Amosi 6:2 - Bhibhiliya Nya Guage

² Vbindrani khu dhoropani ga Kaline, mu li wona; khu vbale indrani kala Hamati nya gukhongolo; mu relela kala Gati, nya Vafilisitiya. Ina madhoropa yaya ma mburide guvbindra mifumo yanu, gani? Mwendro litigo lawe likhongolo guvbindra lanu, gani?

Amosi 6:2 Iomraidhean Croise

Genesi 10:10

Phede khu gu fumela madhoropa yaya: Bhabheli, Ereki, Akade ni Kaline yatshavbo ya gipandrengulu gya Sinari.

2 Samuweli 8:9

Avbo Toyi, mufumeli wa Hamati, a nga pwago gupwani Dhavhidhe sasede dzinyimbi dzatshavbo dza Hadhadhezeri,

1 Dzipfhumu 8:65

Khu gikhati gya gimwegyo, Solomoni a di gira buzo, ni vatshavbo va na Israyeli; ni tshangano nya khongolo wu nga bani wu dugela mivbinganoni ga Lebho-Hamati, wuya kala tsongoni wa Egipito. Va di wu gira mbeli ga Pfhumu Nungungulu wathu, livbandre na mavili matshigu, a engedzela gambe mambe livbandre na mavili matshigu, ma khala likhumi na mana matshigu.

2 Dzipfhumu 17:24

Mufumeli wa Asiriya a di resa vathu va Bhabhiloni, va Kuta, va Avha, va Hamati ni va Sefarivhayimi vata khala madhoropani ya Samariya, vbawulangani gwa va na Israyeli, va dzega Samariya a khala thomba yawe, va khala madhoropani gakone.

2 Dzipfhumu 17:30

Avo va Bhabhiloni, va di gira Sukoti-Bhenoti; avo va Kuta, va di gira limwedo la Nerigali; avo va Hamati, va di gira limwedo la Asima;

2 Dzipfhumu 18:34

Vomo hayi vanungungulu va Hamati, ni va Aripadhe? Vomo hayi vanungungulu va Sefarivhayimi, va Hena ni va Ivha? Ina va tshudziside Samariya mandzani gwangu, gani?

2 Dzipfhumu 19:13

Womo hayi mufumeli wa Hamati, wa Aripadhi ni mufumeli nya lidhoropa la Sefarivhayimi, la Hena ni la Avha?

2 Dzikoronika 26:6

Avbo a nga khuga aya dwana ni Vafilisitiya, a di ya khungumula likhokhola la Gati ni likhokhola la Jabini, ni likhokhola la Asidhodhi; khavbo avbo, a di vbaha madhoropa tigoni ga Asidhodhi ni ga Vafilisitiya.

Jeremiya 49:23

Mayelano khu Dhamasiko. Hamati ni Aripadhi va thedwe dzitshoni, kholu va pwide magana nya guvivbe, myonyo yawe yi tade khu rerema, ya gu vila kha nga mavimbi ya linene, nyamba rudziswa khu muthu.

Nahume 3:8

Ina uwe u ngu vbindra No-Amomi, oyu a vbahidwego vbakari nya tsongo wa Nilo, a randredwego khu mati? A bhiyidwego khu linene, mati ma khala laba laye, gani?

1 Samuweli 17:23

Avbo a nga bani a bhula navo, Gholiya, mudwani nya nyimbi ya Vafilisitiya va Gati, a di thanga aya yuyuta kha nga matshigu; Dhavhidhe a di mupwa.

1 Samuweli 17:4

Mudwani moyo nya nyimbi a ranwago pwani khu Gholiya, a nga bani ari wa lihundzu la Gati, a dita khu lizumbotunu la Vafilisitiya, a diri mwama nya gulaphe nya guvbwete gu enedza mikono miraru.

1 Samuweli 5:10

Khavbo avbo, va di rumela Ngasa ya Nungungulu tigoni ga Ekroni. Khu guralo, gu di girega gu, na yi vbohide tigoni mule, vathu va Ekroni va di samala va ganela, khavo: “Va di resa eno gwathu Ngasa ya Nungungulu wa Israyeli, gasi guta songa ethu gumogo ni va na gyathu.”

1 Samuweli 5:8

Khavbo avbo, va di rumela myango guya ramba manganagana yatshavbo nya Vafilisitiya, va ma wudzisa, khavo: “Hi na gira ginani khu Ngasa ya Nungungulu wa Israyeli?” Avo va di hakha, khavo: “Yi na dzegwe Ngasa ya Nungungulu wa Israyeli, yi yiswa Gati.” Va di rwala Ngasa ya Nungungulu wa Israyeli, va vbindra khu lidhoropa ni lidhoropa, kala va yi vbohisa Gati.