Amosi 5:18 - Bhibhiliya Nya Guage

¹⁸ Libango ga vale va vbwetago gu wona litshigu la Pfhumu Nungungulu! Mwa gu li vbwetela ginani gu li wonani litshigu leli la Pfhumu Nungungulu? A na bani nari litshigu nya gidema, nyambana wenengedzo.

Amosi 5:18 Iomraidhean Croise

Isaya 13:6

Wombani huwa khu guvbisega, kholu Litshigu la Pfhumu Nungungulu li vbohide; la guta khiyo ga uye nya Tshivba Yatshavbo gasi guta mbembisa.

Isaya 24:18

Uye a na thavago lito nya tshanisa a na thegela phalani, ni uye a na dugago khu phalani, a na modwa khu lizinga; kholu sihogo sa ndzadzini si tulegide, gu tsekatseka siseketelo nya mafu.

Isaya 5:19

Avo vari, khavo: “Nungungulu a na vbiredzele gu vbedza thumo waye, gasi hi kodza gu si wona. Makungo ya Nyaguage wa Israyeli, ma na tadzisege, gasi hi ma wona.”

Isaya 5:30

Khu litshigu lolo, va na bhongela Judha, kha nga gubhonga nya linene, uye a na khedzago tigoni, a na wona basi gidema ni gutshaniseka, lidambo li na pfhupedziswa khu mapfhi nya guthise.

Isaya 58:2

Ambari khu guralo, khu litshigu ni litshigu li gyago, va gu nyi vbweta, gambe va gu yeyedza gugola guti dzindzila dzangu; kha nga vathu va girago gululama, va ngamba diga nayo wa Nungungulu wawe, va nyi lomba gu va yeyedza ndzila nya gululame, gambe va na ni ligolo ni Nungungulu.

Isaya 8:22

Va na khedza mafuni, gambe va na wona tshanisa, gidema ni wuvi nya wukhongolo ngudzu; khu hwane, va na rinywa gidemani nya guthise.

Isaya 9:19

Khu kotani nya likhulo la Pfhumu Nungungulu nya Tshivba Yatshavbo, litigo li dagarede, ni vathu va gu gira gukhwatshi dzikhuni dzi vbyago niloni, mwalo a tsetsago ndriyaye.

Jeremiya 13:16

Dhumisani Pfhumu Nungungulu wanu, gu si gu vbohi gidema, migondro yanu yi si gu tshunganeli musigomoni nya guthise; avbo mu na gu khedziselago guwonegela, aholu uye a na gu vbindrugedza a resa wutshigu ni gidema nya guthise.

Jeremiya 17:15

Wona nya gukhuwe va gu nyi embela, khavo: “Momo hayi magana a ganedego Pfhumu Nungungulu? Ma na tadzisege, na!”

Jeremiya 30:7

Yowe! Litshigu lile li thiside ngudzu, li mwalo limbe nya gufanane nalo! Gu na bani nari gikhati nya gutshaniseke ga Jakobe; ambari khu kharalo, uye a na vbuluga ga ilo.

Ezekiyeli 12:22

“Mwamana wa muthu, mavingu muni enu mu gu nawo tigoni ga Israyeli nya gukhenu: Matshigu ma ngu vbindra, ni siwoniso va hi wonisago, kha si phasi gilo?

Ezekiyeli 12:27

Mwamana wa muthu, va na Israyeli va gu ganela, khavo: Giwoniso va gi wonago kha gi na girega nugunugu, gi na girega khu hwane nya myaga yi nga gutago.

Joyele 1:15

Yowe! Litshigu lile! Kholu litshigu la Pfhumu Nungungulu lomo vbafuvbi.

Joyele 2:10

Mbeli gwawe mafu ma gu tsekatseka, ni damboni gu ndrendremela; lidambo ni ngima si pfhupela, ni dzinyeledzi dzi na dusa wenengedzo wawe.

Joyele 2:11

Pfhumu Nungungulu a ngu khusedza lito laye mbeli nya mabutho yaye; kholu masotshwa yaye mangi ni tshivba ngudzu kholu a na ni tshivba uye a yingisago milayo yaye; kholu litshigu la Pfhumu Nungungulu likhongolo ni guthisa ngudzu, khu mani a na gu li tiyelago?

Joyele 2:31

Lidambo li na vbindrugedza li khala gidema, ngima wu fuvila wu khala novba, li si gu vbohi litshigu nya likhongolo nya guthise la Pfhumu Nungungulu.

Obhadhiya 1:15

Kholu litshigu la Pfhumu lomo vbafuvbi, ga mayigo yatshavbo, a nata gu gira kha nga idzo u nga girago khidzo vakwanu; wuvivbi wago wu na thegela hungoni gwago.

Dhewuteronome 32:24

Va na mbemba khu ndzala, ni gu hodzwa khu dzingumbe ni mitungu nya guvbise, nyi na va rumela magwaha nya sirengo nya likhabi, ni wuhungu nya gusonge nya sirengwanana nya gukhwirire khu lididi.

2 Pedro 3:10

Aholu Litshigu la Pfhumu li na vboha kha nga mbafa vbakari nya wutshigu. Litshigu lolo, ndzadzi yi na mwalalega gu pwala ligwaha nya gusamadzise. Satshavbo si guromo ndzadzini si navbya, litigo ni satshavbo si guromo tigoni si na fuviswa.

2 Pedro 3:4

khavo: “Uye tumbiside gukhuye a na wuya, khandridzo, womo hayi olu? Vababe vathu va fude, satshavbo si ngari idzosaye gukhugela guvangwa nya mafu.”