Dhaniyeli 1:12 - Bhibhiliya Nya Guage

¹² “Nga linga, sithumi sago si ngu lomba, u yedza gu hi ninga tongwe hi hodza uwo, ni gu sela mati basi gipimo nya likhumi matshigu.

Dhaniyeli 1:12 Iomraidhean Croise

Dhaniyeli 1:11

Khavbo avbo, Dhaniyeli a di ganela ni ndruna yi nga vegwago khu muthangeli nya sithumi gasi gu sayisa Dhaniyeli, Hananiya, Misayeli ni Azariya, khuye:

Dhaniyeli 1:13

Hwane nya ugo, u na pimanisa dzikhovbe dza ethu hi hodzago mitongwe ni dzikhovbe dza madzaha ma hodzago guhodza nya manonwa ya mufumeli, khavbo u na gu dzi kodza gu gira gugola gwago ga ethu sithumi sago.”

Dhaniyeli 1:16

Khu guralo, ndruna yi di pila guhodza ni gu sela wadwa gu nga laywa khu mufumeli, yi va ninga tongwe.

Varoma 14:2

Vomo va alakanyago gukhavo va ngu dzi kodza gu hodza silo satshavbo, gasi vambe va sa tiyago gukhodwani gwawe, va gu hodza tongwe basi.

Dhewuteronome 8:3

Uye a di gu poyila a gu diga upwa ndzala, a gu hodzisa manaha, uwe u nga bani u si mati, ambari vababe vago va di si mati, gasi u kodze gu pima gukhuwe muthu kha vbanyi basi khu guhodza, aholu khu satshavbo iso si dugago khu kanani ga Pfhumu Nungungulu, isoso si ngu vbanyisa muthu.

Gutuledwa 2:10

U nga khali hwanga khu gu wona gutshaniseka gu gu viredego. Ndrani nya matshigu yaya, Sathane a na khothela pasoni vambe ni vambe vbakari nya libandla lanu, gasi gu va lingwa. Mu na wona gutshaniseka nya gukhongolo gipimo nya likhumi matshigu. Tumba kala gufa, nyi na gu ambagisa gihugu nya womi nyamba bela.