Dhaniyeli 11:40 - Bhibhiliya Nya Guage

⁴⁰ Khu mahegiso nya gikhati, mufumeli wa Marandzi a nata dwana naye, aholu mufumeli wa Wuronga a na mu khinga khu dzikareta, vakhileli nya dzikavalu ni dzingalava nya dzingi. A na bela mayigoni a va kukuluta nga ndrambi nya mati.

Dhaniyeli 11:40 Iomraidhean Croise

Isaya 21:1

Aya khu mahungu nya giwula gya vbafuvbi ni yiphwa: Kholu, kha nga phuvbo nya gingulu ni gipupwane sitago khu Marandzi, si vbiyelago satshavbo, musaseli a nata khu giwulani, litigo nya guthise.

Isaya 5:28

Siholoma sawe si na bani na si lodzidwe gwadi, malaho yawe yatshavbo, na ma khwandridwe; samba nya dzikavalu dzawe, sa gu fanana ni siwindri, ni marodha nya dzikareta dzawe, gukhwatshi gipupwane.

Isaya 66:15

Wonani nya gukhenu Pfhumu Nungungulu a nata kha nga nilo, ni dzikareta dzaye dzi na fanana ni gipupwane, gasi gu resa likhulo laye nya guvbise. A na va kawuka khu malavbelavbe nya nilo.

Jeremiya 4:13

Mupfhungumuli a nata kha nga lipfhi nya gingulu, dzikareta dzaye dzi nata kha nga gipupwane; dzikavalu dzaye dzi na vbuvba guvbindra maghama. Libango avbo gwathu, kholu hi ngu mbemba!

Ezekiyeli 38:4

Nyi na gu dzundrulugisela, nyi thela silowo kanani gwago, nyi gu ndrindra gumogo ni libutho lago latshavbo, ni dzikavalu ni vakhileli nya dzikavalu, vatshavbo na vapharide matshari nya guenele, ni gidzemo nya gikhongolo, na gi pharide sitshangu nya sikhongolo niso nya sidugwana, vatshavbo na va pharide matshari yawe;

Ezekiyeli 38:9

Khu guralo, uwe ni masotshwa yago yatshavbo, ni mayigo nya mangi mu na va dhumelani kha nga gingulu, u na gira kha nga lipfhi li fenengedzago litigo.

Dhaniyeli 11:10

Sanana saye si na tombana va gira gikwata nya gikhongolo nya masotshwa; va wusa nyimbi, moyo wawe a na tsemakanya vbingano nga ndrambi nya mati, bwelo khavbo a wuya ata sasela makhokhola ya mufumeli wa Marandzi.

Dhaniyeli 11:11

Khu guralo, mufumeli wa Marandzi a na duga na tade khu giviti, guya dwana ni mufumeli wa Wuronga, ambari a na gu bani nari ni gikwata nya gingi nya masotshwa, aholu va na ningedwa mandzani gwaye.

Dhaniyeli 11:13

Kholu, mufumeli wa Wuronga a na wuya ni gikwata nya gingi nya masotshwa guvbindra igyo nya guhegule, hwane nya myaga nya gukari, a na wuya nari ni gidzemo nya gingi nya masotshwa ma somidego gwadi, ata va sasela.

Dhaniyeli 11:22

A na pala dzinyimbi dzi mu saselago a dzi phalalegisa mbeli gwaye; va na mbembiswa gumogo ni muthangeli nya gidzumeledzwano.

Dhaniyeli 11:25

Khu monyoni gwaye a na dzipwa na tiyide, gasi guya dwana ni mufumeli wa Marandzi, aholu uye nuye mufumeli wa Marandzi, a tombanisa masotshwa nya gutale ngudzu aya dwana naye, aholu kha na nga dugelela, kholu a na mu girela makungo.

Dhaniyeli 11:35

Aholu vambe va nya guti, va na songwa gasi gu lingwa, ni gu agiswa kala gikhati nya mahegiso, kholu guhegisa gu na vboha khu gikhati gi emisidwego.

Dhaniyeli 11:39

A na vhikela makhokhola yaye khu gu phasedzedwa khu nungungulu wa va nya mayigo, avo va na gu mutigo, va na mu zundza ngudzu. A na va khusedza a va gira vathangeli va fumela nya vangi, a va kabanisela malanga khu gu va rengisela.

Dhaniyeli 11:7

Aholu, moyo nya lihundzu lawe, a na emiswa gu khala mufumeli wulangani gwaye. Uye a na duga ni masotshwa yaye, a bela makhokholani ga mufumeli wa Wuronga, a va sasela a va pala.

Dhaniyeli 12:4

Aholu uwe Dhaniyeli sega mahungu yaya u ma lema libhukuni kala gikhati nya mahegiso. Nya vangi va na dzundrulugela eno ni eno, va vbweta guti nya guete.

Dhaniyeli 12:9

Uye a di nyi embela, khuye: “Dhaniyeli, indra, kholu mahungu yaya ma segedwe ni gulemwa kala gikhati nya mahegiso.”

Dhaniyeli 8:17

Avbo a nga hidzimela vbafuvbi gwangu, nyi di mu wona, nyi tala khu hwanga nyi thega khu khovbe mafuni. Uye a di nyi embela, khuye: “Gyanana nya muthu, dziti nya gukhuwe giwoniso u gi wonidego, gya gu ganela khu matshigu nya guhegise.”

Habhakuka 3:14

Khu sighalala sago, u payide ndruna nya dzindrena dzaye, avo vatago kha nga gipupwane guta nyi phalalegisa; na va gu bhuma gukhwatshi va gu songa gisiwana umo gi sihadego.

Zakariya 9:14

Pfhumu Nungungulu a na dzi wonegisa ga vathu vaye, sighalala saye si na duga na si gu khedziga kha nga gulasa; Mune, Pfhumu Nungungulu a na womba pundru, a gimbila khu vbakari nya gipupwane nya gute khu Marandzi.

Gutuledwa 16:12

Ngilozi nya livbandre na mweyo yi di vbaladza gikombe gyaye tsongoni nya khongolo wa Ewufrate, mati yaye ma di banga gasi gu tulega ndzila nya guvbindre vafumeli va Khugadambo.

Gutuledwa 9:16

Tengo nya vama va khiledego dzikavalu nya nyimbi, va diri mazana mavili nya mazanazana (200.000.000) nya vama; nyi pwide tengo wawe.