Amosi 7:12 - Bhibhiliya Nya Guage

¹² Khu guralo, Amaziya, a di embela Amosi, khuye: Uwe muwoni nya misihalo! Khuga avba, kha nyi gu vbweti! Thavela tigoni gwa Judha; umo u na guya manago guhodza u naya gira iyoyo wuprofeti wago.

Amosi 7:12 Iomraidhean Croise

2 Dzikoronika 16:10

Khavbo avbo, Asa a di tala khu likhulo a wugela muwoni nya siwoniso, a mu dzega a mu tela pasoni; kholu uye a di goroswa ngudzu khuye; khu gikhati gyogyo gya gimwegyo, Asa a di tshanisa gambe ni vambe vathu.”

Isaya 30:10

Avo va gu embela vama nya liwoni va tugulago misihalo, khavo: “Mu nga woni gambe siwoniso!” Va embela vaprofeti, khavo: Mu nga hi gireli siphrofeto nya lisine! Aholu hi embeleni iso si na gu hi tsakisago, profetani milotelote;

Isaya 56:11

Dzimbwa dzedzi makhondrobwa, kha dzi khuri; vahavisi nyamba pimisa gilo; muthu ni muthu a gu bwelela khu ndzila yaye, a dzi vbwetela iso si na gu mu ningago bhindzu.

Ezekiyeli 13:19

Enu mu nyi ghohede vbakari ga vathu vangu, mu girela gu mana dzitshotanyana nya sivbila ni sipandryana nya gibaba, gasi gu songani mihefemulo yi ngamba yela gu songwa, mu vegedza mihefemulo yi gu mwalo fanelo nya guvbanye, mu liphela kharati vathu vangu va yingisa malipha yanu.”

Amosi 2:12

Aholu enu mu ningide vbinyu vanaziri va sela vaprofeti mu va rumani, khenu: “Mu nga profeti.”

Amosi 7:11

Kholu Amosi a gu ganela kharati, khuye: Jerobhowamo a na songwa khu litshari, Israyeli a na vbagedwa a yiswa wugumbitunu, vbavbandze nya litigo laye nya mavelego.

Malakiya 1:10

Khu mani vbakari gwanu a na segago malimba nya Nyumba ya Nungungulu gasi gu si khondriswi gambe nilo nyambana fanelo vbagiluvelotunu gwangu? Kholu enu kha mu nyi salalegisi gambe, kha nyi na hakha gambe miphaselo yanu. A ngu ganela Pfhumu Nungungulu nya Tshivba Yatshavbo.

Matewu 8:34

Vathu vatshavbo va dhoropani va di yela Jesu gasi guya mu lomba gukhavo a khuge tigoni gwawe.

Luka 13:31

Gikhati gyogyo, va di vboha Vafarisi va ngata mu embela, khavo: “Khuga avba, kholu Herodhi a gu vbweta gu gu songa.”

Mithumo 16:39

Va di ta va lomba divalelo, va duga navo vbavbandze, va gu va khongotela gu duga khu dhoropani.

Varoma 16:18

kholu vathu nya nga avovo kha va thumeli Kristo, Pfhumu yathu, aholu va gu thumela sirumbu sawe. Va gu pfhadza vathu nya vangi khu magana yawe nya gulombele na ma tade khu wuhephi.

1 Vakorinto 2:14

Oyu a tumbago wugengeli waye, kha dzumeli gu hakha mahungu a tiviswago khu Liphuvbo la Nungungulu, a gu mapwa kha nga silo nya wupumbu. Kha dzi kodzi gu si pima, kholu mwalo a si pimago a gumba wenengedzwa khu Liphuvbo.

1 Pedro 5:2

Havisani gwadi tshambi wa Nungungulu wu guromo vbakari gwanu; wu sayiseni na mu tshulegide myonyo kha nga idzo a dzinago khidzo Nungungulu; nasiri khu gugurumedzwa. Mu nga thumeli gu hakha dzitsapawu. Aholu thumani khu gudzina gwanu.

1 Samuweli 2:36

Avo va na tshalago va ndrangani gwago, va na khidzima mbeli gwaye, gasi va mane gingerengere nya parata mwendro gipandre nya gibaba, va mu embela, khavo: Hi ngu gu lomba, hi dzumedzise hi khala vaphasi nya mhamba gasi hi kodza gu mana gilogyo nya guhodze.”

1 Samuweli 9:9

Matshiguni ya gale, tigoni ga Israyeli, wule aya wudzisago ga Nungungulu, a di gu olovela gu ganela, khuye: “Hongole hiya wonana ni mwama nya liwoni kholu vaprofeti va muhuno gale va di ranwa vama nya liwoni.”