Amosi 6:3 - Bhibhiliya Nya Guage

³ Enu mu pimisago gukhenu mwa gu ndreya ga litshigu nya guvivbe, gasi mwa gu hidzimela vbafuvbi ni wulanga nya tshanisa.

Amosi 6:3 Iomraidhean Croise

Dzindzimo 94:20

Ina Uwe u ngu dzi kodza gu khala pari ya valamuli nya guvivbe, gani? Kholu avo va gu dzega guwegela va gu gira nayo.

Muhevbudzi 8:11

Kholu gulamudwa ga va nya guvivba kha gu vbiredzi gu vboha, khu kharalo, myonyo ya vathu ya gu dogorela silo nyamba sadi.

Isaya 47:7

U di ganela, khuwe: “Eni nyi na khala pfhumugadzi mafuni gwatshavbo kala gupindruga! Kala olu u di si pimisi gwadi silo sesi monyoni gwago, ambari gu dundruga mahegiso ga iso.”

Isaya 56:12

Na va gu ganela, khavo: “Deluni, hi na resa wadwa nya guvave hi ta sela, litshigu la mindru li na fanana ni muhuno, li manega nari litshigu nya likhongolo guvbindra mambe.”

Gililo 4:5

Avo va nga bani va hodza mafura, va gu thega dzindzilani khu ndzala. Avo va nga dandriswa khu dzingandzu nya siwunguwungu, olu va gu galagasela matalani. Vau

Ezekiyeli 12:22

“Mwamana wa muthu, mavingu muni enu mu gu nawo tigoni ga Israyeli nya gukhenu: Matshigu ma ngu vbindra, ni siwoniso va hi wonisago, kha si phasi gilo?

Ezekiyeli 12:27

Mwamana wa muthu, va na Israyeli va gu ganela, khavo: Giwoniso va gi wonago kha gi na girega nugunugu, gi na girega khu hwane nya myaga yi nga gutago.

Ezekiyeli 23:42

Khavbo gwaye gu di pwala lito nya vathu nya vangi na va tsakide; gwaye gu di ta tombana vama nya gukari nya guleve na va guta khu giwulani, va ta ambagisa maniya mawogoni ga vanyamayi ni gu va ambagisa sihugu nya lisima hungoni.

Amosi 3:10

Kholu avo kha va kodzi gu gimbila khu gululama, a ngu ganela Pfhumu Nungungulu, va gu wungedzela dzinyumbani gwawe nya wufumu esi va nga phangago khu wurena ni dzihanyi.

Amosi 3:9

Pwadzani esi umo nya dzinyumba nya wufumu dza Asidhodhi ni dzinyumba nya wufumu dza tigoni ga Egipito, mu va embela, khenu: Tombanani musigomoni sa Samariya, mu wona pfilupfilu nya yikhongolo yi guromo umomo, ni wughevenga yi guromo mabhiyoni gwaye.

Amosi 5:12

Kholu nyi ngu guti guvivba gwanu gukheni gungi, ni sihoso sanu si tade; enu mwa gu tshanisa muthu nya gululame, mu dzumela gu rengeledwa, mu hembulula vahamugi miphathani.

Amosi 5:18

Libango ga vale va vbwetago gu wona litshigu la Pfhumu Nungungulu! Mwa gu li vbwetela ginani gu li wonani litshigu leli la Pfhumu Nungungulu? A na bani nari litshigu nya gidema, nyambana wenengedzo.

Amosi 6:12

Ina dzikavalu dzi ngu kodza gu tutuma musiwindrini, mwendro gulima khu dzimombe, gani? Khu ginani mu vbindrugedzago gululama gu khala nyongwa, ni handro nya gululame, wu khala wuhungu.

Amosi 9:10

Sighohi satshavbo si guromo vbakari ga vathu vangu, si na songwa khu matshari, vatshavbo va ganelago, khavo: Gima kha hi na thegedwa khu libango ambari guvbohedwa khilo.

Mikeya 6:12

Kholu sitetema si vbanyago vbakari gwanu si tade khu dzihanyi; ni vathu vawe va gu ganela malipha; ni malimi yawe khya wudambane.

Matewu 24:48

Aholu, githumi gile gya gu bani giri ni monyo nya guvivbe, gi pimisa monyoni gwaye, kharati: ‘Pfhumu yangu yi ngu hwela,’

1 Vatesalonika 5:3

Gikhati vathu va ganelago, khavo: “Litigo li lade, gu mwalo gilo,” khavbo avbo gu natago, khu gipitipiti, gumbemba vbatshani gwawe. Va na khala nga nyamayi nya mimba gikhati a lumwago, kha va na vbuluga.

2 Pedro 3:4

khavo: “Uye tumbiside gukhuye a na wuya, khandridzo, womo hayi olu? Vababe vathu va fude, satshavbo si ngari idzosaye gukhugela guvangwa nya mafu.”

Gutuledwa 18:17

Vagimbidzisi nya mataro ni vatshavbo va gimbilago khayo, vamarinyero ni vatshavbo vathu va manago guvbanya khu gu thumela phwani, va di ema khu hwindzo,