Amosi 7:17 - Bhibhiliya Nya Guage

¹⁷ Khu guralo, Pfhumu Nungungulu a ngu gu embela, khuye: Mwangadzi wago a na gira wubhayi dhoropani, sanana sago nya sikhwathana niso nya sagadzyana, si na songwa khu matshari, litigo lago li na kabaniswa khu ngodzi, uwe u naya fela tigoni nya mahedheni, Israyeli a na vbagedwa a yiswa wugumbitunu, hwindzo ni litigo laye.”

Amosi 7:17 Iomraidhean Croise

2 Dzipfhumu 17:6

Khu mwaga nya livbandre na wu na nya gufume ga Ozeya, mufumeli wa Asiriya a di dhumela Samariya, a vbagela va na Israyeli a va yisa Asiriya; aya va vega va khala Hala ni Habhori, vbafuvbi ni tsongo wa Gozani ni madhoropani ya Medhi.

Dzindzimo 78:55

A di tutumisa vavbanyi va mayigoni mule na va gu si wona, mayigo yawe a ma kabanisela mahundzu ya Israyeli.

Isaya 13:16

Sanana sawe sa beleni si na pfareledwa mbeli gwawe, dzindranga dzawe dzi na phangwa, vagadzi vawe, va na pfinywa va sagaredwa.

Isaya 22:18

A na gu dzuwulugisela nga puri, a gu dzudzuga mafuni nya guaname, u na ya fela iyoyo gumogo ni dzikareta dzago nya wuzundzo dzi na ya vbelela nidzo iyoyo, uwe u na thela dzitshoni mune wago!”

Jeremiya 14:16

Ni vathu va dzi girelago wuprofeti, va na mbambamela mudzindzilani dza Jerusalema, khu kotani nya gu songwe khu ndzala ni matshari; kha va na dzingwa khu muthu, avo gumogo ni vagadzi vawe, sanana sawe nya sikhwathana nesi nya sagadzyana; nyi na va fenengedza khu libango va li wusidego vabune.

Jeremiya 20:6

Aholu, uwe Pasuri, gumogo ni ngamo yago, mu na vbagedwa mu yiswa wugumbini Bhabhiloni; u na yafa u dzingwa iyoyo uwe gumogo ni dzipari dzago dzatshavbo u giridego nadzo wuprofeti nya malipha.

Jeremiya 28:12

Hwane nya gu bani muprofeti Hananiya na fanyide kanga wa thamoni ga Jeremiya, Pfhumu Nungungulu a di ganela ni Jeremiya, khuye:

Jeremiya 28:16

Khu guralo, Pfhumu Nungungulu a ngu ganela kharati, khuye: Wona nya gukhuwe Eni nyi na gu dusa mafuni, u nafa ndrani nya mwaga yoyu, kholu u profetide malipha u wugela Pfhumu Nungungulu.”

Jeremiya 29:21

Pfhumu Nungungulu nya Tshivba Yatshavbo, Nungungulu wa Israyeli, a ngu ganela kharati khu kotani ya Akabi, mwamana wa Kolaya, ni Zedhekiya, mwamana wa Maseya, khuye: Vathu vovo va dzi girago vaprofeti va ganela malipha khu lina langu; nyi na va ningela mandzani ga Nabhukodhonosori, mufumeli wa Bhabhiloni, a va songa na mu gu va wona.

Jeremiya 29:25

Pfhumu nya Tshivba Yatshavbo, Nungungulu wa Israyeli, a ngu ganela kharati, khuye: Kha nga olu u rumedego lidangalila khu lina lago, ga vathu vatshavbo va guromo Jerusalema, ni ga Sofoniya, mwamana wa muphasi nya mhamba Maseya, ni ga vatshavbo vaphasi nya mhamba, khuwe:

Gililo 5:11

Va pfinyide vanyamayi va Siyoni, ni vanyamahegyane va Judha.

Ezekiyeli 4:13

Pfhumu Nungungulu a di engedza a ganela, khuye: “Va na Israyeli va na hodza kharati gibaba gi nyenyezidego vbakari nya mayigo nyi na gu va phalalegiselago umo.”

Hoseya 9:3

Kha va na simama gu khala tigoni ga Pfhumu Nungungulu, aholu Efrayimi a na bwelela tigoni ga Egipito, va naya hodza guhodza nya gunyenyeze tigoni ga Asiriya.

Amosi 6:7

Khu guralo, mu na thangiswa mbeli ga avo va yiswago wugumbitunu; gu vbela ni mibuzo ya avo va nga bani va dzipwa na va tangade.

Amosi 7:11

Kholu Amosi a gu ganela kharati, khuye: Jerobhowamo a na songwa khu litshari, Israyeli a na vbagedwa a yiswa wugumbitunu, vbavbandze nya litigo laye nya mavelego.

Amosi 8:1

Pfhumu Nungungulu a di nyi yeyedza esi, khuye: “Wona avba gitundru gi gu ni mihandro nya guvidzwe.”

Amosi 9:1

Nyi di wona Pfhumu na emide vbafuvbi ni giluvelo, a nyi embela, khuye: “Veta mihungo nya madingo, gasi gu ndrendremedzisa mihasimo. U yi pandrelela yi khala sipandre si thegela vbatshani nya mihungo ya vathu vatshavbo va guromo umo; nyi na va songa khu litshari, kala nyi vboha ga uye nya mahegiso wawe. Mwalo ni moyo wawe a na tutumago, ambari gu vbuluga.

Amosi 9:8

Wonani nya gukhenu maho ya Pfhumu Nungungulu, ma ngu wugela mufumo yoyu nya gighohi. Nyi na wu mbembisa wu fuva mafuni; aholu kha nyi na mbembisa muphelo livelego la Jakobe,” a ngu ganela Pfhumu Nungungulu.

Mikeya 1:16

Vbalulani ndzudzu hungoni, mu lila sanana sanu mu si golago; vbalulani mihungo yanu yi fanana ni uwo nya lighama, kholu sanana sanu si dzegidwe si yiswa wugumbini.

Zakariya 14:2

Kholu nyi na tombanisa mayigo yatshavbo ma ta hengela gu dwanisa Jerusalema; lidhoropa li na wandrwa, dzinyumba dzi na pfhungumuledwa, vanyamayi va na pfinywa, gipandre nya vathu va dhoropani va na vbagedwa va yiswa wugumbini, aholu avo va na tshalago kha va na tutumiswa dhoropani.