Amosi 8:14 - Bhibhiliya Nya Guage

¹⁴ Vale va sambanyago khu nungungulu nya malipha wa Samariya, va ganela, khavo: “Hi ngu sambanya khu nungungulu wago, uwe Dhani; ni avo va gukhavo: Hi ngu sambanya khu ndzila yiyago Bherisebha! Vanungungulu wowo va na thega, nyamba wuga gambe.”

Amosi 8:14 Iomraidhean Croise

1 Dzipfhumu 12:32

A gira buzo khu litshigu nya likhumi na livbandre khu ngima nya livbandre na wuraru, nya gufanane ni buzo wu nga bani wu girwago tigoni ga Judha, a ningela miphaso vbagiluvelotunu. A di gira isoso tigoni ga Bheteli, avbo a nga phaselago simombyana a nga bani na si giride. A emisa gambe vaphasi nya mhamba umo nya siluvelo saye nya vanungungulu nya malipha.

1 Dzipfhumu 14:16

Israyeli a na ningedwa khu kotani nya sighoho si nga girwago khu Jerobhowamo, esi a nga gira a ghohisa khiso va na Israyeli.”

1 Dzipfhumu 16:24

A di renga gigomo gya Samariya ga Semeri khu dzitaleta dzimbili nya parata. A di vbaha lidhoropa mugigomoni momo, a li rana khuye Samariya, khu kotani nya lina la Semeri, a nga bani ari mune nya gigomo gyogyo.

2 Dzipfhumu 10:29

Ambari khu guralo, Jewu kha nga hambana ni sighoho sa Jerobhowamo, mwamana wa Nebhati, uye a nga ghohisa va na Israyeli, khu gu wumba simombyana nya ndralama, si nga bani siri Bheteli ni Dhani.

2 Dzikoronika 36:16

Aholu avo va di vala sirumwa sa Nungungulu, va si khathali khu mahungu yaye, va poyila vaprofeti vaye, gukala likhulo laye li khondrela ngudzu vathu vaye, gu hamugega ni rendre nya guvavbulugise khuwo.

Dzindzimo 140:10

Magala nya gungangamele, ma na thegele vbatshani gwawe; va na rinywe niloni ni phalani nya guete nyamba duga gambe.

Dzindzimo 36:12

Va thegide vbavbatshi avo va girago guvivba; va thegede muphelo nyamba kodza gu wuga gambe.

Mavingu 24:16

kholu muthu nya gululame, ambari a thega livbandre na dzimbili dzinyondro, uye a na wuga, aholu vathu nya guvivbedwe khu monyo, litshigu nya mhango, va na thegela muphelo.

Mavingu 29:1

Uye a kanyisago mwendro gumba dzumela gululekwa, a na mbembiswa na si pimi gilo, a na hamuga ni uye nya gu mu wuse.

Isaya 24:20

Mafu ma na khuyuga ma dhedhereka kha nga muthu nya guleve, ma na kutsungega gu fanana ni mwendra nya gu vhikele dzitshuna; ma na lemedwa khu sighoho saye, ma na thega nyamba kodza gu wuga gambe.

Isaya 43:17

Uye a nga yisago umo dzikareta ni dzikavalu ni masotshwa gumogo ni dzindrena, va mbembide gumogo umomo, gima kha va na wuga gambe; va mbembide va tshimega kha nga litirisida.

Jeremiya 25:27

Pfhumu Nungungulu nya Tshivba Yatshavbo, Nungungulu wa Israyeli, a ngu ganela kharati, khuye: “U na va embela, khuwe: Selani mu leva, mu gosa; thegani mu si wugi gambe, khu kotani nya dzinyimbi nyi na gu dzi rumelago vbakari gwanu.

Jeremiya 51:64

u ganela, khuwe: A na rikiswe kharati Bhabhiloni, a si wonegi gambe khu kotani nya libango nyi na gu mu rumelago. Avo va na thega.” Ma gu hegisa avba magana ya Jeremiya.

Hoseya 10:5

Vathu va vbanyago Samariya va na thuswa khu githombe nya gimombyana gya Bheti-Avheni, kholu vathu vaye, va na lila khu kotani yaye, gumogo gambe ni tsawa waye nya vaphaseli nya sifananiso va nga bani va tsaka khu wudhumo waye, kholu thomba yawe yi dusidwego, vbakari gwawe.

Hoseya 13:16

Vathu va Samariya va na rwala nandru wawe, kholu va wugedego Nungungulu wawe. Avo va na songwa khu matshari, sanana sawe si na pfareledwa, ni vagadzi vawe va gu ni dzimimba va na pferuledwa sirumbu khu vbakari.

Hoseya 13:2

Olu, va gu engedzela gu andrisa sighoho; khu parata yawe, va gu gira sifananiso nya gupfhudwe, sifananiso nya guwumbwe khu mapimo nya wugengeli, a gu thumo nya mandza ya vameseri, va bwelo khavbo va ganela, khavo: Va gireleni miphaso. Vathu va ninga dzibesu sifananiso nya simombyana.

Hoseya 4:15

Uwe Israyeli, wa guvbweta gu gira wuphuphulu, u nga rwegi nandru va na Judha! Mu ngati Giligali, ambari gu gwelani muya Bheti-Avheni, na mu gu sambanya, khenu: Hi ngu sambanya khu Pfhumu Nungungulu a vbanyago.

Amosi 5:1

Yingisani magana yaya nya gililo, enu nyumba ya Israyeli.

Amosi 5:2

Likendzi la Israyeli li thegide, gima kha li na wuga gambe; li di labalaba mafuni, mwalo ni moyo nya gu li wuse.

Amosi 5:5

Aholu mu nga vbwetini Bheteli, ambari guyani Giligali, ni guvbindra muya Bherisebha, kholu Giligali, a na sasedwa a yiswa wugumbini, Bheteli a na pfhungumudwa a si khali gambe gilo.

Mikeya 1:5

Satshavbo si na girega khu kotani nya guyeyise ga Jakobe ni sighoho sa nyumba ya Israyeli, khu gevbini gighoho gya Jakobe? Ina khandri Samariya? Khu wevbini wulanga nya miphaso nya vanungungulu nya malipha va Judha? Khandri Jerusalema, gani?

Sofoniya 1:5

Nyi na fuvisa ni avo va litago vbatshani nya dzilangwe, vaya khidzima gasi gu khozela sivangwa sa damboni; ni vale va nogago va sambanya khu lina la Pfhumu Nungungulu, aholu na va gu sambanya gambe khu lina la Malikani

Mithumo 18:25

A di hevbudza guti ndzila ya Pfhumu, ambari ulo a nga bani a guti basi gubhapatisa ga Johane, a di tshumayela ni gu hevbudza khu nongameto satshavbo esi si ganelago khu mahungu ya Jesu.

Mithumo 19:23

Khu gikhati gyogyo, gu di manega litunga nya likhongolo dhoropani ga Efeso khu kotani nya Ndzila yeyi nya yiphya.

Mithumo 19:9

Ambari ulo, vambe va nya gubanga mihungo ni gumba khodwa va di phela gu dzuwungela Ndzila ya Pfhumu vbakari nya mwandra. Pawulo a di va diga a dzega vapizane khu phuvbo. Matshigu yatshavbo a di gu tshangana a bhula navo nyumbani nya guhevbule ya Tiranu.

Mithumo 24:14

Ambari ulo, nyi ngu dzumela gukheni ha gu khedza khu Ndzila va yi ranago avo khavo tsawa, eni nya gu khozela Nungungulu wa vababe vangu, nyi khodwa ga satshavbo esi si yelanago ni Nayo, nesi si nga lowa khu vaprofeti.

Mithumo 9:2

aya mu lomba malangalila nya guhongole khayo dzinyumbani nya nombelo dzi guromo dhoropani ga Dhamasiko. A gimbila a molela vakhodwa nya vama ni vanyamayi va landrago ndzila yeyi a va hunga dzitshinga a va resa Jerusalema.

Dhewuteronome 33:11

Kategisa tshivba yaye, Uwe Pfhumu Nungungulu dzumela gu hakha thumo nya mandza yaye, pila hwambo wa valala vaye, ni wa avo va mu vengago, gasi va si mu wugeli gambe.

Dhewuteronome 9:21

Khu guralo nyi di dzega gighoho gyanu, a gu gimombyana mu nga bani mu giride, nyi gi vbisa niloni, nyi gi phwatisela, nyi gi kuya gwadi, kala gi khala wuguvbi; wuguvbi wakone nyi di wu rinya gitsongwanani gi nga bani gi relela khu gigomotunu.