Dhaniyeli 11:11 - Bhibhiliya Nya Guage

¹¹ Khu guralo, mufumeli wa Marandzi a na duga na tade khu giviti, guya dwana ni mufumeli wa Wuronga, ambari a na gu bani nari ni gikwata nya gingi nya masotshwa, aholu va na ningedwa mandzani gwaye.

Dhaniyeli 11:11 Iomraidhean Croise

1 Dzipfhumu 20:13

Khu gikhati gyogyo, muprofeti moyo a di vboha ga Akabi, mufumeli wa Israyeli, a mu tivisa, khuye: Pfhumu Nungungulu a ngu ganela kharati, khuye: “U gi wone gidzemo gegi nya gingi ngudzu, gani? Muhuno eni nyi na gi ningela mandzani gwago, u va pala gasi u dziti nya gukhuwe eni kheni Pfhumu Nungungulu.”

1 Dzipfhumu 20:28

Muthu wa Nungungulu, a di hongola ga mufumeli wa Israyeli, aya mu embela, khuye: “Pfhumu Nungungulu a ngu ganela kharati, khuye: Olu Vaasiriya va ganelago, khavo: Pfhumu Nungungulu khwa sigomoni, nasiri Nungungulu wa panini, eni nyi na ningela mandzani gwago, gyatshavbo gidzemo gegi nya gikhongolo, khavbo mu na dzitigo nya gukhenu, Eni kheni Pfhumu Nungungulu.”

Dzindzimo 76:10

Ambari likhulo nya muthu li na gu rungudza; ni mitshaledwa yi nga vbulugago yi na gu girela buzo.

Jeremiya 27:6

Olu eni nyi ningede mayigo yatshavbo yaya mandzani ga githumi gyangu Nabhukodhonosori, mufumeli wa Bhabhiloni; nyi mu ningide gambe ni sirengo sa khabini, gasi si mu thumela.

Dhaniyeli 11:12

Avbo a na gu wonago gupala gogu, mufumeli wa Marandzi a na tala khu gutsaka ngudzu monyoni gwaye, aholu ambari a gu songa mazanazana nya vathu, kha na ngaya mbeli khu gu dugelela.

Dhaniyeli 11:40

Khu mahegiso nya gikhati, mufumeli wa Marandzi a nata dwana naye, aholu mufumeli wa Wuronga a na mu khinga khu dzikareta, vakhileli nya dzikavalu ni dzingalava nya dzingi. A na bela mayigoni a va kukuluta nga ndrambi nya mati.

Dhaniyeli 11:44

Aholu mahungu ma na gu dugago khu Khugadambo ni Wuronga, ma na mu pila hwambo, uye a na goroga a khuga na tade khu giviti, gasi guya sasela ni gu mbembisa vathu nya vangi.

Dhaniyeli 11:5

Mufumeli wa Marandzi khuye a na manago tshivba, gambe moyo nya dzindruna dzaye, a na manega ni tshivba guvbindra uye, yi na fumela ni mufumo waye khu tshivba nya yikhongolo.

Dhaniyeli 2:38

Malangani yatshavbo a gu ningide vathu, sirengo sa khabini ni sinyoni sa damboni, a si ningede mandzani gwago, gasi satshavbo si fumwa khuwe, hungo nya ndralama khuwe.

Dhaniyeli 8:7

Nyi di wu wona na wu guta khu gigaha wu ta ghumula hamba khu tshivba wu yi bayisa, dzi fanyega dzikheho dzaye dza dzimbili. Hamba kha ya nga mana gambe tshivba nya gudwane naye; nyamabhongwe wu di yi thesa vbavbatshi, wu yi gandredzela khu migondro, mwalo a nga dzi kodzago gu vbulugisa hamba mandzani ga nyamabhongwe.