Dhaniyeli 11:29 - Bhibhiliya Nya Guage

²⁹ Khu gikhati gi emisidwego, a na wuya ata dhumela mufumo wa Marandzi, aholu ga egi gikhati handro waye kha wu na ngata fanana ni guhegulani.

Dhaniyeli 11:29 Iomraidhean Croise

Isaya 14:31

Womba huwa uwe nyangwa, lila uwe lidhoropa, ndrendremelani enu Vafilisitiya mwatshavbo; kholu, gu nguta wutshi khu Wuronga, ni moyo a nga khugi khu wulangani gwaye.

Dhaniyeli 10:1

Khu mwaga nya wuraru nya gufume ga Kiro, mufumeli wa Perisiya, Dhaniyeli, a ranwago gambe gupwani khu Bhalitazari, a di ningwa giwoniso. Mahungu nya giwoniso gegi, ma diri ya lisine, ma di ganela khu libango nya nyimbi nya yikhongolo ngudzu. A di mati gwadi magana yakone ni gu mana tshamuselo nya giwoniso.

Dhaniyeli 11:23

Uye a na gu girago naye gidzumeledzwano, a na mu kanganyisa; nari ni masotshwa nya madugwana a na pala a dzega wufumu.

Dhaniyeli 11:25

Khu monyoni gwaye a na dzipwa na tiyide, gasi guya dwana ni mufumeli wa Marandzi, aholu uye nuye mufumeli wa Marandzi, a tombanisa masotshwa nya gutale ngudzu aya dwana naye, aholu kha na nga dugelela, kholu a na mu girela makungo.

Dhaniyeli 11:28

Khu guralo, mufumeli wa Marandzi a na bwelelela tigoni gwaye nari ni thomba nya yingi, monyoni gwaye nari ni makungo nya guwugele gidzumeledzwano nya guage. Uye a na gira isoso nasi gu bweleli tigoni gwaye.

Dhaniyeli 11:30

Kholu vathu nya gute khu Kitimi, va nata khu dzingalava vata dwana naye, va mu vbedza tshivba, a thava. Aholu nari ndzilani, a na bwelo khavbo a wugela gidzumeledzwano nya gukatege, a gira iso si godwago khu monyo waye, a bwelo khavbo a pwanana ni vale va digidego gidzumeledzwano nya guage.

Dhaniyeli 8:19

A nyi embela, khuye: “Nya gu vbweta gu gu embela iso si na dugelelago khu gikhati nya guhegise, a gu matshigu nya likhulo, kholu ayo ma na tadzisega khu gikhati gi vegisidwego nya mahegiso.”

Mithumo 17:26

Khu ga melegi wa moyo, tumbulugiside mahundzu yatshavbo nya vathu, gasi ma vbahe mafuni gwatshavbo; a kabanisa dzinango, a gu vega mivbingano nya guvbahe umo vathu.

Vagalatiya 4:2

Na gi ngari gidugwana, vomo vathu va vegwago gasi va gi wundza, khavo gambe va pharago silo saye satshavbo kala gi gu tshanganisa tanga yi vegisidwego khu babe waye.