Amosi 5:17 - Bhibhiliya Nya Guage

¹⁷ Marembweni gwatshavbo gu na manega gililo; kholu nyi na vbindra khu vbakari gwago, a ngu ganela Pfhumu Nungungulu.

Amosi 5:17 Iomraidhean Croise

Ekisodha 11:4

Mosi a di engedza gambe a ganela, khuye: “Pfhumu Nungungulu a ngu ganela kharati, khuye: Ni vbakari nya wutshigu nyi na vbindra khu vbakari ga Egipito.”

Ekisodha 12:12

Ni wutshigu wowo, nyi na vbindra tigoni ga Egipito, nyi na songa satshavbo sanana nya matiwula ya tigoni ga Egipito, nya vathu ni sifuyo; nyi na lamula vanungungulu vatshavbo va Egipito. Eni kheni Pfhumu Nungungulu!

Ekisodha 12:23

Kholu Pfhumu Nungungulu a na vbindra gasi gu ya songa Vagipiti, avbo a na wonago novba avbo nya mihasimo nya mwanya, a na vbindra mbeli, kha na nga dzumedzisa Musongi gubela dzinyumbani gwanu a mi songa.

Isaya 16:10

Marembweni nya gunone gu mwalo gambe gutsaka ni mikulungwane nya gunengele; mwalo a gamago gambe dziuvha maphisoni. Nyi degudzide mikulungwane nya gutsake.

Jeremiya 48:33

Dzindzimo ni mikulungwane, kha dzi nga gu pwala gambe tigoni nya gunone ga Mowabhi, nyi bangiside miphongolo yi thedwago umo vbinyu; mwalo gambe a na gu gamago dziuvha khu litsako, gwa gu manega ndzimo, yi na bani yiri ya gililo.

Joyele 3:17

Khavbo avbo, mu na dzitini nya gukhenu: Eni kheni Pfhumu Nungungulu wanu, nyi vbanyago Siyoni, gigomoni gwangu nya gukatege; Lidhoropa la Jerusalema li na bani li kategide, vathu nya mambe mayigo, gima kha va na li khozisa gambe.

Nahume 1:12

Pfhumu Nungungulu a ngu ganela kharati, khuye: “Ambari na mu tiyide kharini, ni gu bani muri vangi kharini, kha mu na vbuluga gumbembiswa, uye a na vbindra, aholu uwe Judha, nyi gu thede dzitshoni, olu kha nyi na engedza gambe gu gu poyila.

Nahume 1:15

Wonani musigomoni migondro ya wule a resago mahungu nya yadi, a huwelelago gurula! Uwe Judha, gira mikhuwo nya mibuzo yago, u landrisa sisambanyo sago, kholu va nya mayigo, gima kha va na nga gu sasela gambe; avo va na mbembisedwa muphelo.

Zakariya 9:8

Eni mune furi, nyi na ta khala nyangwatunu nya nyumba yangu nyi ghadha, gasi yi si phangwi khu valala, gu si manegi ni muthu nya gu tsemakanye, ni muthu nya guwuye gasi gu si manegi gambe mutshanisi nya gutshanise vathu vangu; kholu eni mune furi nyi ngu si wona khu maho yangu.