Amosi 8:7 - Bhibhiliya Nya Guage

⁷ Pfhumu Nungungulu a di sambanya khu matshandza ya Jakobe, khuye: “Eni gima kha nyi na divaledwa khu mithumo yaye yatshavbo a giridego!”

Amosi 8:7 Iomraidhean Croise

Joba 24:23

A ngu va diga va sayisega gikhatinyana na va khadzisegide; aholu maho yaye ma gu khevisela dzindzila va gimbilago khidzo.

Dzindzimo 10:11

A ganela khu monyoni gwaye, khuye: “Nungungulu a si divade, fenengedzide khovbe gima kha na wona gilo.”

Dzindzimo 47:4

A ngu hi hathela thomba yathu, wuzundzo wa Jakobe, gigodwa gyaye.

Dzindzimo 47:5

Nungungulu gwede vbakari nya dzihuwa nya litsako, Pfhumu Nungungulu vbakari nya gudzume nya pundru.

Dzindzimo 68:34

Tivisani vathu gukhenu Nungungulu a na ni tshivba; wugulu waye wu ngu fenengedza Israyeli, a gu fuma nari khu vbatshani ndzadzini.

Ekisodha 17:16

Uye a di khuye: “Kholu Amaleki a wugedego giluvelo gya Pfhumu Nungungulu, nyimbi ya Pfhumu Nungungulu ni Amaleki yi na thapela mimela ni mimelana.”

Isaya 22:14

Aholu, Pfhumu Nungungulu nya Tshivba Yatshavbo a nyi lembedzide dzindzeveni gwangu, khuye: “Gighoho gegi, kha mu na tsetseledwa kala mufa” a ngu ganela Mune, Pfhumu Nungungulu nya Tshivba Yatshavbo.

Isaya 43:25

Eni kamwe, kheni nyi futago sighoho sago, khu gugola gwangu, sighoho sago gima kha nyi na si alakanya gambe.

Jeremiya 17:1

Gighoho gya Judha gi lovidwe umo nya gileti khu simbi na gi bethidwe khu tshokha nya dhayimane, gi lovidwe myonyoni gwawe ni dzikhehoni nya siluvelo sawe.

Jeremiya 31:34

Mwalo ni moyo a na gu hevbudzago muakelane mwendro ndriyaye, khuye: “Hevbula guti Pfhumu Nungungulu.” Kholu vatshavbo va na bani va nyiti, gukhugela vakhongolo kala sanana, kholu nyi na bani nyi tsetselede guvivba ni sighoho sawe, gima kha nyi na nga si alakanya gambe.

Jeremiya 44:21

“Ina libani mu vbisidego enu ni vababe vanu, vafumeli vanu, manganagana yanu ni vathu vatshavbo va tigoni, madhoropani ga Judha ni makondroni ya Jerusalema, ina mwa gu pimisa gukhenu Pfhumu Nungungulu kha si alakanyi, a si divade, gani?

Hoseya 7:2

Gambe kha va pimisi khu myonyoni gwawe, gukhavo eni nyi ngu alakanya mithumo yawe yatshavbo nya guvivbe; va fenengedzidwe khu sighoho sawe, gikhati gyatshavbo nya gu khedza avo.

Hoseya 8:13

Avo va gu gola gu ningela miphaso, va songa sirengo, va gola guhodza dzinyama dzakone, aholu Pfhumu Nungungulu kha salali khiyo. Kha na diga gualakanya wuvivbi wawe, a na va tsayisa khu sighoho sawe, avo va na bwelela tigoni ga Egipito.

Hoseya 9:9

Va phorode khu manyala nya sighoho nya sikhongolo, nga matshiguni ya Gibheya. Pfhumu Nungungulu, a na alakanya mithumo yawe nya guvivbe, a na va tsayisa khu kotani nya sighoho sawe.

Amosi 4:2

Pfhumu Nungungulu sambanyide khu guaga gwaye, khuye: Ma nata matshigu vbakari gwanu, ma na ta mi ndrindrago khu silowo, ni situgulwana niso si na ndrindrwa khu silowo.

Amosi 6:8

Pfhumu Nungungulu, mune nya satshavbo, sambanyide khu hefemulo waye! Pfhumu Nungungulu nya Tshivba Yatshavbo a ngu ganela kharati, khuye: Nyi ngu swireka khu matshandza ya Jakobe, nyi ngu nyenya dzinyumba dzawe nya wufumu; nyi na ningela lidhoropa ni satshavbo si guromo umo.

Luka 2:32

Uye khuye wenengedzo wu na gu wenengedzago va nya mayigo, Uye gambe gidhumo gya Israyeli, ngamo yago.”