Amosi 5:25 - Bhibhiliya Nya Guage

²⁵ Enu va na Israyeli, avbo mu nga bani muri giwulani gipimo nya magumana myaga, ina mu di gu nyi girela miphaso nya guhodze, gani?

Amosi 5:25 Iomraidhean Croise

Nehemiya 9:18

Ambari gikhati va nga dzi wumbela gimombyana nya gupfhudwe khu simbi, va ganela, khavo: Khuye oyu Nungungulu wanu a mi dusidego khu tigoni ga Egipito; va gira guvivba gu nyenyezidego ngudzu.

Nehemiya 9:21

Khu magirelo yoyo, U di va hodzisa giwulani gipimo nya magumana myaga, gima kha va nga hamuga gilo ni dzingandzu dzawe gima kha dza nga hagala, ni mawundru yawe kha ma nga simba.

Ezekiyeli 20:16

kholu avo va bombide milayo yangu, kha va thuma gukhedza khu sileletelo sangu, va nyenyeziside dzisabhadho dzangu. Kholu myonyo yawe yi di namarede ga sifananiso sawe.

Ezekiyeli 20:24

kholu kha va sayisa milayo yangu, aholu va di nyenya sileletelo sangu ni gu nyenyezisa dzisabhadho dzangu, maho yawe ma dogorela sifananiso sa vavelegi vawe.

Ezekiyeli 20:8

Aholu avo va di nyi kanyisa, va si dzumeli gu nyi yingisa; mwalo a nga dzumela gu diga sifananiso nya gunyenyeze sa Egipito; khu guralo, eni nyi di va embela kheni nyi na guhula vbatshani gwawe likhulo langu, gasi gu landrisa khorodza yangu gwawe tigoni ga Egipito.

Levhi 17:7

Gima kha va na nga ningela gambe sifuyo sawe, va girela miphaso vanungungulu vawe nya vamabhongwe va vbanyago navo. Va fanede gu sayisa nayo yoyu, avo ni situgulwana sawe, khu mimela ni mimelana kala gupindruga.

Zakariya 7:5

“Nga wudzisa ga vathu vatshavbo va tigoni momu ni ga vaphasi nya mhamba, khuwe: Avbo mu nga lilani ni gu hala khu ngima nya livbandre ni oyu nya livbandre na mivili, ndrani nya myaga yeyi nya livbandre na mavili magumi, ina mu di hala khu kotani gwangu, gani?

Josuwa 24:14

Gasi olu, ningani githawo Pfhumu Nungungulu, mu Mu thumela khu gutumbega nya lisine; dzudzugani hwindzo vanungungulu va nga thumedwa khu vababe vanu khisikheyi nya tsongo wa Ewufrate ni Egipito, mu khozela Pfhumu Nungungulu.