nya gulaphe. Kholu khu matshigu yoyo, uye a na ningedwa gasi a songwa, ni vatshavbo va nyumbani gumogo ni babe waye, ni vatshavbo va nga mu seketelago khu gikhati gyogyo.

Dhaniyeli 11:6 Iomraidhean Croise

Joba 38:15

gu ndreyiswa guwonegela gwa va nya guvivbedwa khu myonyo, ma fanywa mawogo yawe nya gulaphe.

Dzindzimo 10:5

Gikhati gyatshavbo sigiro saye sa gu duga gwadi, kha theli kota khu gulamula gwago; a gu kanyisa valala vaye vatshavbo.

Ezekiyeli 30:21

Mwamana wa muthu, eni nyi fanyide libogo la Faro, mufumeli wa Egipito, wonani nya khenu kha hungeledwa, ambari gu theledzedwa rendre, mwendro gudzongeledzedwa mikeka, gasi gu li mana tshivba a kodza gu phara gambe litshari.

Dhaniyeli 11:13

Kholu, mufumeli wa Wuronga a na wuya ni gikwata nya gingi nya masotshwa guvbindra igyo nya guhegule, hwane nya myaga nya gukari, a na wuya nari ni gidzemo nya gingi nya masotshwa ma somidego gwadi, ata va sasela.

Dhaniyeli 11:15

Mufumeli wa Wuronga a nata randrela lidhoropa a wungedzela mafu ma khala sigomo nya gulite khumo a sasela lidhoropa nya likhokhola. Masotshwa ya Marandzi ma nata zama gu dwana, aholu kha va na dugelela; ambari na va hathede dzindrena dza tigoni gwawe vata nadzo, kha va na ngata mana tshivba nya gupale.

Dhaniyeli 11:40

Khu mahegiso nya gikhati, mufumeli wa Marandzi a nata dwana naye, aholu mufumeli wa Wuronga a na mu khinga khu dzikareta, vakhileli nya dzikavalu ni dzingalava nya dzingi. A na bela mayigoni a va kukuluta nga ndrambi nya mati.

Dhaniyeli 11:7

Aholu, moyo nya lihundzu lawe, a na emiswa gu khala mufumeli wulangani gwaye. Uye a na duga ni masotshwa yaye, a bela makhokholani ga mufumeli wa Wuronga, a va sasela a va pala.

Zakariya 11:16

Kholu nyi na rumela tigoni momu muhavisi a na gumbata thela kota khu gu sayisa dzinvuta dzi dwalago, mwendro gu landra edzi dzi dzimedego ni gu handza silondra edzi dzi bayisidwego, a ngamba khathala khu gu havisa edzi dzi vbanyago. Uye a nata hodza nyama nya edzi nya guene gwadi, a gu dzi dusa ni samba gambe!