Amosi 9:13 - Bhibhiliya Nya Guage

¹³ Wonani nya gukhenu ma nguta matshigu, a ngu ganela Pfhumu Nungungulu, mulimi a na gu fananago ni uye a vbwerago, ni uye a gamago dziuvha, a fanana ni oyu a yalago mbewu; sigomo si na ruta vhinya, sigomwana satshavbo si na nyiviliga.

Amosi 9:13 Iomraidhean Croise

Genesi 49:11

A na hunga giburwana gyaye tshinani nya uvha, gyanana gya buru yaye litamoni nya miuvha nya wumburi, guambala gwaye gu na handzwa khu vbinyu, ni libhadzi laye novbani nya dziuvha.

Dzindzimo 97:5

Sigomo sa gu nyega mbeli Gwaye kha nga mafura, mbeli ga Pfhumu Nungungulu a gu mune nya litigo latshavbo.

Isaya 16:10

Marembweni nya gunone gu mwalo gambe gutsaka ni mikulungwane nya gunengele; mwalo a gamago gambe dziuvha maphisoni. Nyi degudzide mikulungwane nya gutsake.

Isaya 55:13

Wulangani nya likhabi nya miba gu na buga mipinyu (ndziri), ni wulangani nya sirangalabwa gu na buga senge nya likhomwa (murita); esi si na bani siri wuzundzo ga Pfhumu Nungungulu ni gialakanyiso nya gupindruge gi na gumba divadwa gambe.

Ezekiyeli 28:26

Avo va na vbanya mule na va tshulegide, va na vbaha dzinyumba dzawe ni gu yala miuvha; va na vbanya khu gurula gikhati nyi na tsayisago vaakelane vawe vatshavbo va va giredego guvivba. Khavbo avbo, avo va na nyiti gukhavo kheni Pfhumu Nungungulu wawe.

Ezekiyeli 36:35

Va na ganela, khavo: Litigo leli li nga bani li khade marumbi, li khade nga lithembwe la Edheni; madhoropa ma nga bani ma khungumudwe ma vbindrugedza ma khala marumbi, olu ma vbahedzidwe ma bwelo khavbo gu khala vathu.

Joyele 2:24

Sithala si na tala khu tirigu, ni sikhwati si na tala khu wadwa nya dosi nya dziuvha ni mafura.

Joyele 3:18

Khu litshigu lolo, sigomo si na ruta vbinyu nya yiphya ni sigomwana si na goga mahwe, mitsongo yatshavbo ya tigoni ga Judha, yi na tala khu mati; gu na duga gifefe nya mati khu Nyumbani ga Pfhumu Nungungulu, gi theledzela kovani wa Sitimi.

Joyele 3:20

Aholu litigo la Judha li na bani liri ni vathu kala gupindruga, Jerusalema nuye khu mimela ni mimelana.

Levhi 26:5

Guvbwera nya tirigu gu na simama kala matshigu nya gu havedwe dziuvha, kala mu vbohisa matshiguni nya gilimo ni gu yala dzimbewu; mu na hodza mu khura gambe mu na khala na mu tiyide tigoni gwanu.

Amosi 9:5

Kholu Mune, Pfhumu Nungungulu nya Tshivba Yatshavbo, khuye a khuhago mafu, ayo ma nyiviliga, vatshavbo va vbanyago umo va na lila; ma gugumuga mati yatshavbo gu fanana ni tsongo wa Nilo, bwelo havbo ma bosa gu fanana ni tsongo wa Egipito.

Johane 4:35

“Ina kha mu tali guganela, khenu: Ndrani nya migima mina yi na vboha nango nya guvbwere, gani? Khu kharato, eni neni nyi ngu mi embelani, nya gukheni: Khusedzani maho mu wone: Dzimbewu dzi vidzidwe, dza guvbweta gu vbwerwa.

Valamuli 5:5

Sigomo si di nyiviliga mbeli ga Pfhumu Nungungulu wa gigomoni gya Sinayi, mbeli ga Pfhumu Nungungulu wa Israyeli.