Amosi 8:3 - Bhibhiliya Nya Guage

³ Aholu dzindzimo dza Nyumbani ga Nungungulu, khu litshigu lolo, dzi na vbindrugedza dzi khala gililo, a ngu ganela Pfhumu Nungungulu; malangani gwatshavbo gu na tala khu sirumbi nya vathu, si na dzudzugwa vbavbandze na va degude.

Amosi 8:3 Iomraidhean Croise

Dzindzimo 39:9

Eni nya gu degula kha nyi tuli likana, kholu khuwe u giridego isoso.

Isaya 37:36

Khavbo avbo, Ngilozi ya Pfhumu Nungungulu yi diya sasela lizumbo la Vaasiriya, yi songa lizana ni livbandre na mararu magumi ni livbandre magumi (185000) mazana vathu; avbo vambe va nga wugago ni dzimindru, va dita va mana nari sirumbi.

Jeremiya 22:18

Khu guralo, Pfhumu Nungungulu a ngu ganela kharati mayelano khu Jowakimi, mwamana wa Josiya, mufumeli wa Judha, khuye: “A gufa kha va na mu lila, khavo: Yowe, ndriyangu! Mwendro gukhavo: Yowe, hane wangu! Va nga wombi huwa, khavo: Yowe, mune wathu! Mwendro gukhavo: Yowe, pfhumu yathu!”

Gililo 2:10

Madhota ya vanyamahegyane va Siyoni ma khade vbavbatshi hayo kape. Va dzi phorodzede nguma hungoni, va ambala silendra, makendzi ya Jerusalema ma nogide dzithamo vbavbatshi. Caf

Joyele 1:11

Valimi va va vbede tshivba, va yali nya miuvha va womba huwa khu kotani nya tirigu ni mala, kholu dzimbewu dza mahangeni dzi fuvisidwe.

Joyele 1:13

Enu vaphasi nya mhamba, ambalani silendra mu lila; wombani huwa enu mu thumelago vbagiluvelotunu; belani na mu ambade silendra, mu lila wutshigu watshavbo, enu mu thumelago Nungungulu wangu; kholu miningelo nya dzimbewu niyo nya wadwa, kha yi ningedwi gambe Nyumbani ga Nungungulu wanu.

Joyele 1:5

Wugani mu lila, enu sidhakwa; wombani huwa mwatshavbo vaseli nya vbinyu, lilani khu kotani nya wadwa nya dosi nya diuvha, wu dusidwego maganani gwanu.

Levhi 10:3

Mosi a di embela Aroni, khuye: “Khiso esi a nga tivisago Pfhumu Nungungulu, gikhati a nga khuye: Nyi ngu wonegisa guaga gwangu ga vale va guromo vbafuvbi gwangu, ga vathu vatshavbo nyi ngu nonedza wudhumo wangu.” Aroni a di degula.

Amosi 4:10

Nyi rumede tungu nya gufanane ni uwo nyi nga rumela Vagipiti. Nyi songa madzaha yanu khu litshari; dzikavalu dzanu dzi di phangwa. Nyi di tadza dzithonvuni gwanu khu gu nunga nya sirumbi nya mabutho yanu; ambari khu guralo, kha mwa vbindrugedzani mu wuya avbo gwangu, a ngu ganela Pfhumu Nungungulu.

Amosi 5:16

Khu guralo, Pfhumu Nungungulu nya Tshivba Yatshavbo, uye a gu Pfhumu a ngu ganela kharati, khuye: Dzindzilani gwatshavbo gu na manega gililo, ni mitalalani va na ganela, khavo: Yowe! Yowe! Va na rana mulimi gasi guta lila, ni vatshavbo avo va kodzago gulila.

Amosi 5:23

Digani ligwaha lanu nya dzindzimo, kholu kha nyi vbweti gupwa wutsendze nya mihwambi yanu.

Amosi 6:4

Enu mu lalago malawuni nya gugirwe khu magwaha nya ndzofu, mu dzi ghwimba umo nya masofa yaye, mu hodzani sinvutana nya tshambi ni simombyana nya gunone sa mavbandroni,

Amosi 6:5

mu embelela khu wutsendze nya hwambi mu dzi girela siwombawomba nya wutsendze nga Dhavhidhe.

Amosi 6:8

Pfhumu Nungungulu, mune nya satshavbo, sambanyide khu hefemulo waye! Pfhumu Nungungulu nya Tshivba Yatshavbo a ngu ganela kharati, khuye: Nyi ngu swireka khu matshandza ya Jakobe, nyi ngu nyenya dzinyumba dzawe nya wufumu; nyi na ningela lidhoropa ni satshavbo si guromo umo.

Amosi 8:10

Nyi na vbindrugedza mibuzo yanu yi khala gililo, ni dzindzimo dzanu dzi khala dzihuwa, musiwununi gwanu, mwatshavbo mu na hunga myendra nya silendra, mihungoni gwanu mwatshavbo mu na vbaludwa makhwalu. Litshigu lolo, li na khala na liri la gililo nya gufanane ni wule a nga fedwa khu gyanana gya gimwegyo, mahegiso gwaye nga litshigu nya wuvi.

Nahume 3:3

Vakhileli nya dzikavalu, va gu khusedza matshari ni sighalala nya gukhedzige, va sasela gidzemo, gu mbambamela sirumbi nya singi; sirumbi nyamba valedwa; vathu va gu tshunganiswa khu sirumbi,

Sofoniya 1:7

Degulani mu khala khu githawo mbeli ga Pfhumu Nungungulu, kholu litshigu la Pfhumu Nungungulu lomo vbafuvbi ni gu vboha, Pfhumu Nungungulu dongisede miphaso, agiside avo a va ranidego.