Amosi 7:9 - Bhibhiliya Nya Guage

⁹ Malangani nya sigomo nya miphaso ya Isaki, ma na vbindrugedza ma khala marumbi, ni malangani nya miphaso ya Israyeli ma na khungumudwa; nyi na wugela nyumba ya Jerobhowamo khu matshari.”

Amosi 7:9 Iomraidhean Croise

Genesi 46:1

Israyeli a di donga silo saye satshavbo a gu khuga a hongola, a vboha Bherisebha, aya paya avbo sirengo nya guphasele Nungungulu wa babe waye Isaki.

2 Dzipfhumu 14:24

A di thuma mithumo nya guvivbe mahoni ga Pfhumu Nungungulu, gima kha nga hambana gilo ni sighoho sa Jerobhowamo, mwamana wa Nebhati, a nga gira a ghohisa va na Israyeli.

Isaya 63:18

Khu gikhati gidugwana, vathu vago nya gukatege va dzegide litigo va li fumela; valala vathu va gandredzede nyumba yago nya guage.

Jeremiya 51:51

Ganelani, khenu: Hi tade khu dzitshoni kholu va hi poyide; va fenengedzide dzikhovbe dzathu khu dzitshoni, kholu va nya mayigo va bede nyumbani nya guage Nyumba nya miphaso ya Pfhumu Nungungulu.

Ezekiyeli 6:3

u va embela, khuwe: Enu sigomo sa Israyeli, upwani magana ya Pfhumu Nungungulu, a ngu ganela kharati ga enu sigomo, sigomwana, mitsongo ni mikova, khuye: Nyi womo vbafuvbi ni gu resa dzinyimbi dzi ta mi saselago; nyi na khungumula siluvelo sa vanungungulu vanu nya malipha.

Hoseya 10:8

Malangani nya gukhugege ya Bheti-Avheni, a gu tsindza nya giwono gya Israyeli, gu na pfhungumudwa; miba ni sirangalabwa, si buga vbatshani nya siluvelo sawe. Khavbo avbo, va na embela sigomo, khavo: “Hi fenengedzeni!” Ga sigomwana, khavo: “Hi futeleni!”

Amosi 3:14

Khu litshigu nyi natago nyita tsayisa Israyeli khu kotani nya sighoho saye, nyi na khungumula siluvelo sa Bheteli ni dzikeho nya siluvelo dzi na pidwa dzi thega vbavbatshi.

Amosi 5:5

Aholu mu nga vbwetini Bheteli, ambari guyani Giligali, ni guvbindra muya Bherisebha, kholu Giligali, a na sasedwa a yiswa wugumbini, Bheteli a na pfhungumudwa a si khali gambe gilo.

Amosi 7:11

Kholu Amosi a gu ganela kharati, khuye: Jerobhowamo a na songwa khu litshari, Israyeli a na vbagedwa a yiswa wugumbitunu, vbavbandze nya litigo laye nya mavelego.

Amosi 7:13

Aholu, omu tigoni ga Bheteli, gukhugela olu guya mbeli, khu na nga profeta gambe, kholu, wulanga nya guage wa mufumeli ni nyumba nya miphaso nya mufumo.

Amosi 8:14

Vale va sambanyago khu nungungulu nya malipha wa Samariya, va ganela, khavo: “Hi ngu sambanya khu nungungulu wago, uwe Dhani; ni avo va gukhavo: Hi ngu sambanya khu ndzila yiyago Bherisebha! Vanungungulu wowo va na thega, nyamba wuga gambe.”

Amosi 9:1

Nyi di wona Pfhumu na emide vbafuvbi ni giluvelo, a nyi embela, khuye: “Veta mihungo nya madingo, gasi gu ndrendremedzisa mihasimo. U yi pandrelela yi khala sipandre si thegela vbatshani nya mihungo ya vathu vatshavbo va guromo umo; nyi na va songa khu litshari, kala nyi vboha ga uye nya mahegiso wawe. Mwalo ni moyo wawe a na tutumago, ambari gu vbuluga.

Mikeya 1:5

Satshavbo si na girega khu kotani nya guyeyise ga Jakobe ni sighoho sa nyumba ya Israyeli, khu gevbini gighoho gya Jakobe? Ina khandri Samariya? Khu wevbini wulanga nya miphaso nya vanungungulu nya malipha va Judha? Khandri Jerusalema, gani?