Dhaniyeli 11:27 - Bhibhiliya Nya Guage

²⁷ Vafumeli vava navo va vavili, va na bani vari ni myonyo nya guvivbe, va na khala meza mweyo, va ganela malipha, aholu malipha yawe kha ma na phasa gilo. Kholu, mahegiso gu nata khu gikhati gya sa viredwago.

Dhaniyeli 11:27 Iomraidhean Croise

2 Samuweli 13:26

Khavbo avbo, Abhisalamo a di khuye: “Uwe wa gu tandrega, hi ninge ndriyathu Amoni hi hongole naye;” mufumeli, khuye: “Gasi u fela guya mu rini?”

Dzindzimo 12:2

Muthu ni muthu, a gu liphela muthu kwawe khu magana nya gusengedzele ni gupemba.

Dzindzimo 52:1

Khu ginani u dzi zundza khu mithumo yago nya guvivbe, uwe u gu ni tshivba? Kholu wuwadi wa Nungungulu wu ngu simama kala gupindruga.

Dzindzimo 58:2

Malipha! Enu mwa gu alakanya guvivba basi, thumo wanu khu gu wusa dzinyimbi tigoni.

Dzindzimo 62:9

Vathu vatshavbo, sisiwana ni sitetema; va gu fanana ni furugedzo; va gu pimwa mugikaloni, va gu manega vasiri gilo, va gu vbevbuga guvbindra furugedzo.

Dzindzimo 64:6

Va gu alakanyela mano nya guvivbe, khavo: “Hi giride gikungo gi vbeledego; maalakanyo ni monyo nya muthu ni muthu si etide ngudzu!”

Mavingu 12:20

Monyoni ga vathu nyambasi vadi, gu tade khu wukanganyisi, aholu gutsaka gomo myonyoni ga vale va vbwetago gurula.

Mavingu 19:21

Monyoni ga muthu momo makungo nya mangi, aholu iso si tiyidego, khiso Pfhumu Nungungulu a fungidego.

Mavingu 26:23

Magana nya gunyenyeze ni monyo nya guvivbe, gu fanana ni sombo nya libumba si namegedzedwego, maraga nya parata.

Ezekiyeli 17:9

Va embele, khuwe: Mune Pfhumu Nungungulu a ngu wudzisa kharati, khuye: “Ina uwo wu na andra, gani? Ina lighama kha la kula mikhamba yaye ni gu pila mihandro yaye, gasi wu bange, gani? Ni mahagane nya mathungedwa yaye ma na banga; khandri khu libogo nya tshivba ambari khu vathu nya vangi, va na wu kulago ni mikhamba yaye.

Dhaniyeli 10:1

Khu mwaga nya wuraru nya gufume ga Kiro, mufumeli wa Perisiya, Dhaniyeli, a ranwago gambe gupwani khu Bhalitazari, a di ningwa giwoniso. Mahungu nya giwoniso gegi, ma diri ya lisine, ma di ganela khu libango nya nyimbi nya yikhongolo ngudzu. A di mati gwadi magana yakone ni gu mana tshamuselo nya giwoniso.

Dhaniyeli 11:28

Khu guralo, mufumeli wa Marandzi a na bwelelela tigoni gwaye nari ni thomba nya yingi, monyoni gwaye nari ni makungo nya guwugele gidzumeledzwano nya guage. Uye a na gira isoso nasi gu bweleli tigoni gwaye.

Dhaniyeli 11:29

Khu gikhati gi emisidwego, a na wuya ata dhumela mufumo wa Marandzi, aholu ga egi gikhati handro waye kha wu na ngata fanana ni guhegulani.

Dhaniyeli 11:35

Aholu vambe va nya guti, va na songwa gasi gu lingwa, ni gu agiswa kala gikhati nya mahegiso, kholu guhegisa gu na vboha khu gikhati gi emisidwego.

Dhaniyeli 11:40

Khu mahegiso nya gikhati, mufumeli wa Marandzi a nata dwana naye, aholu mufumeli wa Wuronga a na mu khinga khu dzikareta, vakhileli nya dzikavalu ni dzingalava nya dzingi. A na bela mayigoni a va kukuluta nga ndrambi nya mati.

Dhaniyeli 8:17

Avbo a nga hidzimela vbafuvbi gwangu, nyi di mu wona, nyi tala khu hwanga nyi thega khu khovbe mafuni. Uye a di nyi embela, khuye: “Gyanana nya muthu, dziti nya gukhuwe giwoniso u gi wonidego, gya gu ganela khu matshigu nya guhegise.”

Dhaniyeli 8:19

A nyi embela, khuye: “Nya gu vbweta gu gu embela iso si na dugelelago khu gikhati nya guhegise, a gu matshigu nya likhulo, kholu ayo ma na tadzisega khu gikhati gi vegisidwego nya mahegiso.”

Habhakuka 2:3

Kholu giwoniso gi na vbedza gikhati nya gukari, gya gu ganela khu matshigu nya guhegise, gima kha gi na lipha; ambari gya gu hwela, gi lindrele, kholu gi nata, kha gi na hwela.

Mithumo 1:7

Uye a di va hakha, khuye: “Kha si lumbi enu guti gikhati ni dzinango Babe a dzi vegisidego khu gudzina gwaye.

Mithumo 17:31

Khaguva vegiside litshigu a na ta lamulago litigo khu gululama, khu ga mwama moyo a nga mu hathago, a mu emisa mbeli nya vathu vatshavbo, khu gu mu wusa khu ga vafudego.”

1 Vatesalonika 5:1

Vandruye, khu mahungu nya gikhati ni matshigu si na gu giregago silo soso, kha gu vbwetegi gu ganela gambe gimbe gilo.