Amosi 8:12 - Bhibhiliya Nya Guage

¹² Va na legalega khu linene vaya ga limbe linene, gukhugela Wuronga kala Khugadambo; va na gimbila maphuvbo yatshavbo, na va guvbweta mahungu ya Pfhumu Nungungulu, aholu kha va na ma mana.

Amosi 8:12 Iomraidhean Croise

Mavingu 1:28

Khu guralo, mu na nyi rana, aholu kha nyi na mi hakha, mu na nyi vbweta, aholu kha mu na nyi mana.

Mavingu 14:6

Mutseketseli a gu vbweta guti, aholu kha gu mani; gasi muthu nya mapimo, a gu gu mana khu guvbevbuga.

Mavingu 29:18

Avbo gu gu mwalo gutuledwa ga Nungungulu, gu mwalo Nayo, aholu kategide uye a sayisago Nayo.

Ezekiyeli 20:3

Mwamana wa muthu, ganela ni va na Israyeli u va embela kharati, khuwe: Mune Pfhumu Nungungulu, a ngu ganela kharati, khuye: Enu mu dzude mu ta nyi wudzisa iso nyi si golago, gani? Nyi ngu sambanya khu guvbanya gwangu kheni, kha nyi na mi dzumedzisa guta nyi wudzisani. A ngu ganela Mune Pfhumu Nungungulu.

Ezekiyeli 20:31

Gikhati mu ningelago miningelo yanu, ni miphaso nya guvbise niloni sanana sanu, ina khandri mwa gu simama gu dzi nyenyezisa khu sifananiso sanu satshavbo, kala muhuno, gani? Ina eni nyi na mi dzumedzisa enu va na Israyeli, gukheni nyi wudziseni, gani? Nyi ngu sambanya khu guvbanya gwangu, gukheni: Kha nyi na mi diga mu nyi wudzisa, a ngu ganela Mune Pfhumu Nungungulu.

Dhaniyeli 12:4

Aholu uwe Dhaniyeli sega mahungu yaya u ma lema libhukuni kala gikhati nya mahegiso. Nya vangi va na dzundrulugela eno ni eno, va vbweta guti nya guete.

Hoseya 5:6

Va na hongola gumogo ni mitshambi yawe, ni dzimombe dzawe nya migadzi, gasi guya vbweta Pfhumu Nungungulu, aholu kha va na mu mana. Kholu uye hambanide navo.

Matewu 12:30

Uye a si emigo ni eni a ngu nyi wugela; uye a si hengeligo ni eni a ngu phalalegisa.

1 Samuweli 3:1

Lidzaha Samuweli a di gu thumela Pfhumu Nungungulu na gu thangedwa khu Eli. Gikhatini gyogyo, Pfhumu Nungungulu a di gu kala gu ganela, ni siwoniso niso si di si tali gu wonega.