Amosi 7:2 - Bhibhiliya Nya Guage

² Avbo mbasa yi nga bani yi vbedzide gu hodza mwasi watshavbo wa tigoni, nyi di ganela, kheni: “Pfhumu Nungungulu, va tsetselele!” A na ema kharini Jakobe, olu a ngari dugwana?

Amosi 7:2 Iomraidhean Croise

Dzindzimo 12:1

Nyi vbanyise Pfhumu Nungungulu, kholu, vathu nya gululame va vbede, gutumbega gu mwalo gambe vbakari nya vathu.

Ekisodha 10:15

Mbasa yi di fenengedza mafu yatshavbo ma vbindrugedza ma sivbala hayo phum. Yi di hodza mwasi watshavbo wa tigoni ni mihandro yatshavbo nya misimbo yi nga tshidwago khu maralala. Kha gwa tshala ni lihagane nya gunagane misimboni, mwendro mwasi tigoni gwatshavbo ga Egipito.

Ekisodha 34:9

a ganela, khuye: “Olu, nya gu bani nyi mane makategwa mbeli gwago, Pfhumu, gira wuhindzi U gimbila vbakari gwathu; kholu khu lisine, ava vathu nya gubange mihungo. Aholu, hi tsetselele guvivba gwathu ni sighoho sathu, U hi hakhe hi khala thomba yago.”

Isaya 37:4

Mwendro saye Pfhumu Nungungulu wago, a ma pwide magana ya Rabhisaki, a rumedwego khu mune waye, mufumeli wa Asiriya, guta vala Nungungulu a vbanyago, a gu dzina saye Pfhumu Nungungulu wago, a na mu tsayisa khu magana a ma pwidego; khu guralo, olu lombelela ga Nungungulu wago khu mitshaledwa ya vathu vaye.

Isaya 51:19

Ga dzimhango dzedzi dza dzimbili dzi gu dugeledego; khu mani a gu bavbudego marongo? Gupfhungumudwa, gumbembiswa, ndzala ni gusasedwa! Khu mani mutangadzisi wago?

Jeremiya 14:7

Ambari hi konwago khu sighoho sathu, kholu milandru yathu mingi ngudzu; kholu hi gu ghohedego, ambari khu guralo, Pfhumu Nungungulu, hi phase khu lihaladzo nya lina lago.

Jeremiya 42:2

va di embela muprofeti Jeremiya, khavo: “Upwa gulila gwathu, u hi lombelela ga Pfhumu Nungungulu wago, khu vathu vatshavbo vava va tshadego kholu, kha nga u dzitigo, hi diri vangi, aholu hi tshade na hiri vadugwana, kha nga u si wonago;

Ezekiyeli 11:13

Gikhati eni nyi nga bani nyi profeta, Pelatiya, mwamana wa Bhenaya, a difa. Khavbo avbo, nyi di khidzima nyi kuha mafu khu khovbe, nyi lila khu lito nya gukhugege, kheni: “Ah! Mune Pfhumu Nungungulu! Ina u na mbembisa mitshaledwa yatshavbo ya Israyeli, gani?”

Ezekiyeli 9:8

Gikhati va nga bani va gu songetela vathu, eni nyi di tshala nyenga. Nyi thega khu khovbe vbavbatshi, nyi lila, nyi ganela, kheni: “Uwe! Mune Pfhumu Nungungulu! Ina wa guvbweta gu guhula likhulo lago vbatshani ga Jerusalema, u vbedzisa mitshaledwa ya Israyeli, gani?”

Dhaniyeli 9:19

Uwe Pfhumu, yingisa! Pfhumu, divalela! Pfhumu, hi hakhe; thuma u nga hweli! Khu kotani nya lihaladzo lago, uwe Nungungulu wangu, u nga hweli; kholu lidhoropa lago ni vathu vago va gu ranwa khu lina lago.

Joyele 2:17

Va na lile vaphasi nya mhamba, va thumelago Pfhumu Nungungulu, va na lile vbakari nya mwanya nya Nyumba ya Nungungulu ni giluvelo, va lombelela khavo: Uwe Pfhumu Nungungulu tsetsa vathu vago, u nga ningeli thomba yago yi khala gihegiso, va nya mayigo va gira guhaladza khiyo; kholu mambe mafumbu ma nga ganela khayo: Womo hayini Nungungulu wawe?

Amosi 4:9

Nyi vetide marembwe yanu nya mangi khu nilo ni gipupwane, ni marembwe yanu nya miuvha, miguhu ni miolivha yanu, satshavbo si hodzidwe khu mbasa, ambari khu guralo, enu kha mwa vbindrugedza mu wuya avbo gwangu, a ngu ganela Pfhumu Nungungulu.

Amosi 7:5

Khavbo avbo, nyi di ganela, kheni: Pfhumu Nungungulu gira wuhindzi olu u eme: A na khuga kharini Jakobe? Olu uye a ngarigu gyanana.

Zakariya 4:10

Khu mani a kanyisago litshigu nya silo nya sidugwana? Vatshavbo va na kulungela gikhati va na wonago giwindri giri mandzani ga Zorobhabheli.”

Gutuledwa 9:4

Yi di leletedwa gumba sasela mwasi nya guvbanye wa khabini, mwendro sisimbwana satshavbo ni misimbo nya yikhongolo. Aholu, yi rumedwe basi gu sasela vathu vale va nga bani va sa vegwa gifungo gya Nungungulu vbagiwombotunu.