Dhaniyeli 11:36 - Bhibhiliya Nya Guage

³⁶ Mufumeli a na gira gukhedza khu iso a na si golago, a na dzi khusedza ni gu dzi dandrisa mbeli ga vambe vanungungulu; gumogo ni ga Nungungulu nya vanungungulu, a na ganela sihonohono nya guthise. A na andra, kala gu tadzisega likhulo, kholu sile si hungidwego, si na tadzisega.

Dhaniyeli 11:36 Iomraidhean Croise

Dzindzimo 136:2

Bongani Nungungulu wa vanungungulu, kholu lihaladzo laye li ngu simama kala gupindruga.

Dzindzimo 33:10

Pfhumu Nungungulu a ngu pfhungumula gikungo gya va nya mayigo ni gu thesa vbavbatshi mipimiso nya mayigo.

Mavingu 19:21

Monyoni ga muthu momo makungo nya mangi, aholu iso si tiyidego, khiso Pfhumu Nungungulu a fungidego.

Isaya 10:23

Kholu Mune, Pfhumu Nungungulu nya Tshivba Yatshavbo, khuye a tiyisidego gumbembiswa gwa tigoni momu gwatshavbo.

Isaya 10:25

Kholu ndrani nya gikhati gidugwana yi na wuga khorodza ni likhulo langu, gasi nyi va pfhungumula.”

Isaya 10:5

Libango ga Asiriya, lipitso nya likhulo langu! Kholu likhulo langu, la gu fanana ni ndronga mandzani gwaye!

Isaya 14:13

Kholu u di gu ganela khu monyoni gwago, khuwe: Nyi na khugega nyiya kala ndzadzini, gikhalo gyangu nya wufumu nyi na gi khusedza vbatshani nya dzinyeledzi dza Nungungulu, nyi na khala gigomoni nya tshangano, khu phuvbo ga Wuronga.

Isaya 14:14

Nyi na khugega nyi vbindra ni mapfhi, nyi fanana ni oyu a Khusegidego Ngudzu.

Isaya 26:20

Vathu vangu, Indrani, belani dzinyumbani gwanu mu dzi segela malimba, mu sihala umo gikhatinyana kala li bose likhulo laye.

Isaya 30:33

Kholu gikho gi dongisedwe khu gale, gi dongisedwa mufumeli. Li dongisedwe liphala nya likhongolo nya guete, wu na khondriswa nilo nya dzikhuni nya dzingi khu furugedzo wa Pfhumu Nungungulu, wu fananago ni tsongo nya nilo nya solufa.

Isaya 46:10

Eni nya gu tivisa esi si giregidego gukhugela guhegulani, gukhugela dzinango dzi vbindridego nidzo dzi nga gutago. Nyi ngu ganela, kheni: Makungo yangu ma na tiya, gambe nyi na gira satshavbo nyi si golago.

Isaya 57:9

U ya ga mufumeli ni mafura, u engedzela mafura nya gunungele; u rumela myango malangani ya hwindzo, u va rumela kala guetani nya lithowo.

Ezekiyeli 28:2

“Mwamana wa muthu, embela mufumeli wa Tiro, khuwe: Mune Pfhumu Nungungulu, a ngu ganela kharati, khuye: Olu matshandza ma manidego wulanga monyoni gwago, u ganela, khuwe: Eni nyi Nungungulu nyi khadego vbagikhalotunu gya Nungungulu vbakari nya yiphwa, aholu u muthu basi khuri Nungungulu, ambari monyoni gwago u dzi vegago kha nga Nungungulu.

Ezekiyeli 35:13

Mu dwanide ni eni khu likana lanu, mu engedzela magana nya gu nyi vale; eni nyi ma pwide.

Dhaniyeli 11:16

Khu guralo, uye a natago guta mu sasela a na gira iso a si golago; nyamba himbedzwa khu muthu. A na bela Tigoni nya tshivba a li sasela.

Dhaniyeli 11:3

Khu hwane, gu na dugelela mufumeli nya tshivba, a na gu fumago khu tshivba nya yikhongolo, a gira ni sevbi a si golago.

Dhaniyeli 11:37

Kha na thela kota khu vanungungulu va vababe vaye, ambari gu thela kota khu gugola ga vanyamayi, ambari ni wevbini nungungulu, kholu a na dzi dandrisa ga vatshavbo.

Dhaniyeli 12:7

Mwama wule a nga bani na ambade dzingandzu nya seda na khade vbatshani nya mati nya tsongo, avbo a nga khusedzago mandza yaye ya nyamudye ni nyambade nyi di mupwa na gu sambanya khu wule a vbanyago kala gupindruga, khuye. “Si na dzega myaga miraru ni gipandre. Avbo va na gu vbedzago gu tshanisa ni gu mbembisa vathu nya guage, silo sesi satshavbo, si na tadzisega.

Dhaniyeli 2:47

Mufumeli a di embela Dhaniyeli, khuye: “Kha nyi kanakani nyi ngu tiyisa gukheni Nungungulu wanu, Nungungulu nya vanungungulu, ni Pfhumu nya vafumeli, khuye a tugulago iso si sihadego, kholu u kodzide gu nyi tshamusela sihalo yoyu.”

Dhaniyeli 5:19

Khu kotani nya wugulu a nga ningwago khu Nungungulu, vathu vatshavbo, mayigo ni mafumbu nya guhambanelane va di ndrendremela mbeli gwaye; a diri ni tshivba nya gusonge uye a mu golago, ni gu diga uye a mu golago. A di khusedza uye a mu golago ni gu vbwasamisa uye a mu golago.

Dhaniyeli 5:20

Aholu avbo a nga phela gu dzi dandrisa, a di bangisa hungo waye wu tala khu matshandza, a di duswa vbagikhalotunu gwaye nya wufumu, a dzegedwa wudhumo waye.

Dhaniyeli 7:8

Avbo nyi nga bani nyi nga gu khevisela dzikheho dzakone, nyi di wona gimbe gikhehwana na gi gu buga khu vbakari nya edzi dzimbe; gasi gu ninga wulanga gikhehwana gegi, edzi nya dzitharu nya guhegule dzi di kunudwa, kheho yeyi, yi diri ni maho nya nga ya muthu, ni likana li nga bani li ganela magana nya gu dzi khusedze.

Dhaniyeli 8:19

A nyi embela, khuye: “Nya gu vbweta gu gu embela iso si na dugelelago khu gikhati nya guhegise, a gu matshigu nya likhulo, kholu ayo ma na tadzisega khu gikhati gi vegisidwego nya mahegiso.”

Dhaniyeli 8:4

Nyi di wona hamba yeyi na yi gu phandraphandra vbavbatshi yi pfuledza Muhwadambo, ni Wuronga ni Marandzi. Gi mwalo girengo gi nga bani gi hidzimela vbafuvbi gwaye, ambari ni moyo a nga bani a dzi kodza gu vbuluga tshivbani gwaye. Iyo yi di gira iso yi si golago, yi dzi dandrisa ngudzu.

Zakariya 11:16

Kholu nyi na rumela tigoni momu muhavisi a na gumbata thela kota khu gu sayisa dzinvuta dzi dwalago, mwendro gu landra edzi dzi dzimedego ni gu handza silondra edzi dzi bayisidwego, a ngamba khathala khu gu havisa edzi dzi vbanyago. Uye a nata hodza nyama nya edzi nya guene gwadi, a gu dzi dusa ni samba gambe!

Johane 5:30

“Gimwalo nyi girago khu gu gi khugela. Eni nya gu lamula kha nga idzo nyi pwidego khidzo; gulamula gwangu khwa gululama. Kholu kha nyi giri gugola gwangu, gani olu, gugola ga wule a nyi rumidego.

Johane 6:38

Kholu nyi tshigide khu Ndzadzini, gasi guta gira guhaladza ga wule a nyi rumedego; kha nya tela guta gira guhaladza gwangu.

Mithumo 4:28

vafela gu gira esi u nga si dongisela khu gale khu tshivba ni guti gwago.

Dhewuteronome 10:17

Kholu, Pfhumu Nungungulu wanu, Nungungulu nya vanungungulu ni Pfhumu nya dzipfhumu, Nungungulu nya khongolo, nya tshivba, nya guthavisege, a si hatheligo vathu, gambe a si dzumeligo gu rengeledwa;

2 Vatesalonika 2:3

mu nga dzumelini gukanganyiswa khisoso. Litshigu lolo kha li na ngata gu si gu manegi guwugela nya guhegise; a na dugelela muwugeli, oyu a dongisedwego gumbemba.

2 Vatesalonika 2:4

Uye a wugelago satshavbo, a dzi gira khongolo nya silo satshavbo si ranwago khu vathu khavo vanungungulu. A na dzega ni Nyumba ya Nungungulu, a dzi gira uye nungungulu.

2 Vatesalonika 2:8

Khavbo a na gu dugelelago muwugeli oyu Pfhumu Jesu a na mu songago khu phuvbo ya kanani gwaye. A mu mbembisa khu gungangamela nya gute gwaye.

Josuwa 22:22

Nyadzitshivbe, Nungungulu, Pfhumu, Nyadzitshivbe, Nungungulu, Pfhumu, Uye a ngu dziti; Israyeli nuye a na dziti! Ethu ha gu bani hi giride esi khu gu hambana ni gu wugela Pfhumu Nungungulu ni gu mu ghohela, muhuno kamwe Uye a nga hi vbanyisi.

Gutuledwa 10:7

Aholu ya gu kala yi womba pundru ngilozi nya livbandre na dzimbili, khavbo yi na gu tadzisegago misihalo ya Nungungulu, iyo a nga yi tivisago ga sithumi saye, a gu vaprofeti.”

Gutuledwa 12:14

Aholu, nyamayi a di ningwa mambapi mavili nya lighama nya likhongolo, gasi a kodze gu vbuvba a thavela giwulani avbo a nga bani a dongisedwe gu ya sayiswa avbo gipimo nya myaga miraru ni gipandre nari hwindzo ni hwindzo ni mamba.

Gutuledwa 13:1

Khavbo avbo, nyi di ema khu funguni nyi wona gambe girengo na gi tumbuluga khu linene. Girengo gyogyo gi diri ni livbandre na mivili mihungo ni likhumi dzikheho, kheho ni kheho yi di ambade gihugu nya wufumu. Mihungoni gwaye gu di lovidwe malina nya guvale Nungungulu.

Gutuledwa 17:17

Kholu Nungungulu vegide myonyoni gwawe gasi gu gira guhaladza gwaye, va dzumela gu thumela girengo kala ma tadzisega magana ya Nungungulu.

Gutuledwa 17:3

Yi di nyi yisa giwulani khu liphuvbo. Nyi diya wona nyamayi na khilede girengo nya gufuvile, na gi lovetedwe malina nya guvale Nungungulu, giri ni livbandre na mivili mihungo ni likhumi dzikheho.