Amosi 5:12 - Bhibhiliya Nya Guage

¹² Kholu nyi ngu guti guvivba gwanu gukheni gungi, ni sihoso sanu si tade; enu mwa gu tshanisa muthu nya gululame, mu dzumela gu rengeledwa, mu hembulula vahamugi miphathani.

Amosi 5:12 Iomraidhean Croise

Joba 20:19

kholu, a di tshanisa sisiwana a si hembulula, a wandra dzinyumba a ngamba dzi vbaha.

Joba 31:21

mwendro gu bani nyi vetide khulungu phathani khu gupwa guseketedwa khu valamuli,

Dzindzimo 127:5

Kategide muthu a gu ni siholoma nya singi nya nga isoso; kha na nga thega dzitshoni a gu ema mbeli ga valala vaye phathani, nyangwani nya lidhoropa.

Ekisodha 23:3

Ambari gu emela gisiwana u diga lisine.

Ekisodha 23:6

U nga wegedzi mahungu ma lulamidego ya gisiwana gyanu huwoni nya gulamule mahungu.

Mavingu 17:8

Gu rengeledwa, muthu a gu gu wona kha nga gilo nya lisima, na gu tumba gukhuye ni evbini a belago a na dugelela.

Mavingu 22:22

U nga phangi gisiwana silo saye, kholu gi gu gisiwana, ni mugulamulani nya mahungu, u nga tsayisi uye a gu mwalo gilo,

Isaya 1:23

Manganagana yago vaganedzi, gambe dzipari nya dzimbafa; vatshavbo va gu dzumela gu rengeledwa khu dzitsapawu, va gu khatalela gu hakha sihiwa. Kha va vhikeli sigulungu, gambe kha va vhikeli dzifanelo nya dzinoni.

Isaya 10:2

gasi gu tsulupetela dzifanelo nya sisiwana, va bela sisiwana sa tigoni gwangu, gasi dzinoni dzi khala pfimba wawe, va phanga avo va fedwego khu vavelegi!

Isaya 29:21

vatshavbo avo va rwegago nandru muthu khu guhoheta nya gukari, ni valamuli va rengeledwago gasi gu rwega nandru wule a ngamba ghoha.

Isaya 33:15

Wule a gimbilago khu ndzila nya gululame ni gu ganela lisine; oyu a si khathaligo khu dzithomba nya guphangwe, oyu a si hakhigo khu mandzani gwaye silo nya gu rengeledwe; oyu a tshikago dzindzeve gasi a si yingisi mahungu nya gusonge, oyu a segago maho gasi a si woni guvivba.

Isaya 47:9

Aholu sigaradzo sa sivili, si na gu dugelela khu litshigu limwedo; u na fedwa khu sanana sago ni gu khala noni; si na gu garadzela ngudzu. Ambari nuri ni mirendre nya gutale ni wuloyi nya tshivba.

Isaya 5:23

Libango ga vale va dzumelago gu rengeledwa, gasi gutshula muthu a gu ni nandru, va bomba gu emela muthu nya gululame!

Isaya 66:18

Kholu mithumo yawe ni mipimiso yawe, nyi ngu yiti! Gi nguta gikhati nyi na gu tombanisago mayigo ni malimi yatshavbo; va nata vata wona wudhumo wangu.

Jeremiya 29:23

kholu va nga girago silo nya gulolele ga va na Israyeli, va bhaya ni vagadzi va vaakelane vawe ni gu dzi gira vaprofeti vangu, va ganela khu lina langu nari malipha, na nya sa va ruma gilo; satshavbo soso nyi ngu siti, gambe kheni fakazi yakone.” A ngu ganela Pfhumu Nungungulu.

Gililo 3:34

Gu gandredzela sibotshwa satshavbo sa tigoni;

Ezekiyeli 13:22

Khu malipha yanu mu tshunganiside wongo wa muthu nya gululame, a diga gu gira gugola gwangu, mu tiyisela vathu nya guvivbedwe khu myonyo, va si digi dzindzila dzawe nya guvivbe gasi guvbulugisa womi wawe.

Hoseya 5:3

Efrayimi nyi ngu muti; Israyeli nuye kha na nyi sihalela, kholu, olu, uwe Efrayimi u dzi ningedzede wubhayini, litigo la Israyeli li nyenyezide.

Amosi 2:16

Ga litshigu lile, ambari ndrena yi tiyidego yi na tutuma wumbwiri; a ngu ganela Pfhumu Nungungulu.

Amosi 2:3

Nyi na dusa mulamuli vbakari gwawe, nyi mu songa gumogo ni dzindruna dzaye dzatshavbo;” a ngu ganela Pfhumu Nungungulu.

Amosi 5:10

Va gu nyenya oyu a va kawukago phathani, va tsorodzela oyu a ganelago lisine.

Amosi 5:7

Enu mu vbindrugedzago lisine li khala wuhungu, gululama mu gu vbaladza vbavbatshi.

Amosi 8:4

Yingisani enu mu midzago vahamugi, mu mbembisa sisiwana sa mafuni,

Mikeya 3:11

Vathangeli vawe va gu lamula, va gu rwega milandru vathu khu gu rengeledwa, vaphasi vawe nya mhamba va gu hevbudza khu gu vbweta gu hakha, vaprofeti va gu profeta khu gu vbweta dzitsapawu, aholu va gu dzi seketela khu Pfhumu Nungungulu, khavo: Khu lisine Pfhumu Nungungulu mwalo vbakari gwathu. Li mwalo libango li na gu hi dugelelago.

Mikeya 7:3

Mandza yawe ma dzi emisede gasi gu gira guvivba; vathangeli va gu lomba siningwa, mulamuli a gu dzumela gu rengeledwa, va nya guthavisega va gu ganela khu manavelo ya monyoni gwawe, khu magirelo yaya, vatshavbo vadzuwungeli.

Malakiya 3:5

Nyi nata wonega vbakari gwanu gasi guta lamula, nyi na khala fakazi yile nya guwone gwadi ni gu wugela valoyi, sibhayi, ni vale va sambanyago malipha; nyi tsayisa ni vale va kanganyisago sithumi, va tshanisa dzinoni, sigulungu, ni valuveli, vale va si nyi ningigo githawo, a ngu ganela Pfhumu Nungungulu nya Tshivba Yatshavbo.

Mithumo 7:52

Khu wevbini muprofeti wa gale v ngamba mu tutumisa vababe vanu? Va songide vale va nga hegula gutivisa lipfhumba nya gute ga muthu nya ululamenga mu danga enu mu gu mu songa.

Dhewuteronome 16:18

U na vega valamuli ni dzindruna ga madhoropa yago yatshavbo aya Pfhumu Nungungulu wago, a na gu ningago vbakari nya mahundzu yago, gasi va lamule vathu khu gululama.

Dhewuteronome 31:21

Khu guralo, gikhati va na gu namaredwago khu mabango nya gutale, ndzimo yeyi yi na khala kha nga fakazi mbeli gwawe; kholu iyo gima kha yi na divadwa maganani ga situgulwana sawe. Kholu Eni nyi ngu mati maalakanyo ya myonyoni gwawe va girago muhuno, nyi si gu va vbohisi ga litigo nyi va sambanyedego gu va ninga.

Jakobe 5:4

Kha mu hakhisi vathu va thumago marembweni gwanu. Upwani gudilela gwawe, dzihuwa dza vale va nga thuma guvbwera, dzi vbohide kala dzindzeveni ga Pfhumu Nungungulu, nya Tshivba Yatshavbo.

Jakobe 5:6

Enu mu ngu ninga nandru, mu songa vathu nyambana nandru, avo kha va dzi kodzi gu dzi vhikela gwanu.

Rute 4:1

Khavbo avbo, Bhowazi a di gwela tandralani nya lidhoropa aya khala umo. A di wona mwama yoyu nya nongo a nga mu ganelago na guta; a di mu embela, khuye: “A ma sawu, nga ndreya u ta eno, khala avba.” Uye a di thendregedza a ta khala.

1 Samuweli 8:3

Aholu, sanana saye kha sa nga landra dzindzila dza babe wawe; kholu va di ndreya khu gugola ngudzu dzitsapawu, va dzumela gu rengeledwa, va si lamuli khu lisine.