Amosi 8:4 - Bhibhiliya Nya Guage

⁴ Yingisani enu mu midzago vahamugi, mu mbembisa sisiwana sa mafuni,

Amosi 8:4 Iomraidhean Croise

1 Dzipfhumu 22:19

Mikeya a di engedza a ganela, khuye: “Yingisa magana ya Pfhumu Nungungulu: Nyi wonide Pfhumu Nungungulu na khade vbagikhalotunu gwaye nya wufumu, na randredwe khu nyamudye ni nyambade khu sikwata nya sivangwa sa ndzadzini.

Joba 24:4

Va gu reda sisiwana si ndreya ndzilani, vahamugi vatshavbo va tigoni va thava vaya sihala.

Dzindzimo 10:7

Khanani gwaye gu tade khu tshamba, gukanganyisa ni gutshanisa; lidimi laye, la gu ganela manyala ni gupoyila.

Dzindzimo 12:5

Kholu Pfhumu Nungungulu a di khuye: “Olu nyi na khuga nyi ema, kholu va nya gusolega va ngu saniswa, sisiwana si ngu keta khu wuvi nyi na va resela guvbanyiswa va gu vbwetago.”

Dzindzimo 14:4

Ina va nya guvivba vatshavbo kha va pimi gilo, gani? Va gu tsagudzela vathu vangu, nga khwatshi va gu hodza gibaba, nyamba rana lina la Pfhumu Nungungulu.

Dzindzimo 140:12

Pfhumu Nungungulu, nyi ngu dziti gukheni u ngu lamulela gisiwana, u ngu lulamisa mahungu ya ava va hamugago.

Dzindzimo 56:1

Nyi pwele wusiwana Nungungulu wangu, kholu vathu va ngu vbweta gu nyi bayisa; va gu nyi tshanisa ni gu nyi dwanisa litshigu latshavbo.

Mavingu 30:14

Vomo vathu vale magwaha yawe a gu matshari ni dzindzarara dzawe nya mwagwaha, a gu migala, gasi gu vbedza khayo sisiwana mafuni ni vale va hamugago gilo vbakari nya vathu.

Isaya 1:10

Enu vathangeli va Sodhoma, yingisani magana ya Pfhumu Nungungulu; tulani dzindzeve enu vathu va Ghomora, mupwe nayo wa Nungungulu wathu.

Isaya 28:14

Khu guralo, yingisani magana ya Pfhumu Nungungulu, enu vatseketseli mu fumelago vathu vava va vbanyago Jerusalema.

Jeremiya 28:15

Muprofeti Jeremiya a di embela muprofeti Hananiya, khuye: “Hananiya, olu yingisa malito yangu: Uwe khwa rumedwa khu Pfhumu Nungungulu, uwe wa gu pengisa vathu va khodwa khu malipha yago.

Jeremiya 5:21

“Olu yingisani esi enu vathunu nya mapemi ni gumbana mapimo, mu gu na ni maho, aholu mu si woni; ni dzindzeve gambe kha mu yingisi.”

Ezekiyeli 22:12

Vbakari nya vathu vago, vomo va dzumelago gu rengeledwa gasi gu vbaladzwa novba; va fuyariside dzitsapawu gasi gu kodza gu mana bhindzu, u kanganyisa muakelane wago khu gu mu dzegela silo saye; gambe uwe u divaledwe khu eni.” A ngu ganela Pfhumu Nungungulu.

Ezekiyeli 45:10

Thumisani gikalo nya gyadi nya gululame, efa nya wadi ni kanvu nya wadi.

Amosi 5:11

Khu guralo, kha nga olu mu gandredzelago gisiwana, mu gi gurumedza gu livba gikhaba nya tirigu. Khu guralo, mu na vbahani dzinyumba nya siwindri nya guvatwe, aholu kha mu na khala umo; mu limani marembwe nya miuvha mu ma golago, aholu kha mu na sela wadwa wakone.

Amosi 5:12

Kholu nyi ngu guti guvivba gwanu gukheni gungi, ni sihoso sanu si tade; enu mwa gu tshanisa muthu nya gululame, mu dzumela gu rengeledwa, mu hembulula vahamugi miphathani.

Amosi 7:16

Gasi olu yingisa magana ya Pfhumu Nungungulu. Uwe wari, khuwe: Nyi nga profeti gambe ga va na Israyeli, ambari gu ganela ga livelego la Isaki

Mikeya 2:2

Va gu dogorela marembwe va gu ma wandra, va gu dogorela dzinyumba, va gu dzega khu kanu; kharato va gu gira dzihanyi ga mwama nya gukari gumogo ni ndranga yaye, ga muthu nya gukari gumogo ni thomba yaye.

Mikeya 3:3

Mu ngu hodza nyama nya vathu vangu, mu va dusa lidowo lawe, mu va fanyeledzela marambo yawe, mu ma pilela kha nga khwatshi nyama mu vbwetago gu thela khalini mwendro bhotani.

Zakariya 5:6

Eni nyi di wudzisa, kheni: “Gasi ginani egi?” Iyo yi di nyi hakha, khiyo: “Owu pimo nya liphanga wu dugago.” Aholu yi di engedza gambe, khiyo: Umo nya pimo wowo, womo wuvivbi, wu fananago ni vathu vatshavbo va tigoni.

Matewu 23:13

Libango gwanu, enu vapfhadzi, vahevbudzi nya Nayo ni Vafarisi, kholu mu ngu segela vathu malimba nya Mufumo wa Ndzadzini; kha mu beli enu, gambe kha mu digi va bela avo va dzinago.

Jakobe 5:6

Enu mu ngu ninga nandru, mu songa vathu nyambana nandru, avo kha va dzi kodzi gu dzi vhikela gwanu.