Amosi 7:16 - Bhibhiliya Nya Guage

¹⁶ Gasi olu yingisa magana ya Pfhumu Nungungulu. Uwe wari, khuwe: Nyi nga profeti gambe ga va na Israyeli, ambari gu ganela ga livelego la Isaki

Amosi 7:16 Iomraidhean Croise

1 Dzipfhumu 13:1

Khu guruma ga Pfhumu Nungungulu, gu dita muthu wa Nungungulu khu Judha aya Bheteli, gikhati Jerobhowamo a nga bani nari vbagiluvelotunu gasi gu vbisa libani.

1 Dzipfhumu 22:19

Mikeya a di engedza a ganela, khuye: “Yingisa magana ya Pfhumu Nungungulu: Nyi wonide Pfhumu Nungungulu na khade vbagikhalotunu gwaye nya wufumu, na randredwe khu nyamudye ni nyambade khu sikwata nya sivangwa sa ndzadzini.

2 Dzipfhumu 14:24

A di thuma mithumo nya guvivbe mahoni ga Pfhumu Nungungulu, gima kha nga hambana gilo ni sighoho sa Jerobhowamo, mwamana wa Nebhati, a nga gira a ghohisa va na Israyeli.

Isaya 30:10

Avo va gu embela vama nya liwoni va tugulago misihalo, khavo: “Mu nga woni gambe siwoniso!” Va embela vaprofeti, khavo: Mu nga hi gireli siphrofeto nya lisine! Aholu hi embeleni iso si na gu hi tsakisago, profetani milotelote;

Ezekiyeli 13:2

“Mwamana wa muthu, profeta u embela vaprofeti va Israyeli va profetago olu. Embela vale va profetago khu gu si khugela, khuwe: Yingisani mahungu ya Pfhumu Nungungulu!”

Ezekiyeli 16:35

Khu guralo, uwe gibhayi wewe, yingisa magana ya Pfhumu Nungungulu!

Ezekiyeli 20:46

Mwamana wa muthu, thendregedza u khedza phuvbo ga Marandzi; ganela magana yago u embela va Marandzi, u embela gambe ni likhabi la Marandzi.

Ezekiyeli 21:2

“Mwamana wa muthu, thendregedza u khedza Jerusalema, u ganela khu malanga nya miphaso. U profeta khu litigo la Israyeli.”

Amosi 2:12

Aholu enu mu ningide vbinyu vanaziri va sela vaprofeti mu va rumani, khenu: “Mu nga profeti.”

Amosi 7:13

Aholu, omu tigoni ga Bheteli, gukhugela olu guya mbeli, khu na nga profeta gambe, kholu, wulanga nya guage wa mufumeli ni nyumba nya miphaso nya mufumo.

Mikeya 2:6

Vaprofeti va di ganela, khavo: “Mu nga profeti;” avo va profetago, va nga profeti khu magirelo yoyo, kholu hi nga thegedwa khu libango.

Dhewuteronome 32:2

Gihevbudzo gyangu gi na dote kha nga ndzadzi, lito langu li naganisa kha nga thondrwane, kha nga humguva vbatshani nya mwasi, kha nga madona nya mati mwasini.

1 Samuweli 15:16

Khavbo avbo, Samuweli a di mu embela, khuye: “Nga degula, upwa iso nyi nga embedwa khu Pfhumu Nungungulu wutshigu wowu.” Sawule a di mu phindrula, khuye: “Ganela.”