Amosi 5:6 - Bhibhiliya Nya Guage

⁶ Vbwetani Pfhumu Nungungulu, mu na vbanya; gasi a si thegeli ga nyumba ya Josefe kha nga nilo, a yi mbembisa, gu si manegi dhoropani ga Bheteli muthu nya gu wu tshime.

Amosi 5:6 Iomraidhean Croise

2 Samuweli 19:20

Kholu eni githumi gyago nyi ngu pima gighoho gyangu; khu guralo, kheni nya guphele ga nyumbani ga Josefe, nyi dzudego guta khinga mufumeli ni mune wangu.”

1 Dzipfhumu 11:28

Jerobhowamo, a diri mwama nya tshivba, nya ndrena, Solomoni na wone nya gukhuye lidzaha lile li ngu dzi garadza khu tshivba, a di mu vega gu khala muthangeli nya vathumegeli vatshavbo va nyumbani ga Josefe.

2 Dzikoronika 34:25

Kha nga olu avo va nyi digidego, vaya vbisela libani vambe vanungungulu nya malipha, va wusa likhulo langu khu mithumo yatshavbo ya mandzani gwawe; khu guralo, likhulo langu li khondride ga wulanga wowu, gambe gima kha li na tshimega.

Dzindzimo 27:8

Monyo wangu wu ngu nyi embela, khuwo: “Vbweta khovbe yaye.” Khu guralo, nyi na vbweta khovbe yago Pfhumu Nungungulu.

Dzindzimo 69:33

kholu Pfhumu Nungungulu a ngu yingisa dzikhulungu kha divali vale va tshaniswago mapasoni.

Ekisodha 22:6

Muthu a gu rotha nilo a vbisa likhabi, luvbya li thapela li ya vbisa dzimbewu thembweni ga vane, oyu a nga vbisa luvbya fanede gu livba satshavbo si ghohekidego khu kotani nya luvbya.

Isaya 1:31

Muthu nya tshivba a na fanana ni mavivi, ni thumo waye, wu na khala kha nga tshahe nya nilo; vatshavbo va na vbiswa gumogo va hamuga ni muthu nya gu va tshimele.

Isaya 55:3

Neredzani dzindzeve mute eno gwangu; nyi yingiseni gasi mihefemulo yanu yi mana guvbanya; kholu nyi na hunga nanu gidzumeledzwano nya gupindruge, nyi mi ninga wuhigo nya gusimame owu nyi tumbisidego Dhavhidhe.

Isaya 55:6

Vbwetani Pfhumu Nungungulu, na gu nga gu dzumela gu mu mana; mu raneni olu a guromo vbafuvbi.

Jeremiya 38:20

Jeremiya a di hakha, khuye: Khu na ningedwa mandzani ga vathu vovo; yingisa magana ya Pfhumu Nungungulu nyi gu embedego; gimwalo gi na gu gu dugelelago ni gu gambe, u na vbanyisa womi wago.

Jeremiya 4:4

Khalani vathu va hanidego wugwera mahoni gwa Pfhumu Nungungulu, dusani guvivba gwa myonyoni gwanu enu vathu va Judha ni enu vavbanyi va Jerusalema, gasi mu sivbyi khu nilo nya likhulo langu, nyamba manega ni moyo nya gu wu tshime, khu kotani nya mithumo yanu nya guvivbe.

Jeremiya 7:20

Khu guralo, Pfhumu Nungungulu a ngu ganela kharati, khuye: “Wonani nya gukhenu giviti ni likhulo langu, si na vbalagela wulanga wowu, vbatshani nya vathu, vbatshani nya sirengo, vbatshani nya misimbo ya khabini ni mihandro ya mafuni; li na khondra nyamba tshimega gambe.”

Ezekiyeli 21:3

U va embela, khuwe: Pfhumu Nungungulu a ngu ganela kharati, khuye: Wona gukhuwe nyi na gu wugela. Nyi na homola litshari langu nyi mbembisa vbakari gwago uye nya gululame ni uye nya guvivbedwe khu monyo.

Ezekiyeli 33:11

Va embele, khuwe: Mune Pfhumu Nungungulu, a ngu sambanya khuye, kha nyi tsakiswi khu gufa ga muthu nya guvivbedwe khu monyo, aholu nya gu tsakiswa khu gu muthu nya guvivbedwe khu monyo a ndreye ndzilani gwaye nya guwegele a kodza guvbanya, vbindrugedzani, vbindrugedzani dzindzilani gwanu nya guwegele; khu ginani vathu vago va na fago, uwe litigo la Israyeli?

Ezekiyeli 37:19

Uwe u na va hakha, khuwe: Mune Pfhumu Nungungulu, a ngu ganela kharati, khuye: Nyi na dzega gipandre nya ndronga ya Josefa, yi nga bani yi romo mandzani ga Efrayimi, ni ga mahundzu ya Israyeli, vabangaladzi vaye, nyi yi pata ga gipandre gya Judha, khu iso nyi na gira gipandre gimwegyo basi, si na khala gimwegyo basi mandzani gwangu.

Amosi 3:14

Khu litshigu nyi natago nyita tsayisa Israyeli khu kotani nya sighoho saye, nyi na khungumula siluvelo sa Bheteli ni dzikeho nya siluvelo dzi na pidwa dzi thega vbavbatshi.

Amosi 5:14

Vbwetani ugo gu gu gwadi nasiri ugo nya guvivbe, gasi mu kodze guvbanya; khu kharato, Pfhumu Nungungulu nya Tshivba Yatshavbo, a na bani nari nanu, kha nga guganela gwanu.

Amosi 5:4

Kholu Pfhumu Nungungulu a ngu ganela kharati ga nyumba ya Israyeli, khuye: Nyi vbweteni gasi mu mane guvbanya!

Amosi 6:6

Enu mu selago vbinyu khu mikanvu, mu tola mafura nya lisima, gambe kha mu khathali khu gumbembiswa ga Josefa.

Sofoniya 2:3

Vbwetani Pfhumu Nungungulu, enu mwatshavbo, va nya gurula va mafuni, enu mu landrisago milayo yaye. Zamani guvbweta gululama, dzi nogiseni mbeli gwaye, a gu dzina saye mu na mana wuthavelo litshigu nya likhulo la Pfhumu Nungungulu.

Zakariya 10:6

Nyi na ninga tshivba nyumba ya Judha, nyi wuya nyi vbanyisa nyumba ya Josefa, eni nyi na va wuyisa nyaluphye, kholu nyi ngu va pwela wusiwana. Va na gira gukhwatshi gima kha nya nga va diga, kholu eni kheni Pfhumu Nungungulu wawe, nyi na va ninga phindrulo.

Dhewuteronome 32:22

Kholu wu khondride nilo nya likhulo langu, wu dzura kala phalani nya guete nya vafi; wu vbisa mafu gumogo ni mihandro yaye, wu na nyiviligisa matshina nya sigomo.

Dhewuteronome 4:24

Kholu Pfhumu Nungungulu wago, nilo wu dagaredzisago, Nungungulu nya wufu.

Josuwa 18:5

Mu na li kabanisa khu livbandre na sivili sipandre: Judha a na khala tigoni gwaye khu phuvbo ga Marandzi, gasi nyumba ya Josefe, yi na khala tigoni gwaye khu phuvbo ga Wuronga.