Dhaniyeli 11:3 - Bhibhiliya Nya Guage

³ Khu hwane, gu na dugelela mufumeli nya tshivba, a na gu fumago khu tshivba nya yikhongolo, a gira ni sevbi a si golago.

Dhaniyeli 11:3 Iomraidhean Croise

Dhaniyeli 11:16

Khu guralo, uye a natago guta mu sasela a na gira iso a si golago; nyamba himbedzwa khu muthu. A na bela Tigoni nya tshivba a li sasela.

Dhaniyeli 11:36

Mufumeli a na gira gukhedza khu iso a na si golago, a na dzi khusedza ni gu dzi dandrisa mbeli ga vambe vanungungulu; gumogo ni ga Nungungulu nya vanungungulu, a na ganela sihonohono nya guthise. A na andra, kala gu tadzisega likhulo, kholu sile si hungidwego, si na tadzisega.

Dhaniyeli 5:19

Khu kotani nya wugulu a nga ningwago khu Nungungulu, vathu vatshavbo, mayigo ni mafumbu nya guhambanelane va di ndrendremela mbeli gwaye; a diri ni tshivba nya gusonge uye a mu golago, ni gu diga uye a mu golago. A di khusedza uye a mu golago ni gu vbwasamisa uye a mu golago.

Dhaniyeli 7:6

Khu hwane nya isoso, nyi di simama gu khedza nyi wona gimbe girengo nya gufanane ni likhamba, na giri ni mambapi mana nya ginyoni magatani gwaye. Girengo gegi gi diri ni mihungo mina, na gi ningidwe tshivba nya gufume.

Dhaniyeli 8:21

Aholu, nyamabhongwe nya mawoya khu mufumeli wa Gresiya, ni kheho nya yikhongolo yi nga dugago khu mahoni gwaye, khu mufumeli nya guhegule.

Vaefeso 1:11

Khu gwaye Kristo, hi hathidwe nethu guya ningwa thomba nya guvbanyiswe hi lulamisedwego khu gale, lihaladzo a thumago silo satshavbo khu gudzina ni gugola gwaye.

Vahebheru 2:4

Nungungulu tadziside wufakazi wawe khu gu gira siwoniso ni siliwugiso, yeyedzide tshivba yaye, a kabanisela siningwa nya Liphuvbo nya Guage, khu magirelo nya guhambanelane, kha nga guhaladza gwaye.

Jakobe 1:18

Khu gudzina gwaye, a hi velegide khu tshivba nya lito nya lisine, gasi hi khala nga matiwula nya sivangwa saye satshavbo.