Amosi 5:14 - Bhibhiliya Nya Guage

¹⁴ Vbwetani ugo gu gu gwadi nasiri ugo nya guvivbe, gasi mu kodze guvbanya; khu kharato, Pfhumu Nungungulu nya Tshivba Yatshavbo, a na bani nari nanu, kha nga guganela gwanu.

Amosi 5:14 Iomraidhean Croise

Genesi 39:23

Muthangeli nya lipaso, a di si dzi garadzi khu gu khedzisela esi si nga bani a pharisidwe Josefa, kholu Pfhumu Nungungulu a diri ni uye; Pfhumu a di gira gukhuye silo ni mithumo yatshavbo ya Josefa yi mu dugela gwadi.

1 Dzikoronika 28:20

Dhavhidhe a di embela mwanaye Solomoni, khuye: “Tiya longo u nga thavi gilo ni gu pilega hwambo, phara thumo; kholu Pfhumu Nungungulu wangu, a na bani ari nago, gima kha na nga gu diga ambari gu gu divala, kala u vbedza thumo watshavbo nya guvbahe Nyumba ya Pfhumu Nungungulu.

2 Dzikoronika 15:2

Uye a di hongola ga Asa, aya mu embela, khuye: “Nyi yingiseni, uwe Asa, ni enu mwatshavbo va na Judha, ni va na Bhejami! Pfhumu Nungungulu a na ni enu, na mu ngari naye, mwa gu mu vbwetani, Uye mu na mu mana; aholu mwa gu mu digani, Uye nuye a na mi diga.”

Dzindzimo 46:11

Pfhumu Nungungulu nya Tshivba Yatshavbo womo vbakari gwathu; Nungungulu wa Jakobe khuye wuthavelo wathu.

Dzindzimo 97:10

Enu mu golago Pfhumu Nungungulu, nyenyani guvivba, uye a ngu sayisa mihefemulo ya vale va mu khozelago, a va vbulugisa mandzani ya va nya guvivba.

Ekisodha 3:12

Nungungulu a di mu hakha, khuye: “Khu lisine eni nyi na bani nyiri nago. Egi khu giwonegiso nya gupwani kheni nyi gu rumelago; hwane nya gu bani nu duside vathu vangu khu tigoni ga Egipito, mu nata khozela Nungungulu gigomoni momu.”

Mavingu 11:27

Uye a dzi garadzago khu gu vbweta wuwadi, a na tsakedwa khu vathu, aholu uye a tsakelago guvivba, a na tshaniswa khugo.

Isaya 55:2

Khu ginani mu luzisago dzitsapawu dzanu khu sile si gu sindri guhodza, ni lithonga lanu, khu sile si gumba phasa gilo? Tulani dzindzeve mu nyi yingisa, mu na hodza esi nya sadi, mupwa gutshamba khu guhodza nya gunone.

Isaya 8:10

Ambari mwa gu hungani gikungo, gi na pfhungumudwa, ambari mwa gu lugani mano, kha mu na dugelela, kholu Nungungulu a na ni ethu.

Amosi 3:3

Ina vathu vavili va ngu dzi kodza gu longoloka na va si pwanani, gani?

Amosi 5:6

Vbwetani Pfhumu Nungungulu, mu na vbanya; gasi a si thegeli ga nyumba ya Josefe kha nga nilo, a yi mbembisa, gu si manegi dhoropani ga Bheteli muthu nya gu wu tshime.

Mikeya 3:11

Vathangeli vawe va gu lamula, va gu rwega milandru vathu khu gu rengeledwa, vaphasi vawe nya mhamba va gu hevbudza khu gu vbweta gu hakha, vaprofeti va gu profeta khu gu vbweta dzitsapawu, aholu va gu dzi seketela khu Pfhumu Nungungulu, khavo: Khu lisine Pfhumu Nungungulu mwalo vbakari gwathu. Li mwalo libango li na gu hi dugelelago.

Mikeya 6:8

Uwe muthu, Uye a gu nonedzide iso si gu sadi, iso Pfhumu Nungungulu a si vbwetago gukhuye u si gira khu esi: Gira iso si lulamidego, gola wuwadi, u gimbila khu gu dzi nogisa mbeli ga Nungungulu wago.

Sofoniya 2:3

Vbwetani Pfhumu Nungungulu, enu mwatshavbo, va nya gurula va mafuni, enu mu landrisago milayo yaye. Zamani guvbweta gululama, dzi nogiseni mbeli gwaye, a gu dzina saye mu na mana wuthavelo litshigu nya likhulo la Pfhumu Nungungulu.

Mitengo 16:3

Va di ya tombana ga Mosi ni Aroni, va va embela, khavo: “Hi garade khu enu! Tshangano watshavbo wu agide, muthu ni muthu nya avo va agide, Pfhumu Nungungulu womo vbakari gwawe. Khu ginani mu dzi khusedzago vbatshani nya tshangano wa Pfhumu Nungungulu?”

Matewu 1:23

“Dzitini nya gukhenu gyagadzyana nya mbiri gi na khura mimba, gi velega gyanana nya gikhwathana gi na ranwago gupwani khigyo Emanuweli” (gu tshamusago, gupwani: “Nungungulu womo vbakari gwathu.”)

Matewu 28:20

Va hevbudzeni gu landrisa satshavbo iso nyi nga mi hevbudzani. Gasi eni nyi na bani nyiri nanu gikhati gyatshavbo, kala guhegisani nya litigo.”

Matewu 6:33

Aholu, guphela dwanelani Mufumo wa Nungungulu ni gugola gwaye; gasi simbe mu na ningwa khu gu engedzedwa.

2 Thimoti 4:22

Pfhumu a na khale ni uwe, wuhigo wa Nungungulu wu na khale ni enu. Amen.

Josuwa 1:9

Gasi kha nya gu ruma, gani? Gukheni tiya longo ni gutimisela; u si thavi ambari guthuruga kholu Pfhumu Nungungulu wago, a na bani ari nago gwatshavbo umo u na gimbilago khumo.”