Dhaniyeli 1:7 - Bhibhiliya Nya Guage

⁷ Muthangeli nya sithumi sa mufumeli, a di va thangisa mambe malina, a gu aya: Dhaniyeli a mu riya lina la Bhalitazari, Hananiya, khuye khu Sadraki, Misayeli khuye khu Misaki, Azariya khuye khu Abhedhi-Negho

Dhaniyeli 1:7 Iomraidhean Croise

Genesi 41:45

Faro a di riya Josefe lina nya gupwani khu Zafinati-Paneya a gu mu ninga Asenati, nyamahegyane wa Potifera, muphasi nya mhamba wa Oni, gu khala mwangadzi waye. Josefa a di khuga a dzuwulugela litigo latshavbo la Egipito, a li wona.

2 Dzipfhumu 23:34

Faro-Neko, a di emisa gambe Eliyakimi, mwamana wa Josiya, gu khala mufumeli, wulangani wa babe waye Josiya, a mu vbindrugedza lina khuye khu Jeyowakimi, aholu Faro-Neko a di dzega Jowakazi, a hongola naye Egipito aya fela iyoyo.

2 Dzipfhumu 24:17

Mufumeli wa Bhabhiloni, a di emisa babe dugwane waye Mataniya, gu khala mufumeli wulangani ga Jowakimi, a mu vbindrugedza lina laye a mu rana khuye, khu Zedhekiya.

Dhaniyeli 1:19

Mufumeli a diya bhula navo, aholu li mwalo lidzaha li nga bani li tsakisa gu fanana ni Dhaniyeli, Hananiya, Misayeli ni Azariya; khu guralo, va di hathwa gu thumela nyumbani ga mufumeli.

Dhaniyeli 1:3

Mufumeli a di rumela Asipenazi, muthangeli nya sithumi nya mufumo waye, gu mu resela madzaha ma dugelago nyumbani nya wufumu wa Israyeli, ni ayo nya gudugele nyumbani nya manganagana.

Dhaniyeli 10:1

Khu mwaga nya wuraru nya gufume ga Kiro, mufumeli wa Perisiya, Dhaniyeli, a ranwago gambe gupwani khu Bhalitazari, a di ningwa giwoniso. Mahungu nya giwoniso gegi, ma diri ya lisine, ma di ganela khu libango nya nyimbi nya yikhongolo ngudzu. A di mati gwadi magana yakone ni gu mana tshamuselo nya giwoniso.

Dhaniyeli 2:26

Mufumeli a di wudzisa Dhaniyeli, a nga bani na gu ranwa gambe pwani khu Bhalitazari, khuye: “Ina uwe u nga dzi kodza gu nyi pwadzela ndroro nyi nga yi wonago ni gu nyi ninga tshamuselo waye, gani?”

Dhaniyeli 2:49

Dhaniyeli a di lomba ga mufumeli gu a emisa Sadraki, Misaki ni Abhedhi-Negho, gu khala dzindruna nya gipandrengulu gya Bhabhiloni, gasi Dhaniyeli a di tshala umo nya huwo ya mufumeli.

Dhaniyeli 4:5

Khu guhegisa, gu dita mbeli gwangu Dhaniyeli, uye a tidwago khu lina la Bhalitazari, a gu lina nya nungungulu wangu, uye li vbanyago gwaye liphuvbo la vanungungulu va agidego, eni nyi di mu embela ndroro yangu kheni:

Dhaniyeli 4:8

Simbo yoyu wu di dandra ngudzu wu mana tshivba, wu lapha kala damboni; wu wonwa tigoni gwatshavbo.

Dhaniyeli 5:12

Gu manegide ga mwama yoyu Dhaniyeli, mufumeli a nga mu thangisago lina la Bhalitazari, a diri ni liphuvbo nya gusamadzise, nya guti ni mapimo, a ninga tshamuselo nya dzindroro ni gu ninga phindrulo dzitekatekane, ni gu dusa gukanakana ga mahungu nya gulemele, avbo mufumeli a nga mu thangisago lina la Bhalitazari. Rumela gu ya ranwa Dhaniyeli, uye a nata gu ninga tshamuselo nya milowo.