Dhaniyeli 11:23 - Bhibhiliya Nya Guage

²³ Uye a na gu girago naye gidzumeledzwano, a na mu kanganyisa; nari ni masotshwa nya madugwana a na pala a dzega wufumu.

Dhaniyeli 11:23 Iomraidhean Croise

Genesi 34:13

Sanana sa Jakobe si di hakha Sikemi ni babe waye Hamori, khu maganelelo nya guvapfhadze, kholu Sikemi a di nyenyeziside ndriyawe Dhina.

Dzindzimo 52:2

Lidimi lago la gu luga makungo nya guvivbe; kha nga ngala nya gulodzwe, la gu luga wukanganyisi.

Mavingu 11:18

Muthu nyambasi wadi, a gu hakha tshatshazelo nya wudambane, Aholu uye a yalago gululama, a na mana tshatshazelo nya wadi.

Dhaniyeli 11:22

A na pala dzinyimbi dzi mu saselago a dzi phalalegisa mbeli gwaye; va na mbembiswa gumogo ni muthangeli nya gidzumeledzwano.

Dhaniyeli 11:24

A na varamela na va pfhade malangani nya gunone nya sipandrengulu nya litigo, ata gira iso nya gu ambari vababe vaye kha va si kodza gu gira, ambari ni vakokwe vaye; a na dzega silo a nga phangago a kavedzela dzipari dzaye. A na gira ni makungo nya gusasele mambe makhokhola, aholu a na bani nari sa gikhatinyana basi.

Dhaniyeli 8:24

Uye a na bani nari ni tshivba, nasiri khu tshivba yaye. A na wusa vhilinganya nya gusamadzise, aholu uye a na dugelela ga satshavbo a gira esi a si golago. A na mbembisa dzimbe dzindrena ni sihathwa sa Nungungulu.

Dhaniyeli 8:25

Khu kotani nya wugengeli ni mano yaye, a na dugelela ngudzu, monyoni gwaye gu na tala khu matshandza, a na mbembisa nya vangi va mu tumbago, bwelo khavbo a wugela ni Pfhumu nya dzipfhumu. Ambari khu kharato, a na mbembiswa, aholu nasiri khu mandza nya vathu.

Varoma 1:29

Khu kharato, va fumedwe khu guwegela gwatshavbo, ni gunyenyeza gwatshavbo, ni wugundreli, ni guvivba, ni lidiwo, ni wufu, ni wughevenga, ni vhilinganya, ni malipha, ni wulala ni milembo.

2 Vakorinto 11:3

Aholu, nyi na ni hwanga nya gukheni mapimo yanu ma na ghoheka mu diga lisine, ni gukhodwa ga Kristo, kha nga olu Evha a nga sengwa khu malipha ni wugengeli nya nyoga.

2 Vatesalonika 2:9

Muwugeli a nata na tade khu tshivba ya Sathane, a na yeyedza tshivba nya yikhongolo khu siliwugiso ni sigiro nya malipha.