Amosi 6:13 - Bhibhiliya Nya Guage

¹³ Enu mu tsakelago iso nyamba phasa gilo, mu ganela, khenu: Ina khandri tshivba yathu hi nga pala khiyo, gani?

Amosi 6:13 Iomraidhean Croise

2 Dzipfhumu 13:25

Jeyowasi, mwamana wa Jeyowakazi, a di nyaluphye a dzega mandzani ga Bheni-Hadhadhi, madhoropa ma nga bani ma wandridwe ga babe waye Jeyowakazi khu litunga. Jeyowasi a di mu pala nyondro tharu, a bwelo khavbo a wandra madhoropa ya na Israyeli.

2 Dzipfhumu 14:25

Uye nuye a di wusedza mivbingano ya Israyeli, gukhugela nyangwani nya ndzila nya guhongole dhoropani ga Hamati, kala phwani ga Arabha, kha nga idzo Pfhumu Nungungulu wa Israyeli a nga bani a ganede khidzo khu magana ya githumi gyaye Jona, mwamana wa muprofeti Amitayi, givelegwa gya Gati-Heteri.

Joba 31:25

mwendro gu dzi khusedza khu gutala nya thomba yangu, nyi nengela khu satshavbo nyi giridego khu mandza yangu;

Joba 31:29

Nya gu bani nyi nengede khu gu wona nala wangu na gu thegedwa khu libango, mwendro nyi ghiya khu gu uye na dugeledwe khu sigaradzo;

Joba 8:14

Gitumbo gyawe gya gu vbiredza guvbindra, ni giseketelo gyawe gya gu fanana ni wupe nya gitoli.

Joba 8:15

A di khighela vbandzaritunu nya nyumba yaye, aholu iyo kha ya nga ema, a yi pharedzela, aholu iyo kha ya nga ema yi tiya.

Dzindzimo 2:2

Vafumeli nya litigo va wugide, manganagana ma ngu gira gikungo ma wugela Pfhumu Nungungulu ni gihathwa gyaye, khavo:

Dzindzimo 75:4

Nya gu embela vale va dzi khusedzago, kheni: Mu nga dzi khusedzi; ni va nya guvivbedwa khu monyo, kheni: Mu nga tumbi tshivba yanu.

Dzindzimo 75:5

Mu nga dzi zundzi khu tshivba yanu, mu nga ganeli khu matshandza.

Muhevbudzi 11:9

Lidzaha, dzi tsakise khu wudzaha wago, u tsakisa monyo wago matshigu nya wudzaha wago; gimbila khu ndzila yi godwago khu monyo wago, ni gu gola nya maho yago; aholu dziti nya gukhuwe Nungungulu a na gu lamula khu satshavbo soso.

Isaya 7:1

Khu matshiguni ya Akazi, mwamana wa Jotamo, mwamana wa Uziya, mufumeli wa Judha. Rezimi, mufumeli wa Siriya, ni Peka, mwamana wa Remaliya, mufumeli wa Israyeli, va di gwela Jerusalema guya li dhumela. Aholu va diya tandrega gu li wandra.

Isaya 7:4

u naya mu embela, khuwe: Dzi wonele, rula! U nga thavi ambari gu vbela tshivba khu kotani nya sihalyana sivili si tuvigago wutshi; khu kotani nya likhulo la Rezimi gumogo ni la Siriya, ni la mwamana wa Remaliya.

Isaya 8:6

“Kha nga olu vathu vava va yeyisidego mati ya Silowe, ma gogago gwadi khu gutenga, va tsakiswa khu Rezimi ni mwamana wa Remaliya,

Jeremiya 50:11

Ambari mwa gu tsakani, mu ghiya enu mu phangago thomba yangu mu ndragandraga kha nga gimombyana gi tsakelago mwasi nya gunyuge, mu emba kha nga dzikavalu nya tshivba.

Jeremiya 9:23

Pfhumu Nungungulu a ngu ganela kharati, khuye: “Gigengeli gi nga dzi zundzi khu gugengela gwaye, ni wule a gu ndrena a nga dzi zundzi khu wundrena waye, ambari oyu a fumidego a nga dzi zundzi khu gufuma gwaye;

Ezekiyeli 29:3

U va embela, khuwe: Mune Pfhumu Nungungulu, a ngu ganela kharati, khuye: “Nyi na gu wugela uwe Faro, mufumeli wa Egipito, uwe ngona nya yikhongolo, u ladego vbakari nya mitsongo yago, na wu gu ganela, khuwe: Tsongo wa Nilo khwangu; kheni nyi wu giridego gasi wu khale wangu kamwe.”

Ezekiyeli 29:9

Litigo la Egipito li na khungumudwa li khala giwula; khavbo va na dzitigo gukhavo Eni kheni Pfhumu Nungungulu.

Dhaniyeli 4:27

mufumeli a di ganela, khuye: “Khandrilo eli lidhoropa nya likhongolo la Bhabhiloni nyi li vbahidego khu tshivba yangu gu khala tsindza nya gu dhumiswe wugulu wangu gani?”

Dhaniyeli 4:30

Khu gikhati gyogyo, gu di tadzisega magana ga Nabhukodhonosori, a di lundrwa vbakari nya vathu a ya hodza mwasi nga dzimombe ni gu naganiswa khu hunguva ya ndzadzini, kala ndzudzu waye wu dandra nga mitenga nya lighama, samba saye si lapha, si fanana ni sa sinyoni.

Jona 4:6

Khavbo avbo, Pfhumu Nungungulu a di bugisa tshafura nya gulaphe wu vega mahagane vbatshani ga Jona, wu gira mutsa vbatshani nya hungo waye, wu mu tshula guvbisegani gwaye. Jona a di tsaka ngudzu khu khungu wowo.

Sofoniya 3:11

Litshigu lolo, uwe khu na ngapwa gambe dzitshoni khu sigiro u nyi giredego, kholu nyi na fuvisa vbakari gwago, vatshavbo va nya matshandza ni gu dzi khusedza, uwe gima khu na dzi gugumugisa gambe mugigomoni gwangu nya Gukatege.

Zakariya 1:19

Khavbo avbo, nyi di wudzisa ngilozi yi nga bani na yi ganela ni eni, kheni: “Dza gu tshamusela ginani dzikheho dzedzi?” Ngilozi yi di nyi hakha, khiyo: “Dzikheho dzile, khu dzitshivba dzi nga phalalegisago Judha, Israyeli ni Jerusalema.”

Johane 16:20

Khu lisine, nyi ngu mi embelani, kheni: Mu na lila ni gusaniseka, aholu litigo li na tsaka. Gani olu gusaniseka gwanu gu na vbindrugedza gu khala litsako.

Jakobe 4:16

Aholu, enu mu va nya matshandza, mu vbanyago khu gu dzi khusedza, kharato, khandri gwadi.

Gutuledwa 11:10

Vathu va tigoni va na nengedziswa khu gufa nya dzifakazi dzedzi dza dzimbili. Va na ghiya bwelo khavbo va rumelana siningwa nya malosedzela, kholu vaprofeti vava va vavili va di gu va pwisisa wuvi.

Valamuli 9:27

Va di duga va hongola mahangeni gwawe vaya havela dziuvha, va dzi gamela va gira wadwa; va di gira mibuzo nya gunengele. Va bela nyumbani ga nungungulu wawe, va hodza, va sela, va hembulula Abhimeleki.

1 Samuweli 4:5

Avbo Ngasa nya gidzumeledzwano ya Pfhumu Nungungulu yi nga vbohago vbalizumbotunu, vatshavbo va na Israyeli va di womba mikulungwane nya yikhongolo khu litsako, gu nga ndrendremelago ni mafu.