Amosi 6:8 - Bhibhiliya Nya Guage

⁸ Pfhumu Nungungulu, mune nya satshavbo, sambanyide khu hefemulo waye! Pfhumu Nungungulu nya Tshivba Yatshavbo a ngu ganela kharati, khuye: Nyi ngu swireka khu matshandza ya Jakobe, nyi ngu nyenya dzinyumba dzawe nya wufumu; nyi na ningela lidhoropa ni satshavbo si guromo umo.

Amosi 6:8 Iomraidhean Croise

Genesi 22:16

khiyo: “Nyi ngu sambanya khu lina langu furi gu ganela Pfhumu gukheni, olu u giridego kharati, u si feleli gu nyi ninga mwanago, gyanana gyago nya gimwegyo basi,

Dzindzimo 106:40

Likhulo la Pfhumu Nungungulu li di khondra ga vathu vaye, a va tsukula, vathu va gu thomba yaye.

Dzindzimo 47:4

A ngu hi hathela thomba yathu, wuzundzo wa Jakobe, gigodwa gyaye.

Dzindzimo 50:12

Nari pwani nya gupwa ndzala, khandruwe nyi nga hadza gu gu embela, kholu litigo ni satshavbo si guromo umo khyangu.

Dzindzimo 78:59

Nungungulu, na wone esi, a di goroga, a pfhurarela muphelo va na Israyeli.

Mavingu 8:13

Uye a thavago Pfhumu Nungungulu, a gu nyenya silo nya guvivbe; nyi ngu nyenyana ni matshandza, gu dzi khusedza, dzindzila nya guwegele, ni magana nya gunyenyeze.

Isaya 28:1

Libango ga Samariya, gihugu nya matshandza nya sidhakwa sa Efrayimi! Lidhoropa li vbahidwego vbatshani nya kova nya gunone, wumburi nya wuzundzo waye wa gu fanana ni genge nya wumburi nya guwune gi vegidwego hungoni nya vathu va levidego.

Jeremiya 12:8

Vathu nya thomba yangu, va di nyi wugela va khala kha nga nghala ya khabini; va khuside lito va nyi bhongela; khu kota nya isoso, nyi di va gorogela.

Jeremiya 22:14

A ganela, khuye: “Nyi na dzi vbahela nyumba nya yikhongolo yi gu ni mihubhe!” A yi thela sihogo nya sikhongolo, a yi ambagisa khu mapulango nya sedhari, ni gu yi pendra khu tita nya gufuvile.

Jeremiya 22:5

Aholu, mwa gumba yingisa magana yaya, Eni Pfhumu Nungungulu, nyi ngu sambanya khu lina langu gukheni, ndranga yeyi yi na vbindrugedza yi khala marumbi.

Jeremiya 44:26

Ambari khu guralo, enu mwatshavbo Vajudha mu khalago tigoni ga Egipito, yingisani magana ya Pfhumu Nungungulu a gukhuye: Wonani nya gukhenu Eni, nyi ngu sambanya khu lina langu nya likhongolo, a ngu ganela Pfhumu Nungungulu khuye, tigoni gwatshavbo ga Egipito, gima kha na manega ni moyo nya Mujudha a na gu sambanyago gambe khu lina langu, khuye: Khu lina la Pfhumu Nungungulu a vbanyago.

Jeremiya 49:13

Kholu, eni mune kamwe nyi sambanyide khu lina langu, a ngu ganela Pfhumu Nungungulu, Lidhoropa la Bhozira, li na vbindrugedza li khala gilo nya guthise, li na khala marumbi ni gihegiso, vbakari nya vathu vatshavbo, ni madhoropa yaye yatshavbo ma na khala nari marumbi kala gupindruga.

Jeremiya 51:14

Pfhumu Nungungulu nya Tshivba Yatshavbo, sambanyide khu wurumba waye kamwe, khuye: “Nyi na rumela vathu nya gutale, nya gufanane ni mwamba nya dzimbera, va nata womba mikulungwane nya gu ghiye khu gu gupala.”

Gililo 2:5

Pfhumu a vbindrugedzide a khala nala, a mbembisa Israyeli, a pfhungumula ni gu khungumula dzinyumba dzaye dzatshavbo nya wufumu ni makhokhola yaye yatshavbo, a andrisa wuvi ni gililo ga nyamahegyane wa Judha. Vau

Ezekiyeli 24:21

Embela vathu va Israyeli, khuwe: Mune Pfhumu Nungungulu a ngu ganela kharati, khuye: Nyi womo vbafuvbi ni gu nyenyezisa nyumba yangu nya miphaso, likhokhola mu dzi khusedzago khilo, li tsakisago maho yanu, gilo gi tangadzisago myonyo yanu. Sanana sanu nya sikhwathana nesi nya sagadzyana mu si tshidego iyoyo, si na songetedwa khu matshari.

Hoseya 11:6

Madhoropa yawe ma na sasedwa khu matshari, va fanyeledzela migonyo nya malimba yawe nya dzisimbi, va sasedwa khu kota nya makungo va ma giridego vabune.

Levhi 26:11

Nyi na vbaha nyumba yangu nya guage vbakari gwanu, hefemulo wangu kha wu na hambana nanu.

Levhi 26:30

Nyi na khungumulela malanga yanu nya sigomo, nyi pandrelela siluvelo sanu, nyi wungeledzela sirumbi sanu vbatshani nya sirumbi sa vanungungulu vanu nya sifananiso; hefemulo wangu, wu na goroga khu enu.

Amosi 3:10

Kholu avo kha va kodzi gu gimbila khu gululama, a ngu ganela Pfhumu Nungungulu, va gu wungedzela dzinyumbani gwawe nya wufumu esi va nga phangago khu wurena ni dzihanyi.

Amosi 3:11

Khu guralo, Pfhumu Nungungulu, a ngu ganela kharati, khuye: “Nala a na dugelela, a ta randrela litigo lago, a na khungumula likhokhola lago, a phanga dzinyumbani gwago nya wufumu.”

Amosi 4:2

Pfhumu Nungungulu sambanyide khu guaga gwaye, khuye: Ma nata matshigu vbakari gwanu, ma na ta mi ndrindrago khu silowo, ni situgulwana niso si na ndrindrwa khu silowo.

Amosi 5:21

Nyi ngu vengana ni gu nyenya mibuzo yanu, ni mitshangano yanu nya mikhuwo, gima kha yi nyi tsakisi.

Amosi 8:3

Aholu dzindzimo dza Nyumbani ga Nungungulu, khu litshigu lolo, dzi na vbindrugedza dzi khala gililo, a ngu ganela Pfhumu Nungungulu; malangani gwatshavbo gu na tala khu sirumbi nya vathu, si na dzudzugwa vbavbandze na va degude.

Amosi 8:7

Pfhumu Nungungulu a di sambanya khu matshandza ya Jakobe, khuye: “Eni gima kha nyi na divaledwa khu mithumo yaye yatshavbo a giridego!”

Zakariya 11:8

Khu ngima moyo basi nyi tutumiside vahavisi vararu, kholu hefemulo wangu wu di garade khu dzinvuta dzangu, idzo nidzo dzi di swihala khu eni.

Dhewuteronome 32:19

Pfhumu Nungungulu a si wonide a gu goroga, a mu diga, na gu goroswa khu sanana sawe nya sikhwathana niso nya sagadzyana.