Dhaniyeli 1:3 - Bhibhiliya Nya Guage

³ Mufumeli a di rumela Asipenazi, muthangeli nya sithumi nya mufumo waye, gu mu resela madzaha ma dugelago nyumbani nya wufumu wa Israyeli, ni ayo nya gudugele nyumbani nya manganagana.

Dhaniyeli 1:3 Iomraidhean Croise

2 Dzipfhumu 24:15

A di vbagela Jowakimi, a mu yisa Bhabhiloni; gumogo ni mayi wa mufumeli, vagadzi va mufumeli, mithenwa yaye ni sitetema sa tigoni, va di vbagedwa khu Jerusalema, va yiswa Bhabhiloni.

Isaya 39:6

Wona nya gukhuwe ma nguta matshigu gu na gu satshavbo si guromo nyumbani gwago, ni satshavbo esi nya thomba u nga tshiyedwago khu vavelegi vago si guromo kala muhuno, si na rwadwa si yiswa Bhabhiloni; gimwalo ni gimwegyo gi na tshalago, a ngu ganela Pfhumu Nungungulu.

Isaya 39:7

Va na dzega sanana sago u na si velegago, si yiswa si ya khala mithenwa ya nyumbani nya wufumu ya mufumeli wa Bhabhiloni.

Jeremiya 41:1

Khu ngima nya livbandre na wuvili, Ismayeli, mwamana wa Netaniya, mwamana wa Elisama, wa nyumbani nya wufumu, a nga bani ari moyo nya ndruna ya mufumeli, na gu bangaladzwa khu likhumi vama, va di hongola Misipa va ya wonana ni Gedhaliya, mwamana wa Ayikamo, va diya hodza naye gumogo.

Dhewuteronome 28:41

U na velega sanana nya sikhwathana ni vanyamahegyane, aholu gima khu na khala navo, kholu va na vbagedwa va yiswa wugumbitunu.