Dhaniyeli 11:32 - Bhibhiliya Nya Guage

³² Khu mano yaye, a na kanganyisa vale va ndragidego gidzumeledzwano, aholu vale va mutigo Nungungulu wawe, va na mana tshivba va tiya va gira siliwugiso.

Dhaniyeli 11:32 Iomraidhean Croise

1 Dzikoronika 28:9

Gasi uwe mwanangu Solomoni, gu vbweta uti Nungungulu wa babe wago, u mu thumela khu monyo wago watshavbo, ni hefemulo wago watshavbo; kholu Pfhumu Nungungulu a ngu khedza maalakanyo nya myonyo yatshavbo, a gu pima makungo ni maalakanyo yatshavbo nya monyo; wa gu mu vbweta u na mu mana, aholu wa gu mu diga, Uye a na gu dzudzuga hwindzo kala gupindruga.

Nehemiya 4:14

mwa gupwani guwomba nya pundru, tutumani muya tshangana avbo wu pwalago avbo, mwendro saye Nungungulu wathu a na hi dwanela.

Dzindzimo 9:10

Pfhumu Nungungulu, vatshavbo vatigo lina lago, va gu tumba uwe, kholu uwe gima khu digi avo va gu vbwetago.

Mavingu 19:5

Fakazi nya malipha gima kha yi na hamuga tsayiso, ni wule a ganelago malipha kha na vbuluga.

Mavingu 26:28

Lidimi la muthu nya malipha, la gu gira dzimhango nya dzingi, ni magana yaye nya gulombele, ma gu mu mbembisa.

Jeremiya 31:34

Mwalo ni moyo a na gu hevbudzago muakelane mwendro ndriyaye, khuye: “Hevbula guti Pfhumu Nungungulu.” Kholu vatshavbo va na bani va nyiti, gukhugela vakhongolo kala sanana, kholu nyi na bani nyi tsetselede guvivba ni sighoho sawe, gima kha nyi na nga si alakanya gambe.

Dhaniyeli 11:21

Khu hwane gwaye, a na emiswa mwama nya nyalidede, uye a nga bani nari mwalo fanelo nya gufume; uye a nata na va divade, ata dzega wufumu khu mano.

Dhaniyeli 11:34

Avbo va na gu thegago, va na mana giphaso nya gidugwana, aholu avo nya vangi va na ganela basi khu likana khavo vomo gumogo navo.

Zakariya 10:12

Eni nyi na va tiyisa tshivbani ga Pfhumu Nungungulu, va na gimbila linani gwangu; a ngu ganela Pfhumu Nungungulu.

Johane 17:3

Guvbanya nya gupindruge khogu: Vati uwe basi kha nga Nungungulu nya lisine, ni guti Jesu Kristo, a gu uye u nga mu rumelago.

1 Johane 5:20

Hi ngu dziti gambe gukhethu Mwamana wa Nungungulu vbohide, a ngu hi ninga mapimo nya guti Nungungulu nya lisine. Ethu hi ngu hengela guvbanya ni Nungungulu nya lisine, ethu hi guromo ga Mwamana waye Jesu Kristo. Oyu khuye Nungungulu nya lisine, khugo guvbanya nya gupindruge.

Gutuledwa 6:11

Moyo ni moyo wawe a di ambagiswa ngandzu nya guage, va embedwa pwani va na hefemule vbadugwana, va lirela gu enedza tengo nya vangana ni vandriyawe, ava va nga gu vbwetago gu songwa nga avo.