Amosi 6:6 - Bhibhiliya Nya Guage

⁶ Enu mu selago vbinyu khu mikanvu, mu tola mafura nya lisima, gambe kha mu khathali khu gumbembiswa ga Josefa.

Amosi 6:6 Iomraidhean Croise

Genesi 49:22

Josefa litamo nya mihandro, litamo nya mihandro vbafuvbi ni nambo, matamo yaye ma gu tutuma khu vbatshani nya libhiyo.

2 Dzipfhumu 15:29

Matshiguni ya Peka, mufumeli wa Israyeli, a dita Tigalati-Pileseri, mufumeli wa Asiriya, ata wandra Iyoni ni Abheli-Bheti-Mahaka, Janowa, ni Kedhesi, Hazori, Gileyadhi ni Galileya, ni litigo latshavbo la Nafitali, a vbagela vavbanyi vaye a va yisa Asiriya.

Isaya 28:1

Libango ga Samariya, gihugu nya matshandza nya sidhakwa sa Efrayimi! Lidhoropa li vbahidwego vbatshani nya kova nya gunone, wumburi nya wuzundzo waye wa gu fanana ni genge nya wumburi nya guwune gi vegidwego hungoni nya vathu va levidego.

Isaya 5:12

Mibuzoni gwawe, va gu sela wadwa na va gu womba sitendre, sitoliyo, singomana ni dzitsholi, aholu kha va theli kota khu sigiro sa Pfhumu Nungungulu, ambari gu wona mithumo ya mandza yaye.

Jeremiya 30:7

Yowe! Litshigu lile li thiside ngudzu, li mwalo limbe nya gufanane nalo! Gu na bani nari gikhati nya gutshaniseke ga Jakobe; ambari khu kharalo, uye a na vbuluga ga ilo.

Ezekiyeli 9:4

A di mu embela, khuye: “Gimbila-gimbila dhoropani ga Jerusalema, u vega gifungo giwomboni ga vale va lilago ni gudilela khu kotani nya guvivbe gwatshavbo gu girwago umomo.”

Hoseya 3:1

Pfhumu Nungungulu a di nyi embela, khuye: Indra gambe uya haladzana ni nyamayi moyo a haladzwago khu pari yago, ambari olu a gu gibhayi. Mu haladze nga idzo Pfhumu a golago khidzo sanana sa Israyeli, ambari ulo avo va mu pfhuraredego va gola vambe vanungungulu ni gu tsakela sibwandzalati nya dziuvha.

Amosi 2:8

Va gu lala bambe nya giluvelo ni giluvelo vbatshani guambala va wandredego va nya mangava navo. Nyumbani gwa vanungungulu vawe, va gu sela vbinyu ya vale va livbisidwego khu mangava.

Amosi 4:1

Nga yingisani mahungu yaya, enu dzimombenu nya migadzi dza Bhasani, mu khadego gigomoni gya Samariya, mu tshanisago sisiwana ni gu khozisa avo va hamugago, mu embela vamune vawe, khenu: Resani wadwa, hi sele.

Johane 12:3

Khavbo avbo, Mariya, a di dzega gigasi nya mafura nya gunungele ngudzu, ayo ma nga bani ma gu rengwa khu dzitsapawu nya dzingi, a todza migondro ya Jesu, bwelo khavbo a yi bavbulela khu ndzudzu waye; nyumbani gwatshavbo gu di nungela mafura yale.

Varoma 12:15

Nengelani ni vale va nengelago, mu lila ni vale va lilago.

1 Vakorinto 12:26

Gya gu saniseka givbango gimwegyo, satshavbo sa gu saniseka gumogo nagyo; gya gu zundzwa givbango gimwegyo, satshavbo sa gu nengela gumogo nagyo.

1 Thimoti 5:23

U nga seli mati basi, sela gambe vbinyu vbadugwana, khu kotani nya ndrani gwago, ni madwali yago nyamba kala.