Amosi 8:2 - Bhibhiliya Nya Guage

² A di nyi wudzisa, khuye: “Amosi, ginani u gi wonago?” Eni nyi di mu hakha, kheni: “Nya gu wona gitundru nya mihandro nya guvidzwe.” Khavbo avbo, Pfhumu Nungungulu a di nyi embela, khuye: Ma vbohide mahegiso ya vathu vangu va na Israyeli; gukhugela olu guya mbeli, gima kha nyi na va tsetsa gambe.

Amosi 8:2 Iomraidhean Croise

Genesi 6:13

Nungungulu a di embela Nowa, khuye: “Nyi fungide gu vbedza vathu vatshavbo, kholu litigo li tade khu guvivba khu kotani yawe. Nyi na va mbembisa gumogo ni mafu.”

Isaya 28:4

Genge nya guwune nya wumburi waye, egi gi guromo vbatshani nya kova wu nonidego, olu gya gu fanana ni genge nya guwune. Gi na fanana ni dzikhindru dzi vidzidwego dzi si guvbohedwi khu gikhati, vavbindri nya ndzila va gu dzi wona, va gu dzi hava va hodza.

Jeremiya 40:10

Aholu, eni nyi na khala avba Misipa, gasi gu landrisa milayo nyi na gu rumedwago khu Vakalidhiya. Enu mu na henga vbinyu ni mihandro nya guvidzwe ni mafura mu ya si vegani sisangalani nya madhoropa mu khalago umo.”

Jeremiya 5:31

Vaprofeti va di profeta malipha, ni vaphasi nya mhamba va di fuma khu gugola gwawe; gambe khiso si vbwetwago khu vathu vangu. Khu guralo, mu na rini litshigu gu na vbohago mahegiso nya silo sesi?

Gililo 4:18

Valala va gu demba ni migondro yathu gasi hi tandrega gu gimbila dzindzilani. Matshigu yathu, ma ngu hidzimela kholu, guvbanya gwathu gu ngu vboha mahegiso. Qof

Ezekiyeli 12:23

Va embele, khuwe: Mune Pfhumu Nungungulu a ngu ganela kharati, khuye: Nyi na vbedza mavingu yoyo, kha ma na ganedwa gambe tigoni ga Israyeli. U va embela gambe, khuwe: Gu ngu vboha matshigu siwoniso satshavbo si na giregago.

Ezekiyeli 29:8

Khu guralo, Mune Pfhumu Nungungulu, a ngu ganela kharati, khuye: Wona nya gukhuwe, nyi na gu resela dzinyimbi dzi ta mbembisa vathu ni sirengo sago.

Ezekiyeli 3:10

A engedza gambe, khuye: Mwamana wa muthu, yingisa gwadi u vegedza monyoni gwago magana yatshavbo nyi na gu embelago.

Ezekiyeli 3:7

Aholu va na Israyeli kha va na nga gu yingisa, kholu avo kha va dzini gu nyi yingisa; kholu vathu vatshavbo va Israyeli, va bangide mihungo ni guvivbedwa khu myonyo.

Ezekiyeli 7:6

Gu vbohide mahegiso! Mahegiso guvbohide, ma gu wugede; wona gukhuwe gu nguta.

Ezekiyeli 8:12

Pfhumu Nungungulu a di nyi embela, khuye: “Mwamana wa muthu, u si wone iso madhota ya Israyeli ma girago mugidemani, moyo ni moyo na guromo nyumbani gwaye nya gulovetedwe khu sifananiso, gani? Na va gu ganela, khavo: Pfhumu Nungungulu kha hi woni; Uye dugide tigoni momu.”

Ezekiyeli 8:17

Khavbo avbo, uye a di nyi embela, khuye: “Mwamana wa muthu, u si wone isoso, gani? Ina silo nya nga isoso, si vbevbugide ga va na Judha gu gira silo nya manyala nya nga esi, gani? Khandri va gu nyi gorosa? Wona! Avo va gu hidzimisa litamo vbafuvbi ni dzithonvu dzawe!

Ezekiyeli 8:6

Uye a di nyi embela, khuye: “Mwamana wa muthu, u ngu si wona esi va girago, gani? Mithumo nya gunyenyeze ya na Israyeli, silo si na gu nyi dzegago si nyi yisa hwindzo ni Wulanga wangu nya Guage, gani? Aholu uwe u na wona silo nya gunyenyeze ngudzu guvbindra esi.”

Hoseya 9:7

Ma vbohide matshigu nya tsayiso, mayo ni moyo a na hakhago tshatshazelo yaye. Israyeli gu vbwetega a mati. Khu kotani nya sighoho nya singi, ni livengo lanu nya lingi, mwari khenu, muprofeti handrugide, gipumbu, a na ni liphuvbo nya guvbe. Khu kotani nya sighoho sago nya singi, uwe Israyeli ni gu engedzelana nya livengo lago.

Amosi 7:8

Pfhumu Nungungulu a di nyi wudzisa, khuye: “Amosi, ginani u gi wonago?” Eni nyi di mu hakha, kheni: “Ngodzi nya pimo.” Khavbo avbo, Pfhumu a di nyi embela, khuye: “Wona nya gukhuwe nyi na pima vathu vangu va na Israyeli khu ngodzi nya pimo; gima kha nyi na nga va tsetselela gambe.

Amosi 8:1

Pfhumu Nungungulu a di nyi yeyedza esi, khuye: “Wona avba gitundru gi gu ni mihandro nya guvidzwe.”

Mikeya 7:1

Libango langu! Kholu nya gu fanana ni gikhati nya guvbwerwe mihandro nya nango nya maronga; gu mwalo ni gitsatsa gimwegyo gi tshadego nya dziuvha nya guhodze, ambari ndzawa nya guvidzwe nyi yi golago ngudzu.

Zakariya 5:2

Ngilozi yi nga bani yi ganela ni eni, yi di nyi wudzisa, khiyo: “Ginani u gi wonago?” Eni nyi di yi hakha, kheni: Nya gu wona libhuku li vbuvbago; li gu ni magumavili mikono gulapha gwaye, ni likhumi mikono guanama.