Amosi 5:5 - Bhibhiliya Nya Guage

⁵ Aholu mu nga vbwetini Bheteli, ambari guyani Giligali, ni guvbindra muya Bherisebha, kholu Giligali, a na sasedwa a yiswa wugumbini, Bheteli a na pfhungumudwa a si khali gambe gilo.

Amosi 5:5 Iomraidhean Croise

Genesi 21:31

Khu kota nya isoso, wulanga wule wu di ranwa gupwani Bherisebha, kholu vbale, va vavili va di girelana gisambanyo.

Genesi 21:33

Abrahama a di yala ngindru Bherisebha, a rana avbo Pfhumu Nungungulu nya Gupindruge.

Genesi 26:23

Khu vbale, a di gwela Bherisebha.

Genesi 26:33

A di rana nambo yoyo khu lina nya gupwani Sebha. Khu guralo kala na muhuno olu, lidhoropa lakone la gu ranwa pwani Bherisebha.

1 Dzipfhumu 12:28

Hwane nya gu bani a dzi wudziside, mufumeli a di gira simombyana sivili nya ndralama; a embela vathu, khuye: “Enu mu ngu garala khu gu gwela Jerusalema, kha mu va woni ava vanungungulu vanu, enu va na Israyeli, va nga mi dusani khu tigoni ga Egipito.”

1 Dzipfhumu 12:29

A di vega gimombyana gimwegyo Bheteli, gimbe aya gi vega Dhani.

2 Dzipfhumu 23:8

A di rana vaphasi vatshavbo nya mhamba va dhoropani gwa Judha a nyenyezisa malangani gwatshavbo nya gukhugege, umo vaphasi nya mhamba va nga bani va vbisela umo libani, gukhugela Gebha kala Bherisebha; a khungumula malanga nya gukhugege nya dzinyangwa ma guromo ndzilani nya nyangwa ya Josuwa, muthangeli nya lidhoropa, li nga bani li khade khu phuvbo ga nyambade nya nyangwa nya gubele dhoropani.

Joba 8:22

Valala vago va na ambagiswa dzitshoni, ni mitshatsha ya va nya guvivbedwa khu monyo, yi na fuviswa.”

Dzindzimo 33:10

Pfhumu Nungungulu a ngu pfhungumula gikungo gya va nya mayigo ni gu thesa vbavbatshi mipimiso nya mayigo.

Isaya 29:20

Vathu nya dzihanyi ni vatshanisi, va na fuviswa khu Pfhumu Nungungulu, gumbembiswa gambe vatshavbo va thumago guvivba,

Isaya 8:10

Ambari mwa gu hungani gikungo, gi na pfhungumudwa, ambari mwa gu lugani mano, kha mu na dugelela, kholu Nungungulu a na ni ethu.

Jeremiya 48:13

Mowabhi a na thedwa dzitshoni khu nungungulu waye Kemosi, kha nga Israyeli a nga thedwago dzitshoni khu Bheteli, a gu nungungulu waye a nga bani a gu mu tumba.

Hoseya 10:8

Malangani nya gukhugege ya Bheti-Avheni, a gu tsindza nya giwono gya Israyeli, gu na pfhungumudwa; miba ni sirangalabwa, si buga vbatshani nya siluvelo sawe. Khavbo avbo, va na embela sigomo, khavo: “Hi fenengedzeni!” Ga sigomwana, khavo: “Hi futeleni!”

Hoseya 12:11

Tigoni ga Gileyadhi gwa gu bani guri ni manyala, avo va gu dzi pfhadza! Va gu bani va gu paya dzimombe va gira miphaso, siluvelo sawe sa gu fanana ni litala nya siwindri thembweni gu limidwego.

Hoseya 4:15

Uwe Israyeli, wa guvbweta gu gira wuphuphulu, u nga rwegi nandru va na Judha! Mu ngati Giligali, ambari gu gwelani muya Bheti-Avheni, na mu gu sambanya, khenu: Hi ngu sambanya khu Pfhumu Nungungulu a vbanyago.

Hoseya 9:15

Wuvivbi wawe watshavbo, wu khugede Giligali, kholu, khiyo iyo nyi nga phela gu va venga, khu kotani nya mithumo yawe nya guvivbe, nyi va tutumiside tigoni gwangu. Nyi si va goli gambe, Vathangeli vawe vatshavbo sindraga milayo.

Amosi 1:5

Nyi na fanyeledzela migonyo ya Dhamasiko, nyi mbembisa vavbanyi va Bhekiyati-Avheni, ni wule a pharago ndronga nya wufumu wa Bheti-Edheni; vathu va Siriya va na yiswa wugumbitunu tigoni ga Kiri, a ngu ganela Pfhumu Nungungulu.

Amosi 3:14

Khu litshigu nyi natago nyita tsayisa Israyeli khu kotani nya sighoho saye, nyi na khungumula siluvelo sa Bheteli ni dzikeho nya siluvelo dzi na pidwa dzi thega vbavbatshi.

Amosi 4:4

Indrani Bheteli, mu ya ghoha, bwelo khavbo mu wuya Ghiligali mu ya gu andrisa khu sighoho, resani miphaselo yanu nya dzimindrudzile, gugya ni gugya, resani miphaso yanu, guvbelani nya matshigu mararu ni mararu, resani gipandre gyanu nya likhumi.

Amosi 7:10

Khu guralo, Amaziya, muphasi nya mhamba wa Bheteli, a di rumela guya embela Jerobhowamo, mufumeli wa Israyeli, khuye: Amosi giride gikungo nya gu guwugele, vbakari ga va na Israyeli; litigo kha li dzi kodzi gutimisela magana yatshavbo a ganelago.

Amosi 7:13

Aholu, omu tigoni ga Bheteli, gukhugela olu guya mbeli, khu na nga profeta gambe, kholu, wulanga nya guage wa mufumeli ni nyumba nya miphaso nya mufumo.

Amosi 7:17

Khu guralo, Pfhumu Nungungulu a ngu gu embela, khuye: Mwangadzi wago a na gira wubhayi dhoropani, sanana sago nya sikhwathana niso nya sagadzyana, si na songwa khu matshari, litigo lago li na kabaniswa khu ngodzi, uwe u naya fela tigoni nya mahedheni, Israyeli a na vbagedwa a yiswa wugumbitunu, hwindzo ni litigo laye.”

Amosi 7:9

Malangani nya sigomo nya miphaso ya Isaki, ma na vbindrugedza ma khala marumbi, ni malangani nya miphaso ya Israyeli ma na khungumudwa; nyi na wugela nyumba ya Jerobhowamo khu matshari.”

Amosi 8:14

Vale va sambanyago khu nungungulu nya malipha wa Samariya, va ganela, khavo: “Hi ngu sambanya khu nungungulu wago, uwe Dhani; ni avo va gukhavo: Hi ngu sambanya khu ndzila yiyago Bherisebha! Vanungungulu wowo va na thega, nyamba wuga gambe.”

1 Vakorinto 1:28

Nungungulu hathide silo nya nyalidede niso nyamba phasa gilo tigoni, gasi afela gu tshisa vbavbatshi iso si wonegago gukhwatshi si na ni lisima.

1 Vakorinto 2:6

Ga vale va vidzidwego gukhodwani, hi ngu tivisa guti. Khandri guti ga mafuni momu, mwendro ga vale va fumago khu tshivba mafuni, kholu avo, mahegiso yawe khu gu vbeledwa khu wufumu;

Dhewuteronome 28:41

U na velega sanana nya sikhwathana ni vanyamahegyane, aholu gima khu na khala navo, kholu va na vbagedwa va yiswa wugumbitunu.

Josuwa 5:9

Khavbo avbo, Pfhumu Nungungulu a di embela Josuwa, khuye: “Muhuno nyi duside vbakari gwanu dzitshoni dza Egipito.” Kotani nya isoso wulanga wule wu di ranwa pwani Giligali, kala na muhuno.

Gutuledwa 18:17

Vagimbidzisi nya mataro ni vatshavbo va gimbilago khayo, vamarinyero ni vatshavbo vathu va manago guvbanya khu gu thumela phwani, va di ema khu hwindzo,

1 Samuweli 11:14

Samuweli a di embela vathu, khuye: Deluni, hi hongole Giligali, hi naya tiyisa iyoyo mufumo.

1 Samuweli 7:16

Khu mwaga ni mwaga a di dzundrulugela madhoropa ya Bheteli, Ghiligali ni Misipa; malangani gwatshavbo momu a di lamula va na Israyeli.

1 Samuweli 8:2

Egi nya matiwula gi di ranwa gupwani khu Joyele, nya wuvili, a diri Abhiya; va diri valamuli va Bherisebha.